Sumqayıt Kommersiya Məhkəməsi Qətnamə — İş №e-2-2(119)-96/2021

Azərbaycan Respublikası adından QƏTNAMƏ Sumqayıt şəhəri İş № e-2-2(119)-96/2021 14.04.2021 SUMQAYIT KOMMERSİYA MƏHKƏMƏSİ Sumqayıt Kommersiya Məhkəməsinin hakimi Sadiqov Zülfüqar Əhməd oğlunun sədrliyi, X3 qızının katibliyi, Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinin nümayəndəsi Nümayəndə3 Arif oğlunun, Cavabdeh nümayəndəsi Nəzərov Elmin Yaşar oğlunun iştirakı ilə, iddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi tərəfindən Cavabdehnə qarşı verilmiş “siyahıya alınmış əmlakın açıq hərracda satılması” tələbi barədə iddia ərizəsinə dair kommersiya işinə açıq məhkəmə iclasında baxaraq, məhkəmə MÜƏYYƏN E T D İ: İddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi “Elektron məhkəmə” informasiya sistemində yaradılmış elektron kabinet vasitəsilə Cavabdehnə qarşı “siyahıya alınmış əmlakın açıq hərracda satılması” barədə iddia ərizəsi və “iddia tələbinin dəqiqləşdirilməsi” barədə ərizə ilə məhkəməyə müraciət edərək, xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş 12193,67 (on iki min yüz doxsan üç manat 67 qəpik) manat məbləğində borcun ödənilməsinin təmin edilməsi məqsədi ilə xx xxxxxxxx 2020-ci il tarixli **********2 nömrəli protokol əsasında siyahıya alınmış Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən Cavabdehnə (VÖEN **********) məxsus 7000 manat dəyərində 1 ədəd daş kəsən kombaynın və 6000 manat dəyərində 1 ədəd xətt vuran (şırımaçan) maşının ixtisaslaşdırılmış açıq hərracda satılması barədə qətnamə qəbul edilməsi xahiş olunmuşdur. İddia ərizəsində və “iddia tələbinin dəqiqləşdirilməsi” barədə ərizədə iddia tələbi onunla əsaslandırılmışdır ki, Azərbaycan Respublikası Vergi Məcəlləsi ilə müəyyən edilmiş müddətdə vergi öhdəliklərini yerinə yetirmədiyi üçün vergi ödəyicisi olan hüquqi şəxs Cavabdeh (VÖEN **********) Dövlət Sosial Müdafiə Fonduna borcu yaranmış və həmin borc məbləğinin 5 gün ərzində Büdcəyə ödənilməsi məqsədi ilə ona bildiriş verilmişdir. Lakin, borcun Büdcəyə ödənilməsi üçün vergi ödəyicisi Cavabdeh MMC-nə bildiriş verilməsinə baxmayaraq, həmin borc məbləği yenə də Büdcəyə ödənilməmiş və vergi ödəyicisinin xx xxxxxxxx 2020-ci il tarixə Dövlət Sosial Müdafiə Fonduna 9557,5 manat əsas borc və 2636,17 manat faiz borcu olmaqla, cəmi 12193,67 (on iki min yüz doxsan üç manat 67 qəpik) manat məbləğində ödənilməmiş borcu qalmışdır. Ona görə də, Vergi Məcəlləsinin 89.1-ci maddəsinin tələblərinə uyğun olaraq vergi öhdəliklərinin yerinə yetirilməsini təmin etmək üsulu kimi vergi orqanı vergi ödəyicisinin əmlakının siyahıya alınması barədə xx xxxxxxxx 2020-ci il tarixli Qərar qəbul etmiş və həmin Qərar əsasında vergi ödəyicisi Cavabdeh xx xxxxxxxx 2020-ci il tarixə Dövlət Sosial Müdafiə Fonduna yaranmış borcuna görə Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən həmin vergi ödəyicisinə məxsus 7000 manat dəyərində 1 ədəd daş kəsən kombayn və 6000 manat dəyərində 1 ədəd xətt vuran (şırımaçan) maşın siyahıya alınaraq, xx xxxxxxxx 2020-ci il tarixli **********2 nömrəli Protokol və digər müvafiq sənədlər tərtib edilmişdir. Əmlak siyahıya alındıqdan sonra 30 gün müddətində borc Dövlət Sosial Müdafiə Fonduna ödənilmədiyi halda siyahıya