Sumqayıt İnzibati Məhkəməsi Qərardad — İş №e-2-1(118)-4415/2023

Azərbaycan Respublikası adından QƏRARDAD Sumqayıt şəhəri İş № e-2-1(118)-4415/2023 14.09.2023 SUMQAYIT İNZİBATİ MƏHKƏMƏSİ Sumqayıt İnzibati Məhkəməsinin hakimi Quliyev İsmayıl Rza oğlu, iddiaçı Təhsil İstirahət X1 Cəmiyyətinin cavabdeh Azərbaycan Respublikası Maliyyə Nazirliyi Xaçmaz rayonu üzrə Maliyyə Şöbəsinə qarşı “ 21 iyul 2023-cü il tarixli **********283100 saylı, 21 iyul 2023-cü il tarixli **********285500 saylı qərarları mübahisələndirilmişdir və cavabdeh həmin qərarlar üzrə müvafiq olaraq 112 874,13 manat ƏDV və 67 342,48 manat ƏDV-ni dövlət büdcəsinə 5 gün ərzində silə bilər, iş üzrə mübahisə həll edilənə kimi həmin məbləğlərin, ümumilikdə 180 216,61 manat mübahisəli ƏDV məbləği olmaqla həmin məbləğin 105 faizinin dondurulması və cavabdehə həmin məbləğdə pul vəsaitinin silinməsinin qadağan edilməsi barədə müvəqqəti təminat tədbiri qismində qərar qəbuledilməsinə” dair işə inzibati məhkəmə icraatı qaydasında açıq məhkəmə iclasında baxaraq, MÜƏYYƏNETDİ: İddiaçı Təhsil İstirahət X1 Cəmiyyəti yuxarıda qeyd edilmiş iddia ilə məhkəməyə müraciət etmişdir. 29 avqust 2023-cü il tarixdə elektron kabinetdən daxil olmuş ərizəsinə əsasən iddiaçı iddia ərizəsi və ona əlavə edilmiş sənədlərin geri qaytarılmasını məhkəmədən xahiş etmişdir. Azərbaycan Respublikası İnzibati Prosessual Məcəlləsinin 80.1-ci maddəsinə əsasən həmin Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia ərizəsinin geri qaytarılmasını xahiş etməsi onun bu iradəsinin olmadığını göstərir. Buna görə də məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. İddiaçıya izah edilsin ki, yenidən məhkəməyə müraciət etmək hüququ istisna edilmir. Yuxarıda göstərilənlərə əsasən məhkəmə, QƏRARAALDİ: İddia ərizəsi və ona əlavə edilmiş sənədlər iddiaçıya geri qaytarılsın. İnzibati iş üzrə icraata xitam verilsin. Qərardaddan tərəfə rəsmi qaydada verildikdən sonra 10 gün müddətində Sumqayıt şəhər, Sülh prospekti 70 ünvanında yerləşən Sumqayıt Apellyasiya Məhkəməsinə şikayət verilə bilər. Hakim İsmayıl Quliyev