15-12.1. Sığortaolunanlara tibbi xidmətlərin göstərilməsi, habelə onların dərman və tibb vasitələri ilə təmin edilməsi xidmətlər zərfinə uyğun olaraq icbari tibbi sığorta fondunun vəsaiti hesabına həyata keçirilir.
15-12.2. İlkin tibbi-sanitariya yardımı, habelə təcili və təxirəsalınmaz tibbi yardım istisna olmaqla, sığorta haqları ödənilmədiyi hallarda xidmətlər zərfi çərçivəsində sığortaolunanlara tibbi xidmətlərin göstərilməsi, habelə sığortaolunanların dərman və tibb vasitələri ilə təmin edilməsi onların öz vəsaiti hesabına həyata keçirilir.