alınmış əmlakın açıq hərracda satılması üçün məhkəmədə iddia qaldırılacağı barədə cavabdehə xəbərdarlıq məktubu göndərilmişdir. Məhkəmə iclasında iddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinin nümayəndəsi Nümayəndə3 iddia tələbini müdafiə edib, iddia ərizəsində və “iddia tələbinin dəqiqləşdirilməsi” barədə ərizədə yazılanlara uyğun izahat verərək, iddianın təmin edilməsi və xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş cəmi 12193,67 manat məbləğində borcun ödənilməsinin təmin edilməsi məqsədi ilə xx xxxxxxxx 2020-ci il tarixli **********2 nömrəli protokol əsasında siyahıya alınmış Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən Cavabdehnə məxsus 7000 manat dəyərində 1 ədəd daş kəsən kombaynın və 6000 manat dəyərində 1 ədəd xətt vuran, yəni şırımaçan maşının ixtisaslaşdırılmış açıq hərracda satılması barədə qətnamə qəbul edilməsini xahiş etdi. Məhkəmə iclasında Cavabdeh nümayəndəsi Nümayəndə2 iddia tələbini qəbul etmədiyini bildirərək, iddiaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi tərəfindən Cavabdehnə qarşı verilmiş “siyahıya alınmış əmlakın açıq hərracda satılması” haqqında iddia ərizəsinin təmin edilməməsi barədə qətnamə qəbul olunmasını xahiş etdi. Məhkəmə proses iştirakçılarını dinləyib, iddia ərizəsini, “iddia tələbinin dəqiqləşdirilməsi” barədə ərizəni və işin faktiki hallarını araşdıraraq, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən iddia təmin edilməlidir. Belə ki, iş materialları ilə müəyyən edilir ki, vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün hüquqi şəxs Cavabdeh (VÖEN **********) xx xxxxxxxx 2020-ci il tarixinə Dövlət Sosial Müdafiə Fonduna cəmi 12193,67 (on iki min yüz doxsan üç manat 67 qəpik) manat məbləğində ödənilməmiş borcu olmuşdur. Həmin borcun ödənilməsini təmin etmək üsulu kimi Vergi Orqanı tərəfindən həmin vergi ödəyicisinin əmlakının siyahıya alınması barədə xx xxxxxxxx 2020-ci il tarixli qərar qəbul edilmiş və həmin Qərar əsasında vergi ödəyicisinin xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş 12193,67 manat məbləğində borcuna görə Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən vergi ödəyicisi Cavabdehnə məxsus 1 (bir) ədəd daş kəsən kombayn və 1 (bir) ədəd xətt vuran (şırımaçan) maşın siyahıya alınaraq, bu barədə xx xxxxxxxx 2020-ci il tarixli **********2 nömrəli protokol tərtib edilmişdir (siyahıya alınmış əmlakların tam siyahısı tərtib edilərək, müvafiq səlahiyyətli şəxslər tərəfindən imzalanmışdır). İddia ərizəsinə əlavə edilmiş sənədlərlə müəyyən olunur ki, həmin Protokol əsasında vergi ödəyicisi Cavabdeh MMC-nə məxsus 1 (bir) ədəd daş kəsən kombayn və 1 (bir) ədəd xətt vuran (şırımaçan) maşın vergi ödəyicisinin direktoru X1 iştirakı ilə siyahıya alınmış və həmin əmlaklar siyahıya alındıqdan sonra saxlanılması üçün MMC-nin direktoru X1 məsul saxlancına verilərək, bu barədə xx xxxxxxxx 2020-ci il tarixli “Vergi ödəyicisinin siyahıya alınmış əmlakının məsul saxlanmaya verilməsi haqqında” Akt tərtib edilmişdir. Həmin Protokolda və Aktda siyahıya alınmanın hüquqi nəticələri, siyahıya alınmış əmlakla əlaqədar davranış qaydaları və həmin qaydaların pozulmasının hüquqi nəticələri vergi ödəyicisinin qanuni təmsilçisi X2 elan edilmiş və