Şəki Kommersiya Məhkəməsi Qətnamə — İş №e-2-2(117)-151/2021

Azərbaycan Respublikası adından QƏTNAMƏ Şəki şəhəri İş № e-2-2(117)-151/2021 06.04.2021 ŞƏKİ KOMMERSİYA MƏHKƏMƏSİ Hakim Hüseynov Mübariz Rahil oğlu, iddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 13 saylı Ərazi Vergilər İdarəsinin (bundan sonra mətndə iddiaçı və ya 13 saylı ƏVİ) Cavabdeh (bundan sonra mətndə cavabdeh) qarşı “xx.xx.2020-ci il tarixə dövlət büdcəsinə ödənilməmiş 1798 manat borcun ödənilməsinin təmin edilməsi məqsədi ilə 2000 manat məbləğində siyahıya alınmış əmlakın (1 ədəd 100 manat dəyərində yeni televizor altlığı, 1 ədəd 90 manat dəyərində yeni jurnal stolu, 1 ədəd 250 manat dəyərində yeni ağ-qara termo, 1 ədəd 200 manat dəyərində yeni şabalıdı güzgülü termo, 1 ədəd 190 manat dəyərində yeni daxıllı termo, 1 ədəd 200 manat dəyərində yeni uşaq stol dəsti, 1 ədəd 120 manat dəyərində yeni şabalıdı böyük stol, 1 ədəd 140 manat dəyərində yeni 2 qapılı göy rəf, 1 ədəd 150 manat dəyərində yeni balaca stol, 1 ədəd 150 manat dəyərində yeni kompyuter masası, 1 ədəd 150 manat dəyərində yeni jurnal üçün stol, 1 ədəd 200 manat dəyərində yeni böyük termo və 1 ədəd 60 manat dəyərində yeni ağ rəf) ixtisaslaşdırılmış açıq hərracda satılması” tələbinə dair iş materiallarına baxaraq aşağıdakı qətnaməni qəbul etdi. Təsviri hissə: Vergi ödəyicisi olan cavabdeh vergi öhdəliklərini yerinə yetirmədiyindən onun xx.xx.2020-ci il tarixə dövlət büdcəsinə ödənilməmiş 1798 manat məbləğində manat borcu vardır. xx.xx.2020-ci il tarixli xəbərdarlıq məktubu ilə cavabdehdən borcun ödənilməsi tələb edilmiş, əks təqdirdə məhkəməyə müraciət olunacağı barədə ona xəbərdarlıq edilmiş, borc ödənilmədiyindən tərəflər arasında hazırkı mübahisə yaranmışdır. Yaranmış borcun ödənilməsi cavabdeh tərəfindən təmin edilmədiyindən vergi orqanının xx.xx.2020-ci il tarixli **********5 nömrəli qərarı əsasında xx.xx.2020-ci il tarixli **********5 nömrəli protokolla cavabdehə məxsus əmlak – dəyəri 100 manat olan 1 ədəd yeni televizor altı, dəyəri 90 manat olan 1 ədəd yeni jurnalni, dəyəri 250 manat olan 1 ədəd yeni ağ-qara termo, dəyəri 200 manat olan 1 ədəd yeni şabalıdı güzgülü termo, dəyəri 190 manat olan 1 ədəd yeni daxıllı termo, dəyəri 200 manat olan 1 ədəd yeni uşaq stol dəsti, dəyəri 120 manat olan 1 ədəd yeni bötük şabalıdı stol, dəyəri 140 manat olan 1 ədəd yeni 2 qapılı rəf, dəyəri 150 manat olan 1 ədəd yeni balaca stol, dəyəri 150 manat olan 1 ədəd yeni kompyuter masası, dəyəri 150 manat olan 1 ədəd yeni jurnalni stol, hər birinin dəyəri 60 manat olan 2 ədəd yeni uşaq beşiyi, dəyəri 90 manat olan 1 ədəd yeni qırmızı ayaqlı stol, dəyəri 160 manat olan 1 ədəd yeni künc stol, dəyəri 60 manat olan 1 ədəd yeni ağ rəf, dəyəri 400 manat olan 1 ədəd işlənmiş künc divan jurn..., dəyəri 50 manat olan 1 ədəd yeni ağ stol, dəyəri 200 manat olan 1 ədəd yeni böyük termo və dəyəri 120 manat olan 1 ədəd yeni