Sumqayıt İnzibati Məhkəməsi Qərardad — İş №e-2-1(118)-1699/2023

Azərbaycan Respublikası adından QƏRARDAD Sumqayıt şəhəri İş № e-2-1(118)-1699/2023 09.03.2023 SUMQAYIT İNZİBATİ MƏHKƏMƏSİ Hakim Əzizova Vəfa Ehtiram qızının sədrliyi, X2 Ramiz qızının katibliyi, Cavabdehin nümayəndəsi X1 iştirakı ilə, İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinə qarşı cavabdeh vergi orqanı tərəfindən iddiaçının barəsində hesabladığı 105868.06 manat məbləğində vergi borcunun silinməsi tələbinə dair iddia ərizəsi üzrə inzibati işə Sumqayıt şəhəri, Sülh prospekti, 70 ünvanında yerləşən məhkəmənin binasında açıq məhkəmə iclasında yoxlayaraq, MÜƏYYƏN ETDİ: İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinə qarşı iddia ərizəsi ilə Sumqayıt İnzibati Məhkəməsinə müraciət edərək cavabdeh vergi orqanı tərəfindən iddiaçının barəsində hesabladığı 105868.06 manat məbləğində vergi borcunun silinməsi barədə qərar çıxarılmasını xahiş etmişdir. İddia tələbi onunla əsaslandırılmışdır ki, İddiaçı cavabdeh inzibati orqanının qərarına əsasən kameral qaydada qanunsuz vergi məbləği hesablanmışdır. Qanunsuz vergi məbləğinin hesablanmasına səbəb olaraq iddiaçının topladığı metal tullantılarının və məmulatlarının alış aktları əsasında vergi ödəyicilərinə təhvil verilməsi faktına istinad edilmişdir. Belə ki, vergi orqanı belə qənaətə gəlmişdir ki, onun təhvi verdiyi metal tullantı və məmulatlara görə ona ödənilən məbləğlər onungəliri hesab edilir və belə fəaliyyət həm də sahibkarlıq fəaliyyəti hesab edildiyindən bu məbləğlərdən vergi tutulmalıdır. Halbuki, iddiaçı tərəfindən toplanılan metal tullantıları vergi qanunvericiliyinin tələbinə əsasən daşınan əmlak hesab edilir və onların təqdim edilməsindən əldə edilən gəlir vergidən azad edilmişdir. Digər tərəfdən topladığı metal tullantıları və məmulatlartını təhvil verdiyi ayrıayrı şirkətlər barəsində vergi orqanı tələfindən əlavə vergi məblıəğlərinin hesablanması barədə qərarlar qəbul edilmiş və ona ödənilən məbləğlərdən ödəmə mənbəyində verginin tutulması onlardan tələb edilməkdədir. İddiaçının nümayəndəsi Nümayəndə vəsatətlə məhkəməyə müraciət edərək mübahisələndirilən vergi məbləğinin cavabdeh vergi orqanı tərəfindən ləğv edildiyini bildirmiş və Azərbaycan Respublikası İPM-nin 67.3-cü maddəsinə əsasən iş üzrə icraata xitam verilməsini məhkəmədən xahiş etmişdir. Cavabdehin nümayəndəsi Rövşən Nurullayev vəsatətlə məhkəməyə müraciət edərək iddiaçının şəxsi hesab vərəqinə müvafiq azalmanın verildiyini bildirərək iş üzrə icraata xitam verilməsini məhkəmədən xahiş etdi. Azərbaycan Respublikası İnzibati Prosessual-Məcəlləsinin 67.1-ci maddəsinə əsasən mübahisə ilə bağlı məhkəmənin yekun qərarı qəbul edilənədək, cavabdeh (inzibati orqan) iddiaçının tələbinin təmin olunduğu yeni inzibati akt qəbul etməyə və ya qanunda nəzərdə tutulmuş başqa tədbir görməyə haqlıdır. Həmin Məcəlləsinin 67.3-cü maddəsinə görə bu Məcəllənin 67.2-ci maddəsinə uyğun olaraq müəyyən edilmiş müddət ərzində cavabdeh tərəfindən iddiaçının tələbinin təmin olunduğu və işin mahiyyəti üzrə mübahisənin artıq mövcud olmadığı hallarda məhkəmə icraata xitam verilməsi barədə qərardad qəbul edir. Məhkəmə araşdırması zamanı müəyyən edildi ki, tərəflər arasında mübahisə məhkəmədən kənar qaydada nizama salınmışdır və mübahisələndirilən vergi borcu ləğv edilmişdir. İddiaçı mübahisənin bu cür nizama salınması ilə razılaşaraq mübahisənin həll edilmiş sayılmasını və iş üzrə icraata xitam verilməsini xahiş etmişdir. Məhkəmə hesab edir ki, tərəflər arasında mübahisə öz həllini tapdığından iş üzrə icraata xitam verilməlidir. Göstərilənlərə əsasən və Azərbaycan Respublikası İnzibati Prosessual Məcəlləsinin 55, 80 və 85-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinə qarşı cavabdeh vergi orqanı tərəfindən iddiaçının barəsində hesabladığı 105868.06 manat məbləğində vergi borcunun silinməsi tələbinə dair iddiası üzrə icraata xitam verilsin. Qərardad tərəfə rəsmi qaydada verildikdən sonra 10 gün müddətində ondan Sumqayıt İnzibati Məhkəməsi vasitəsilə Sumqayıt Apellyasiya Məhkəməsinə şikayət verilə bilər. Hakim Vəfa Əzizova