sonuncu həmin sənədləri imzalamışdır. Eyni zamanda, həmin siyahıya alınma zamanı vergi ödəyicisinin qanuni təmsilçisi X1 xx xxxxxxxx 2020-ci il tarixli ərizəsi nəzərə alınaraq, siyahıya alınmış bir ədəd daş kəsən kombaynın bazar qiyməti 7000 manat məbləğində və bir ədəd xətt vuran (şırımaçan) maşının bazar qiyməti 6000 manat məbləğində müəyyən edilmişdir. Bundan sonra da, məlum borc məbləği Dövlət Sosial Müdafiə Fonduna ödənilmədiyi üçün iddaçı Azərbaycan Respublikası İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsi hazırkı iddia ərizəsi ilə Cavabdeh MMC-nə qarşı “siyahıya alınmış əmlakın açıq hərracda satılması” tələbi barədə iddia ərizəsi ilə məhkəməyə müraciət edərək, həmin siyahıya alınmış əmlakların ixtisaslaşdırılmış açıq hərracda satılması barədə qətnamə qəbul edilməsini xahiş etmişdir. Azərbaycan Respublikası Konstitusiyasının 73-cü maddəsinə əsasən, qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər bir kəsin borcudur. Azərbaycan Respublikası Vergi Məcəlləsinin 1.4-cü maddəsinə əsasən, bu Məcəllənin vergi tutmanın ümumi əsasları, vergilərin ödənilməsi qaydaları (ödənilməsi mənbələri istisna olmaqla), vergi ödəyicilərinin və dövlət vergi orqanlarının, habelə vergi münasibətlərinin digər iştirakçılarının vergi tutma məsələləri ilə bağlı hüquq və vəzifələri, vergi nəzarətinin forma və metodları, vergi qanunvericiliyinin pozulmasına görə məsuliyyət, dövlət vergi orqanlarının və onların vəzifəli şəxslərinin hərəkətlərindən (hərəkətsizliyindən) şikayət edilməsi qaydaları ilə bağlı müddəaları məcburi dövlət sosial sığorta haqqı, icbari tibbi sığorta haqqı və işsizlikdən sığorta haqqına münasibətdə də tətbiq olunur. Həmin Məcəllənin 16.1.1-ci maddəsinə əsasən, qanunla müəyyən edilmiş vergiləri, habelə bu Məcəllə ilə müəyyən edilmiş qaydada hesablanmış faizləri, tətbiq edilmiş maliyyə sanksiyalarını və digər məcburi ödənişləri ödəmək vergi ödəyicisinin vəzifəsidir. Həmin Məcəllənin 77.1-ci maddəsinə əsasən, vergi ödəyicisinin bu Məcəllədə göstərilən hallarda və qaydada müəyyən edilən vergini (o cümlədən cari vergi ödəmələrini) ödəmək vəzifəsi onun vergi öhdəliyi hesab olunur. Həmin Məcəllənin 23.1.6-cı maddəsinə əsasən, müəyyən edilmiş müddətlərdə ödənilməmiş vergilərin, faizlərin, maliyyə sanksiyalarının və inzibati cərimələrin qanunla müəyyən edilmiş qaydada dövlət büdcəsinə ödənilməsini təmin etmək vergi orqanının hüququdur. Həmin Məcəllənin 89.1-ci maddəsinə əsasən, vergi ödəyicisi vergi öhdəliyini müəyyən edilmiş müddətdə yerinə yetirmədikdə yaranmış vergi borclarının, habelə həmin öhdəliyin yerinə yetirilməməsi ilə əlaqədar vergi borcu üzrə hesablanmış faizlərin və tətbiq edilmiş maliyyə sanksiyalarının ödənilməsini təmin etmək üsulu kimi onun əmlakı siyahıya alına bilər. Həmin Məcəllənin 90.1-ci maddəsinə əsasən, Vergi ödəyicisinin əmlakı siyahıya alındıqdan sonra 30 gün müddətində vergi öhdəliyi yerinə yetirilmədikdə, vergi orqanı vergilər, faizlər və maliyyə sanksiyaları üzrə dövlət büdcəsinə yaranmış borclarının ödənilməsinin təmin olunması məqsədi ilə siyahıya alınmış əmlakın zəruri və kifayət olan həcmdə ixtisaslaşdırılmış açıq hərracda satılması haqqında qərar qəbul olunması üçün məhkəməyə müraciət edə bilər. Həmin Məcəllənin 