Bakı Şəhəri Xəzər Rayon Məhkəməsi Qərardad — İş №2(003)-3451/2024

Azərbaycan Respublikası adından QƏRARDAD Bakı şəhəri İş № 2(003)-3451/2024 12.08.2024 BAKI ŞƏHƏRİ XƏZƏR RAYON MƏHKƏMƏSİ Bakı Şəhəri Xəzər Rayon Məhkəməsinin hakimi Qəhrəmanov Əkrəm Sabir oğlu, İddiaçı cavabdeh Sabunçu rayon İcra Şöbəsinə qarşı “icra sənədinin məhkəməyə qaytarılması öhdəliyinin cavabdehin üzərinə qoyulması” tələbi barədə iddia ərizəsini və ona əlavə olunmuş sənədləri nəzərdən keçirərək, məhkəmə Müəyyənetdi: İddiaçı cavabdeh Sabunçu rayon İcra Şöbəsinə qarşı iddia ərizəsi ilə Bakı Şəhəri Xəzər Rayon Məhkəməsinə müraciət edərək, cavabdeh Bakı şəhəri Sabunçu rayon İcra Şöbəsinin üzərinə Bakı şəhəri Xəzər rayon məhkəməsinin 2(003)-2297/2021-018 nömrəli,xx.xx.2021-ci il tarixli icra sənədinin həmin məhkəməyə qaytarılması vəzifəsinin qoyulması barədə qətnamə qəbul ediməsini xahiş etmişdir. Məhkəmə, iddia ərizəsini və ona əlavə edilmiş sənədləri nəzərdən keçirərək hesab edir ki, həmin ərizə və sənədlər geri qaytarılmalıdır. Belə ki, iddia ərizəsinə məhkəkə aidiyyəti üzrə inzibati məhkəmədə baxılmalıdır. Cavabdeh ilk növbədə Bakı şəhəri Sabunçu rayon İcra Şöbəsinə yuxarıda göstərilən xahişlə müraciət etməli Bakı şəhəri Sabunçu rayon İcra Şöbəsinin yazılı şəkildə imtina etdiyi zaman icra məmurunun hərəkətindən (hərəkətsizliyində) məhkəmə aidiyyəti qaydalarına uyğun olaraq İnzibati məhkəməyə müraciət etməlidir. İcra haqqında Qanunun 23.1-ci maddəsinə əsasən tələbin icra edilmədiyi və ya qismən icra edildiyi icra sənədi həmin qanunun 23.1.1-ci maddəsinə əsaəsən tələbkarın ərizəsi əsasında icra sənədini vermiş məhkəməyə və ya digər orqana (notariusun icra qeydi isə tələbkara) qaytarılır: Həmin Qanunun 87.1-ci maddəsinə əsasən icra sənədinin icra olunması ilə bağlı icra məmurunun hərəkətlərindən və ya hərəkətsizliyindən tələbkar və ya borclu icra məmurunun olduğu yer üzrə inzibati məhkəməyə şikayət verə bilər. Bu Qanunun digər maddələrində başqa müddət müəyyən edilməyibsə, icra məmurunun hərəkətlərindən şikayət müvafiq hərəkətin edildiyi vaxtdan 10 gün müddətində verilir. Azərbaycan Respublikasının Mülki Prosessual Məcəlləsinin 1*2.1.3-cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 1*2.2-1*2.4, 263, 264 və 268-ci maddələrini rəhbər tutaraq məhkəmə qəraraaldı: İddiaçı cavabdeh Sabunçu rayon İcra Şöbəsinə qarşı “icra sənədinin məhkəməyə qaytarılması öhdəliyinin cavabdehin üzərinə qoyulması” tələbi barədə iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada yenidən müvafiq məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Bakı Şəhəri Xəzər Rayon Məhkəməsinə şikayət verilə bilər. Hakim Əkrəm Qəhrəmanov