Bakı Şəhəri Binəqədi Rayon Məhkəməsi Qərardad — İş №2(001)-4078/2024

Azərbaycan Respublikası adından QƏRARDAD Bakı şəhəri İş № 2(001)-4078/2024 31.05.2024 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi X1, İddiaçılar İddiaçı1 və İddiaçı2 Cavabdeh qarşı “pul” tələbinə dair iddia ərizəsi və ona əlavə edilmiş sənədlərə baxaraq, MÜƏYYƏN ETDİM: İddiaçılar İddiaçı1 və İddiaçı2 Cavabdeh qarşı “pul” tələbinə dair iddia ərizəsi ilə məhkəməyə müraciət etmişdir. Azərbaycan Respublikası MPM-nin 151.1-ci maddəsinə əsasən iddia ərizəsinin həmin Məcəllənin tələblərinə riayət edilməklə verilməsi yoxlanılmalıdır. Ərizəni və ona əlavə edilmiş sənədləri nəzərdən keçirərək hesab edirəm ki, ərizə və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə geri qaytarılır. Azərbaycan Respublikası MPM-nin 152.1.2-ci maddəsinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda iddia ərizəsi geri qaytarılır. İddia ərizəsinə əlavə edilmiş etibarnamədən aydın olur ki, iddiaçılar İddiaçı1 və İddiaçı2 tərəfindən iddia ərizəsini imzalamış X2 xx.xx.2023-cü il tarixdə bir il müddətinə, yəni xx.xx.2024-cü il tarixədək notariat qaydada təsdiq edilmiş etibarnamə verilmişdir. Lakin iş materiallarına əlavə edilmiş sənədlərdən görünür ki, X4 tərəfindən iddia ərizəsi xx.xx.2024-cü il tarixdə, yəni etibarnamənin müddəti bitdikdən sonra imzalanmış, xx.xx.2024-cü il tarixdə isə iddia ərizəsi poçt vasitəsi ilə məhkəməyə göndərilmişdir. Qeyd edilən qanunvericilik aktı normasına əsasən hesab edirəm ki, iddiaçılar İddiaçı1 və İddiaçı2 nümayəndəsi X2 verdiyi etibarnamə üzrə müddət keçdiyindən mövcud iddia ərizəsi səlahiyyəti olmayan şəxs tərəfindən verilmiş və səlahiyyəti olmayan şəxs tərəfindən imzalanmışdır. Buna görə də ərizə və ona əlavə edilmiş sənədlər geri qaytarılmalı, iddiaçıya Azərbaycan Respublikası MPM-nin 152.4-cü maddəsinin tələbləri izah olunmalıdır. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq, QƏRARAALDİM: İddia ərizəsi və ona əlavə olunmuş sənədlər geri qaytarılsın. İddiaçı X4 tərəfindən ödənilmiş xx.xx.2024-cü il tarixli, ********** nömrəli 174 (bir yüz yetmiş dörd) manat dövlət rüsumu ona qaytarılsın. İddiaçılara izah olunsun ki, Azərbaycan Respublikası MPM-nin 152.4-cü maddəsinə əsasən ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Binəqədi Rayon Məhkəməsinə şikayət verilə bilər. Sədrlik edən: Lətifə Məmmədova