90.2-ci maddəsinə əsasən, məhkəmə bu Məcəllənin 90.1-ci maddəsində göstərilən vergi orqanının müraciətinə Azərbaycan Respublikasının Mülki- Prosessual Məcəlləsində müəyyən edilmiş qaydada baxır. Yuxarıda təsvir olunanlara əsasən müəyyən olunur ki, xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş 12193,67 manat məbləğində borcun ödənilməsinin təmin edilməsi məqsədi ilə xx xxxxxxxx 2020-ci il tarixli **********2 nömrəli protokol əsasında siyahıya alınmış Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən Cavabdehnə (VÖEN **********) məxsus 1 (bir) ədəd daş kəsən kombayn və 1 (bir) ədəd xətt vuran (şırımaçan) maşının ixtisaslaşdırılmış açıq hərracda satılması ilə əlaqədar verilmiş iddia tələbi əsaslıdır. Azərbaycan Respublikası Mülki-Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən, məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Həmin Məcəllənin 106.1-ci maddəsinə əsasən, işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yoxlanılmalı və qiymətləndirilməlidir. Həmin Məcəllənin 217.4-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə də, məhkəmə yuxarıda qeyd olunanları nəzərə alıb, iş üzrə tədqiq edilən sübutlara qiymət verərək hesab edir ki, iddia təmin edilməli və xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş 12193,67 manat məbləğində borcun ödənilməsinin təmin edilməsi məqsədi ilə xx xxxxxxxx 2020-ci il tarixli **********2 nömrəli protokol əsasında siyahıya alınmış Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən Cavabdehnə (VÖEN **********) məxsus bir ədəd daş kəsən kombayn və bir ədəd xətt vuran (şırımaçan) maşın ixtisaslaşdırılmış açıq hərracda satılmalıdır. Eləcə də, Cavabdehndən dövlət nəfinə 10 manat məbləğində dövlət rüsumu tutularaq, Dövlət Büdcəsinə ödənilməlidir. “Dövlət rüsumu haqqında” Azərbaycan Respublikası Qanununun 9.1.14-cü maddəsinə əsasən, məhkəmələrə verilən iddia ərizələri və bütün növ şikayətlər üzrə büdcə təşkilatları və bələdiyyələr dövlət rüsumu ödəməkdən azad olunurlar. Azərbaycan Respublikası Mülki-Prosessual Məcəlləsinin 119.2-ci maddəsinə əsasən, iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirlərinə alınır. Yuxarıda göstərilənlərə əsasən və Azərbaycan Respublikası Mülki-Prosessual Məcəlləsinin 216-220, 227, 233, 358-360 və 362-ci maddələrini rəhbər tutaraq, məhkəmə QƏT ETDİ: İddia təmin edilsin. xx xxxxxxxx 2020-ci il tarixinə Dövlət Sosial Müdafiə Fonduna ödənilməmiş 12193,67 (on iki min yüz doxsan üç manat 67 qəpik) manat məbləğində borcun ödənilməsinin təmin edilməsi məqsədi ilə xx xxxxxxxx 2020-ci il tarixli **********2 nömrəli protokol əsasında siyahıya alınmış Abşeron rayonu Güzdək kəndinin “Qayaaltı sahəsi” ərazisindəki daş karxanasında yerləşən Cavabdehnə (VÖEN **********) məxsus 1 (bir) ədəd daş kəsən kombayn və 1 (bir) ədəd xətt vuran (şırımaçan) maşın ixtisaslaşdırılmış açıq hərracda satılsın. Cavabdehndən dövlət nəfinə 10 (on) manat məbləğində dövlət rüsumu tutularaq, Dövlət Büdcəsinə ödənilsin. Qətnamə şikayət verilməmişdirsə, qəbul edildiyi gündən bir ay keçdikdən sonra qanuni qüvvəyə minir. Qətnamədən rəsmi qaydada verildiyi gündən bir ay müddətində Sumqayıt Kommersiya Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən Zülfüqar Sadiqov