81-3.1. Aktuari fəaliyyəti ilə Mərkəzi Bankın verdiyi müvafiq şəhadətnaməyə (bundan sonra — "aktuari şəhadətnaməsi") malik olan şəxslər məşğul ola bilər.
81-3.2. Aktuari şəhadətnaməsi verilməsi üçün keçirilən attestasiyaya vətəndaş qüsursuzluğu və ali təhsili olan şəxslər buraxılır.
81-3.3. Aktuari şəhadətnaməsi Mərkəzi Bank tərəfindən müəyyən edilən qaydalara əsasən attestasiyadan keçmiş şəxslərə dövlət rüsumunun ödənilməsini təsdiq edən sənəd təqdim olunduqdan sonra 5 iş günü ərzində verilir. Aktuari şəhadətnaməsi attestasiya günündən hesablanaraq 5 il müddətinə verilir.
81-3.4. Aktuari şəhadətnaməsinin müddəti bitdikdə, aktuari yeni şəhadətnamə almaq üçün Mərkəzi Banka yenidən attestasiyadan keçməlidir.
81-3.5. Aktuari şəhadətnaməsi verilməsi üçün ödənilən dövlət rüsumunun məbləği "Dövlət rüsumu haqqında" Azərbaycan Respublikasının Qanunu ilə müəyyən edilir.
81-3.6. Aktuari şəhadətnaməsinin forması və doldurulması qaydası Mərkəzi Bank tərəfindən müəyyən edilir.