Bakı Şəhəri Binəqədi Rayon Məhkəməsi Qərardad — İş №2(001)-2648/2021

Azərbaycan Respublikası adından QƏRARDAD Bakı şəhəri İş № 2(001)-2648/2021 26.04.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Səlimova Səadət Rəşid qızının sədrliyi Rüstəmova Ofelya Əkbər qızının katibliyi ilə İddiaçı Bakı şəhəri Binəqədi rayon İcra Hakimiyyətinin Cavabdehlər Cavabdeh1, Cavabdeh2 və Cavabdeh3 qarşı birdəfəlik maddi yardım ödənilməklə qəzalı vəziyyətdə olan mənzildən çıxarılma tələbinə dair iddia ərizəsi üzrə mülki işə açıq məhkəmə iclasında baxaraq MÜƏYYƏN ETDİ İddiaçı Bakı şəhəri Binəqədi rayon İcra Hakimiyyəti cavabdehlər Cavabdeh1, Cavabdeh2 və Cavabdeh3 qarşı birdəfəlik maddi yardım ödənilməklə qəzalı vəziyyətdə olan mənzildən çıxarılma tələbinə dair iddia ərizəsi ilə məhkəməyə müraciət etmişdir. Daha sonra Bakı şəhəri Binəqədi rayon İcra Hakimiyyətinin nümayəndəsi Y.Hüseynov ərizə ilə məhkəməyə müraciət edərək iddia ərizəsinin baxılmamış saxlanmasını xahiş etmişdir. Azərbaycan Respublikası MPM-nin 259.0. maddəsinə əsasən məhkəmə aşağıdakı hallarda ərizəni baxılmamış saxlayır: 259.0.11. iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə; Məhkəmə mülki işin sənədlərini araşdırıb, tərəflərin işə mahiyyəti üzrə baxılmasını tələb etmədiklərini nəzərə alıb alıb hesab edir ki, iddia ərizəsi geri qaytarılmaqla baxılmamış saxlanılmalıdır. Şərh olunanlara əsasən və Azərbaycan Respublikasının MPM-nin 259.0.11, 263- 264-ci maddələrini rəhbər tutaraq, məhkəmə QƏRARA ALDİ İddiaçı Bakı şəhəri Binəqədi rayon İcra Hakimiyyətinin cavabdehlər Cavabdeh1, Cavabdeh2 və Cavabdeh3 qarşı birdəfəlik maddi yardım ödənilməklə qəzalı vəziyyətdə olan mənzildən çıxarılma tələbinə dair iddia ərizəsi geri qaytarılmaqla baxılmamış saxlanılsın. Qərardaddan 10 gün müddətində Bakı şəhəri Binəqədi Rayon Məhkəməsinə şikayət verilə bilər. Sədrlik edən Səadət Səlimova