28.1. Lisenziyalaşdırma subyektləri və onların vəzifəli şəxsləri bu Qanunun tələblərinin pozulmasına və lisenziyanın (icazənin) sahibinə vurulan zərərə görə Azərbaycan Respublikasının Mülki Məcəlləsində, Azərbaycan Respublikasının İnzibati Xətalar Məcəlləsində və Azərbaycan Respublikasının Cinayət Məcəlləsində nəzərdə tutulmuş hallarda aidiyyəti üzrə məsuliyyət daşıyırlar.
28.2. Lisenziyanın (icazənin) sahibi ona dəyən zərərə görə müvafiq lisenziyalaşdırma subyekti tərəfindən kompensasiyanın ödənilməsindən imtinadan inzibati və məhkəmə qaydasında şikayət verə bilər.