Bakı Şəhəri Binəqədi Rayon Məhkəməsi Qərardad — İş №2(001)-4969/2021

Azərbaycan Respublikası adından QƏRARDAD Bakı şəhəri İş № 2(001)-4969/2021 15.11.2021 BAKI ŞƏHƏRİ BİNƏQƏDİ RAYON MƏHKƏMƏSİ Hakim Mustafayev Etibar Mustafa oğlunun sədrliyi, X1 oğlunun katibliyi ilə, İddiaçı Cavabdeh2 MMC və həkim Cavabdeh1 qarşı “müqavilənin, iltizamnamənin etibarsız sayılması, maddi və mənəvi zərərin ödənilməsi” tələbi barədə mülki işə 15 noyabr 2021-ci il tarixdə, Bakı şəhəri Binəqədi Rayon Məhkəməsinin inzibati binasında açıq məhkəmə iclasında baxaraq, M Ü Ə Y Y Ə N E T D İ: İddiaçı iddia ərizəsi ilə məhkəməyə müraciət edərək onunla Cavabdeh2 MMC arasında bağlanmış 09.09.2020-ci il tarixli Tibbi xidmət müqaviləsinin və 09.09.2020-ci il tarixli iltizamnamənin etibarsız sayılması, Cavabdeh2 MMC və həkim Cavabdeh1 müştərək qaydada ona vurulmuş maddi zərərin əvəzi kimi 50000 manat, mənəvi zərərin əvəzi kimi yenə 50000 manat olmaqla cəmi 100000 manat məbləğində pulun tutularaq ona ödənilməsi barədə qətnamə çıxarılmasını xahiş etmişdir. Məhkəmə baxışı iclaslarının vaxtı və yeri haqqında lazımi qaydada xəbərdar edilmələrinə baxmayaraq tərəflər gəlməmələrinin səbəbləri haqqında məlumat vermədən məhkəmə iclasına gəlməmişlər. Azərbaycan Respublikası Mülki – Prosessual Məcəlləsinin 259.0 və 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh2 MMC və həkim Cavabdeh1 qarşı “müqavilənin, iltizamnamənin etibarsız sayılması, maddi və mənəvi zərərin ödənilməsi” tələbi barədə ərizəsi baxılmamış saxlanılsın. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Etibar Mustafayev