Bakı Şəhəri Binəqədi Rayon Məhkəməsi Qərardad — İş №2(001)-2062/2022

Azərbaycan Respublikası adından QƏRARDAD Bakı şəhəri İş № 2(001)-2062/2022 23.02.2022 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Səlimova Səadət Rəşid qızı İddiaçı cavabdehlər Cavabdeh1 və Azərbaycan Respublikası DİN-nin BDYPİ-nə qarşı cavabdeh İddiaçı maddi ziyana görə 5000 manatın tutulması, cavabdeh Azərbaycan Respublikası DİN-nin BDYPİ-dən 16.03.2021-ci il tarixli alqı-satqı müqaviləsinin ona verilməsi tələbinə dair iddia ərizəsini və əlavə olunmuş sənədləri araşdırıb MÜƏYYƏN ETDİM İddiaçı cavabdehlər Cavabdeh1 və Azərbaycan Respublikası DİN-nin BDYPİ-nə qarşı cavabdeh İddiaçı maddi ziyana görə 5000 manatın tutulması, cavabdeh Azərbaycan Respublikası DİN-nin BDYPİ-dən 16.03.2021-ci il tarixli alqı-satqı müqaviləsinin ona verilməsi tələbinə dair iddia ərizəsi ilə Bakı şəhəri Binəqədi Rayon Məhkəməsinə müraciət etmişdir. İddia ərizəsini və əlavə olunmuş sənədləri araşdırıb hesab edirəm ki, iddia ərizəsi geri qaytarılmalıdır. Azərbaycan Respublikası MPM-nin 31.1-ci maddəsinə əsasən, aidiyyət qaydalarının pozulmasına yol verilmir. Həmin Məcəllənin 35.1-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 149.4.-ci maddəsinə əsasən ərizədə mübahisənin düzgün həll edilməsi üçün zəruri olan digər məlumatlar, həmçinin iddiaçının vəsatətləri də göstərilir. İddia ərizəsindən müəyyən olunur ki, iddiaçı Masallı rayonunda qeydiyyatda olan cavabdehindən maddi ziyan tələb etdiyi halda, 16.03.2021-ci il tarixli alqı-satqı müqaviləsinin ona təqdim olunmasına dair vəsatətini də iddia tələbi olaraq iddia ərizəsində qeyd etməklə əslində hazırkı mübahisəyə baxılması üçün aidiyyət qaydalarını pozmuşdur. Azərbaycan Respublikası MPM-nin 152.1.-ci maddəsinə əsasən hakim iddia ərizəsini və ona əlavə edilmiş sənədləri geri qaytarır: 152.1.3. əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə; Qeyd olunanlara əsasən hesab edirəm ki, hazırkı iddia ərizəsi geri qaytarılmaqla iddiaçıya Masallı Rayon Məhkəməsinə müraciət etmək hüququ izah olunmalıdır. Belə ki, məhkəmə aidiyyəti qaydalarının pozulması son nəticədə Azərbaycan Respublikası Konstitusiyasının 62-ci maddəsində göstərilən “hər kəsin onun işinə qanunla müəyyən edilmiş məhkəmədə baxılması hüququ”nun təminatını pozmuş olur. Şərh olunanlara əsasən Azərbaycan Respublikası MPM-nin 31, 35, 152-ci maddələrini rəhbər tutaraq QƏRARA ALDİM İddiaçı cavabdehlər Cavabdeh1 və Azərbaycan Respublikası DİN-nin BDYPİ-nə qarşı cavabdeh İddiaçı maddi ziyana görə 5000 manatın tutulması, cavabdeh Azərbaycan Respublikası DİN-nin BDYPİ-dən 16.03.2021-ci il tarixli alqı-satqı müqaviləsinin ona verilməsi tələbinə dair iddia ərizəsi əlavə olunan sənədlərlə birlikdə geri qaytarılsın. İddiaçıya hazırkı iddia ərizəsi ilə Masallı Rayon Məhkəməsinə müraciət etmək hüququ izah olunur. Qərardaddan 10 gün müddətində Bakı şəhəri Binəqədi Rayon Məhkəməsinə şikayət verilə bilər. Hakim Səadət Səlimova