komot) siyahıya alınmışdır. Azərbaycan Respublikası Mülki Prosessual Məcəlləsinin (bundan sonra mətndə MPM) 284-5.1-ci maddəsinə əsasən cavabdehə rəsmi qaydada bildiriş göndərilmiş, sonuncuya məhkəmə sənədləri xx.xx.2021-ci il tarixdə təqdim olunsa da, cavabdeh iddia tələbinə qarşı əsaslandırılmış etirazını müəyyən olunmuş 10 (on) gün müddət ərzində məhkəməyə təqdim etməmişdir. Məhkəmə, MPM-in 284-5.3-cü maddəsinə əsasən, işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxmışdır. İddiaçı tərəfindən elektron qaydada icraat materialları məhkəməyə təqdim olunmuşdur. Həmin materiallara: cavabdehin şəxsi hesab vərəqəsinin surəti, əmlakın siyahıya alınmasına dair vergi orqanının xx.xx.2020-ci il tarixli **********5 nömrəli qərarı, iddiaçı tərəfindən cavabdeh barədə tərtib edilmiş əmlakın siyahıya alınması barədə xx.xx.2020-ci il tarixli **********5 nömrəli protokolun surəti, xəbərdarlıq və bildiriş daxildir. Bu materialların məzmununa istinad edilir. Onlar məhkəmə araşdırmasının predmetini təşkil etmişlər. Əsaslandırma hissəsi: Məhkəmə iş üzrə təqdim olunmuş sənədləri hərtərəfli araşdırıb, sübutların məcmusuna hüquqi qiymət verərək hesab edir ki, iddia tələbi əsaslı olduğundan təmin edilməlidir. Belə ki, Azərbaycan Respublikası Vergi Məcəlləsinin: 1.4-cü maddəsinə əsasən bu Məcəllənin vergitutmanın ümumi əsasları, vergilərin ödənilməsi qaydaları (ödənilməsi mənbələri istisna olmaqla), vergi ödəyicilərinin və dövlət vergi orqanlarının, habelə vergi münasibətlərinin digər iştirakçılarının vergitutma məsələləri ilə bağlı hüquq və vəzifələri, vergi nəzarətinin forma və metodları, vergi qanunvericiliyinin pozulmasına görə məsuliyyət, dövlət vergi orqanlarının və onların vəzifəli şəxslərinin hərəkətlərindən (hərəkətsizliyindən) şikayət edilməsi qaydaları ilə bağlı müddəaları məcburi dövlət sosial sığorta haqqı, icbari tibbi sığorta haqqı və işsizlikdən sığorta haqqına münasibətdə də tətbiq olunur. 16.1-ci və 24.0.1-ci maddələri ilə vergi ödəyicisinin üzərinə qanunla müəyyən edilmiş vergiləri ödəmək, vergi orqanının üzərinə isə vergilərin düzgün hesablanmasına, tam və vaxtında ödənilməsinə nəzarət etmək vəzifələri qoyulmuşdur. 77.3-cü maddəsinə əsasən vergi ödəyicisi vergi qanunvericiliyinin tələblərinə uyğun olaraq verginin ödənilməsini nəzərdə tutan şəraitin yarandığı andan vergi öhdəliklərinin yerinə yetirilməsi üçün cavabdehdir. 78.1-ci maddəsinin tələblərinə görə vergi öhdəliklərinin yerinə yetirilməsi ödənilməli olan vergi məbləğinin müəyyən edilmiş müddətlərdə və qaydada ödənilməsidir. Vergi ödəyicisinin hesablarında və ya kassasında vəsaitin, habelə onun əmlakının olubolmamasından asılı olmayaraq vergi öhdəliklərinin yerinə yetirilməsi məcburidir. 89.1-ci maddəsinə əsasən vergi ödəyicisi vergi öhdəliyini bu məcəllə ilə müəyyən edilmiş müddətdə yerinə yetirmədikdə yaranmış vergi borclarının, habelə həmin öhdəliyin yerinə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi onun əmlakı siyahıya alına bilər. 