Bakı Şəhəri Binəqədi Rayon Məhkəməsi Qərardad — İş №2(001)-2771/2024

Azərbaycan Respublikası adından QƏRARDAD Bakı şəhəri İş № 2(001)-2771/2024 11.03.2024 BAKI ŞƏHƏRİ BİNƏQƏDİ RAYON MƏHKƏMƏSİ Mən, Bakı şəhəri Binəqədi Rayon Məhkəməsinin hakimi Mustafayev Etibar Mustafa oğlu İddiaçı cavabdeh "xxxx" QSC-yə (maraqlı şəxslər Bakı şəhəri Binəqədi Rayon İcra Hakimiyyəti və Xocasən Bələdiyyəsi) qarşı “qanunsuz olaraq sökülmüş hasarlanmanın bərpa edilərək əvvəlki vəziyyətinə qaytarılması və mənəvi zərər” tələbinə dair iddia ərizəsini və ona əlavə edilmiş sənədləri nəzərdən keçirərək, M Ü Ə Y Y Ə N E T D İ M: İddiaçı cavabdeh "xxxx" QSC-yə (maraqlı şəxslər Bakı şəhəri Binəqədi Rayon İcra Hakimiyyəti və Xocasən Bələdiyyəsi) qarşı iddia ərizəsi ilə məhkəməyə müraciət edərək, mülkiyyətçisi olduğu Binəqədi rayonu, Xocasən qəsəbəsi ərazisində yerləşən 200 kv.m torpaq sahəsində yerləşən və qanunsuz olaraq sökülmüş hasarlanmanın bərpa edilərək əvvəlki vəziyyətinə qaytarılması və ona vurulmuş 8000 manat mənəvi ziyanın, eləcə də məhkəməyə ödəniləcək 100 manat dövlət rüsumunun cavabdehdən tutularaq ona ödənilməsi barədə qətnamə çıxarılmasını xahiş etmişdir. Lakin, iddiaçı “Dövlət rüsumu haqqında” Azərbaycan Respublikasının Qanununun 8.1.3-cü maddəsinin tələblərinə əsasən, bu iddianın verilməsi üçün 100 manat məbləğində dövlət rüsumu ödəməli olduğu halda, iddia ərizəsinə bu barədə sübut qoşma edilməmişdir. Azərbaycan Respublikasının Mülki Prosessual Məcəlləsinin 152.1 və 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim ərizəni geri qaytarır. Göstərilənlərə əsasən, hesab edirəm ki, ərizə geri qaytarılmalıdır. Şərh olunanlara əsaslanaraq və Azərbaycan Respublikasının Mülki Prosessual Məcəlləsinin 263, 264, 266-268-ci maddələrini rəhbər tutaraq, Q Ə R A R A A L D İ M: İddiaçı cavabdeh "xxxx" QSC-yə (maraqlı şəxslər Bakı şəhəri Binəqədi Rayon İcra Hakimiyyəti və Xocasən Bələdiyyəsi) qarşı “qanunsuz olaraq sökülmüş hasarlanmanın bərpa edilərək əvvəlki vəziyyətinə qaytarılması və mənəvi zərər” tələbinə dair iddia ərizəsi ona əlavə edilmiş sənədlərlə birlikdə geri qaytarılsın. Qərardaddan 10 gün müddətində Binəqədi Rayon Məhkəməsinə şikayət verilə bilər. Hakim Etibar Mustafayev