Bakı Şəhəri Binəqədi Rayon Məhkəməsi Qərardad — İş №2(001)-4914/2020

Azərbaycan Respublikası adından QƏRARDAD Bakı şəhəri İş № 2(001)-4914/2020 09.09.2020 BAKI ŞƏHƏRİ BİNƏQƏDİ RAYON MƏHKƏMƏSİ Bakı şəhəri Binəqədi Rayon Məhkəməsinin hakimi Səlimova Səadət Rəşid qızı İddiaçı MMC-nin cavabdehlər Daşınar və daşınmaz əmlakların qiymətləndirilməsi xidmətləri MMC-yə, Cavabdeh2 MMC-yə, Cavabdeh3nə qarşı Cavabdeh3 xx.xx.2020-ci il tarixli 17\68-32113-16 saylı məktubuna əsasən Daşınar və daşınmaz əmlakların qiymətləndirilməsi xidmətləri MMC tərəfindən tərtib olunmuş xx.xx.2020-ci il tarixli əmlakın qiymətləndirilməsi nəticələri haqqında hesabatların və ondan irəli gələn nəticələrin etibarsız hesab olunması, mübahisəli əmlakların real bazar qiymətlərinə uyğun olaraq yenidən qiymətləndirilməsi, müəyyən olunmuş qiymətlərlə hərracın keçirilməsinə dair iddia ərizəsini və əlavə olunmuş sənədləri araşdırıb MÜƏYYƏN ETDİM İddiaçı MMC cavabdehlər Daşınar və daşınmaz əmlakların qiymətləndirilməsi xidmətləri MMC-yə, Cavabdeh2 MMC-yə, Cavabdeh3nə qarşı Cavabdeh3 xx.xx.2020-ci il tarixli 17\68- 32113-16 saylı məktubuna əsasən Daşınar və daşınmaz əmlakların qiymətləndirilməsi xidmətləri MMC tərəfindən tərtib olunmuş xx.xx.2020-ci il tarixli əmlakın qiymətləndirilməsi nəticələri haqqında hesabatların və ondan irəli gələn nəticələrin etibarsız hesab olunması, mübahisəli əmlakların real bazar qiymətlərinə uyğun olaraq yenidən qiymətləndirilməsi, müəyyən olunmuş qiymətlərlə hərracın keçirilməsi tələbinə dair iddia ərizəsi ilə məhkəməyə müraciət etmişdir. İddia ərizəsini və əlavə olunmuş sənədləri araşdırıb hesab edirəm ki, iddia ərizəsi aşağıdakılara görə geri qaytarılmalıdır. Azərbaycan Respublikası MPM-nin 149.1.-ci maddəsinə əsasən iddia ərizəsi məhkəməyə yazılı şəkildə verilir. O, iddiaçı və ya onun bunu imza etməyə səlahiyyəti olan nümayəndəsi tərəfindən imzalanır. Həmin Məcəllənin 149.2.-ci maddəsinə əsasən ərizədə aşağıdakılar göstərilməlidir: 149.2.1. ərizənin verildiyi məhkəmənin adı; 149.2.2. işdə iştirak edən şəxslərin adları, onların poçt ünvanları; 149.2.3. iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə qarşı yönələn tələb; 149.2.4. müqavilə ilə və ya həmin kateqoriya işlər üçün qanunla bu nəzərdə tutulmuşsa, cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair məlumat; 149.2.5. ərizəyə əlavə edilən sənədlərin siyahısı. Həmin Məcəllənin 150.0. maddəsinə əsasən iddia ərizəsinə aşağıdakı sənədlər əlavə edilir: 150.0.1. cavabdehlərin və üçüncü şəxslərin sayına görə iddia ərizəsinin surətləri; 150.0.2. dövlət rüsumunun ödənilməsi haqqında sənəd; 150.0.3. iddia ərizəsinin səlahiyyətli şəxs tərəfindən imzalanmasını təsdiq edən sənəd; 150.0.5. iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri; Həmin Məcəllənin 152.1.-ci maddəsinə əsasən hakim iddia ərizəsini və ona əlavə edilmiş sənədləri geri qaytarır: 152.1.1. iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə; İddia ərizəsindən müəyyən olunur ki, iddiaçı cavabdehlərindən Cavabdeh2 MMC-yə və Cavabdeh3nə qarşı hansı tələbləri irəli sürməsini iddia ərizəsinin nəticə hissəsində qeyd etməmiş, cavabdehlərinin əksəriyyətinin Nərimanov rayonu ərazisində yerləşdiyi halda iddia ərizəsini, ərizəsində formal olaraq cavabdeh qismində qeyd etdiyi Cavabdeh3 yerləşdiyi yerin məhkəməsinə təqdim etmişdir. Hesab edirəm ki, forma və məzmununa əməl edilməyən iddia ərizəsinin icraata qəbul edilməsi mümkün olmadığından iddia ərizəsi əlavə olunan sənədlərlə birlikdə geri qaytarılmalıdır. İddiaçıya eyni zamanda izah olunur ki, qərardadda göstərilən nöqsanlar aradan qaldırıldıqdan sonra təkrarən məhkəməyə müraciət etmək hüququ vardır. Belə ki, Azərbaycan Respublikası MPMnin 151.1.-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Şərh olunanlara əsasən Azərbaycan Respublikası MPM-nin 149, 151, 152-ci maddələrini rəhbər tutaraq QƏRARA ALDİM İddiaçı MMC-nin cavabdehlər Daşınar və daşınmaz əmlakların qiymətləndirilməsi xidmətləri MMC-yə, Cavabdeh2 MMC-yə, Cavabdeh3nə qarşı Cavabdeh3 xx.xx.2020-ci il tarixli 17\68- 32113-16 saylı məktubuna əsasən Daşınar və daşınmaz əmlakların qiymətləndirilməsi xidmətləri MMC tərəfindən tərtib olunmuş xx.xx.2020-ci il tarixli əmlakın qiymətləndirilməsi nəticələri haqqında hesabatların və ondan irəli gələn nəticələrin etibarsız hesab olunması, mübahisəli əmlakların real bazar qiymətlərinə uyğun olaraq yenidən qiymətləndirilməsi, müəyyən olunmuş qiymətlərlə hərracın keçirilməsi tələbinə dair iddia ərizəsi əlavə olunan sənədlərlə birlikdə geri qaytarılsın. Qərardaddan 10 gün müddətində Bakı şəhəri Binəqədi Rayon Məhkəməsinə şikayət verilə bilər. Hakim Səadət Səlimova