Bakı Şəhəri Binəqədi Rayon Məhkəməsi Qərardad — İş №2(001)-1801/2025

Azərbaycan Respublikası adından QƏRARDAD Bakı şəhəri İş № 2(001)-1801/2025 13.01.2025 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı Şəhəri Binəqədi Rayon Məhkəməsinin hakimi Qoşqarlı Rəşad Nizami oğlu, İddiaçı cavabdehlər Cavabdeh1 və Cavabdeh2 Açıq Səhmdar Cəmiyyətinə qarşı “müvəqqəti təminat tədbiri ilə üzərinə həbs qoyulmuş məbləğin cavabdehin bank hesabından iddiaçının hesabına köçürülməsi” tələbinə dair iddia ərizəsinin məhkəmə icraatının mümkünlüyü məsələsinə baxaraq m ü ə y y ə n e t d i m: İddiaçı cavabdehlər Cavabdeh1 və Cavabdeh2 Açıq Səhmdar Cəmiyyətinə qarşı “müvəqqəti təminat tədbiri ilə üzərinə həbs qoyulmuş məbləğin cavabdehin bank hesabından iddiaçının hesabına köçürülməsi” tələbinə dair iddia ərizə ilə məhkəməyə müraciət edərək, Masallı Rayon Məhkəməsinin xx.xx.2023-cü il tarixli e-16(050)-15/2023 saylı qərarı ilə Cavabdeh1 (doğum tarixi: xx.xx.1987, FİN: xxxxxxx) adına açılmış övladı X2 ilə bağlı ödənilən müavinətə görə Cavabdeh2 ASC-yə məxsus plastik kart üzərinə qoyulmuş həbsin götürülməsi, Cavabdeh1 adına himayəsində olan oğlu 30 sentyabr 2011ci il təvəllüdlü X1 xəstəliyinə görə dövlət tərəfindən ona ayrılmış müavinətin Cavabdeh2da açılmış kart hesabında yığılmış cəmi vəsaitin onun adına Cavabdeh2da açılmış kart hesabına ödənilməsi barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, aşağıda göstərilənlərə əsasən ərizə ona əlavə edilmiş sənədlərlə birlikdə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində göstərilməlidir. İddia ərizəsindən isə görünür ki, tələb düzgün olaraq qeyd edilməmişdir. Belə ki, iddiaçı tərəfindən iddia ərizəsinin xahiş edirəm hissəsində qeyd olunan tələblər ilə ayrıayrılıqda müraciət olunmalıdır. Yəni, iddiaçı müvəqqəti təminat tədbiri ilə qoyulmuş həbsin götürülməsi ilə bağlı ayrıca ərizə ilə Masallı Rayon Məhkəməsinə müraciət etməlidir. Azərbaycan Respublikası Mülki Prosessual Məcəlləsinin: 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. 152.2-ci maddəsinə əsasən iddia ərizəsinin qaytarılması haqqında hakim qərardad çıxarır; 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, iddia ərizəsinin qəbul olunmasının mümkünlüyü məsələsini yoxlayaraq belə nəticəyə gəlirəm ki, iddia ərizəsi mülki prosessual qanunvericiliyinin tələblərinə riayət edilmədən verildiyinə görə geri qaytarılmalı və iddiaçıya göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququnun olması izah olunmalıdır. Yuxarıda qeyd olunanları nəzərə alaraq və Azərbaycan Respublikası Mülki- Prosessaul Məcəlləsinin 152, 263-264-cü maddələrini rəhbər tutaraq, q ə r a r a a l d ı m: İddiaçı cavabdehlər Cavabdeh1 və Cavabdeh2 Açıq Səhmdar Cəmiyyətinə qarşı “müvəqqəti təminat tədbiri ilə üzərinə həbs qoyulmuş məbləğin cavabdehin bank hesabından iddiaçının hesabına köçürülməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, o, qərardadda göstərilən nöqsanları aradan qaldırdıqdan sonra təkrarən məhkəməyə müraciət edə bilər. Qərardad rəsmi qaydada verildikdən sonra ondan 10 (on) gün müddətində Elektron Məhkəmə İnformasiya Sistemində yaradılan elektron kabinet vasitəsilə Bakı Şəhəri Binəqədi Rayon Məhkəməsinə şikayət verilə bilər. Hakim: Rəşad Qoşqarlı