140.1. Valideyn himayəsindən məhrum olub, sosial xidmət müəssisələrində qalan uşaqlar aşağıdakı hüquqlara malikdirlər;
140.1.1. saxlanılmaq, tərbiyə və təhsil almaq, hərtərəfli inkişaf etmək, ləyaqətinə hörmət görmək və maraqlarını təmin etmək;
140.1.2. onlara düşən pensiya, müavinət və başqa sosial ödənişləri almaq;
140.1.3. mənzil (ev) sahəsi üzərində mülkiyyət hüququnu, mənzildən (evdən) istifadə etmək hüququnu saxlamaq, mənzili (evi) olmazsa, mənzil qanunvericiliyinə uyğun mənzil sahəsi almaq;
140.1.4. qeyd edilən müəssisələrdən qayıtdıqdan sonra Azərbaycan Respublikasının əmək qanunvericiliyinə uyğun olaraq işə düzəlməkdə güzəştlərdən istifadə etmək.
140.2. Valideyn himayəsindən məhrum olmuş, göstərilən təşkilatların himayəsində olan uşaqlar bu Məcəllənin 50–52-ci maddələrində göstərilən hüquqlara malikdirlər.