90.1-ci maddəsinə əsasən vergi ödəyicisinin əmlakı siyahıya alındıqdan sonra 30 gün müddətində vergi öhdəliyi yerinə yetirilmədikdə vergi orqanı vergi öhdəliyinin icrasının təmin olunması məqsədi ilə siyahıya alınmış əmlakın zəruri və kifayət olan həcmdə ixtisaslaşdırılmış açıq hərracda satılması barədə məhkəməyə müraciət edə bilər. “Azərbaycan Respublikasının İqtisadiyyat Nazirliyinin funksiyalarının və strukturunun genişləndirilməsi haqqında” Azərbaycan Respublikası Prezidentinin 2019-cu il 23 oktyabr tarixli Fərmanına əsasən Azərbaycan Respublikasının Vergilər Nazirliyi dövlət xidməti statusunda Azərbaycan Respublikasının İqtisadiyyat Nazirliyinin strukturuna daxil edilmişdir. Məhkəmə araşdırması zamanı müəyyən edildiyi kimi, cavabdehin xx.xx.2020-ci il tarixə ödənilməmiş 1798 manat məbləğində borcu yaranmış, həmin borcun ödənilməsi cavabdeh tərəfindən təmin edilməmişdir. Məhkəmə hesab edir ki, vergi ödəyicisinin üzərinə qanunla müəyyən edilmiş vergi borcunu ödəmək vəzifəsi qoyulduğundan və o, borcların ödənilməsini nəzərdə tutan şəraitin yarandığı andan bu öhdəliklərinin yerinə yetirilməsi üçün cavabdeh olduğundan iddia tələbi təmin edilməli və cavabdehin xx.xx.2020-ci il tarixə dövlət büdcəsinə ödənilməmiş 1798 manat məbləğində borcunun ödənilməsini təmin etmək məqsədi ilə ona məxsus olan 2000 manat dəyərində siyahıya alınmış əmlaklar ixtisaslaşdırılmış açıq hərraclar vasitəsi ilə satılmalıdır. MPM-in 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İddia tələbi təmin edildiyindən 30 manat dövlət rüsumu cavabdehdən tutularaq iddiaçıya ödənilməlidir. Nəticəvi hissə: İddia təmin edilsin. Cavabdeh xx.xx.2020-ci il tarixə dövlət büdcəsinə ödənilməmiş 1798 manat məbləğində vergi borcunun ödənilməsini təmin etmək məqsədi ilə ona məxsus olan 2000 manat dəyərində siyahıya alınmış əmlakı (1 ədəd 100 manat dəyərində yeni televizor altlığı, 1 ədəd 90 manat dəyərində yeni jurnal stolu, 1 ədəd 250 manat dəyərində yeni ağqara termo, 1 ədəd 200 manat dəyərində yeni şabalıdı güzgülü termo, 1 ədəd 190 manat dəyərində yeni daxıllı termo, 1 ədəd 200 manat dəyərində yeni uşaq stol dəsti, 1 ədəd 120 manat dəyərində yeni şabalıdı böyük stol, 1 ədəd 140 manat dəyərində yeni 2 qapılı göy rəf, 1 ədəd 150 manat dəyərində yeni balaca stol, 1 ədəd 150 manat dəyərində yeni kompyuter masası, 1 ədəd 150 manat dəyərində yeni jurnal üçün stol, 1 ədəd 200 manat dəyərində yeni böyük termo və 1 ədəd 60 manat dəyərində yeni ağ rəf) ixtisaslaşdırılmış açıq hərracda satılsın. Cavabdeh 30 (otuz) manat dövlət rüsumu dövlət gəlirinə tutulsun. Qətnamədən, rəsmi qaydada verildiyi gündən 1 (bir) ay müddətində Şəki Kommersiya Məhkəməsi vasitəsi ilə (Elektron Məhkəmə İnformasiya sistemində yaradılmış elektron kabinet vasitəsilə) Şəki Apelyasiya Məhkəməsinə apelyasiya şikayəti verilə bilər. Hakim: Mübariz Hüseynov