Bakı Şəhəri Yasamal Rayon Məhkəməsi Qərardad — İş №2(004)-6101/2020

Azərbaycan Respublikası adından QƏRARDAD Bakı şəhəri İş № 2(004)-6101/2020 27.11.2020 BAKI ŞƏHƏRİ YASAMAL RAYON MƏHKƏMƏSİ Hakim Əyyubov Fərid İlham oğlunun sədrliyi ilə, İddiaçı cavabdehlər Cavabdeh MMC-yə, üçüncü şəxslər Bakı şəhər Yasamal Rayon İcra və Probasiya Şöbəsinə və “xxxx” Hərrac Mərkəzi MMC-yə qarşı qiymətləndirmənin ləğv edilməsi tələbinə dair iddia ərizəsinə baxaraq, Müəyyən etdi: İddiaçı cavabdehlər Cavabdeh MMC-yə, üçüncü şəxslər Bakı şəhər Yasamal Rayon İcra və Probasiya Şöbəsinə və “xxxx” Hərrac Mərkəzi MMC-yə qarşı qiymətləndirmənin ləğv edilməsitələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini nəzərdən keçirdib hesab edir ki, ərizə geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 35.1-ci maddəsinə əsasən qanunla başqa hal nəzərədə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Məhkəməyə təqdim olunmuş iddia ərizəsində cavabdehin hüquqi ünvanı kimi ünvan 1 göstərilsə də, AZEMİS elektron məhkəmə sistemində çıxarışdan görünür ki, cavabdehin hüquqi ünvanı Bakı şəhəri, Nəsimi rayonu, Şövqiyar Abdullayev, ev 23, məhəllə 668, mənzil 86 ünvanıdır. Azərbaycan Respublikası MPM-nin 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Məhkəmə, qeyd edilənlərə əsasən hesab edir ki, iş üzrə cavabdeh Bakı şəhəri, Nəsimi rayonu olduğundan iddia ərizəsi geri qaytarılmalı, iddiaçıya hazırkı iddia tələbi ilə bağlı ərazi üzrə Nəsimi rayon Məhkəməsinə müraciət etmək hüququ izah edilməlidir. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq Qərara aldı: İddiaçı cavabdehlər Cavabdeh MMC-yə, üçüncü şəxslər Bakı şəhər Yasamal Rayon İcra və Probasiya Şöbəsinə və “xxxx” Hərrac Mərkəzi MMC-yə qarşı qiymətləndirmənin ləğv edilməsi tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, hazırkı iddia tələbi ilə bağlı o ərazi aidiyyatı üzrə Nəsimi rayon Məhkəməsinə müraciət edə bilər. Qərardaddan tərəfə təqdim edildikdən və ya tərəf onu aldıqdan sonra 10 gün müddətində Yasamal rayon məhkəməsinə şikayət verilə bilər. Sədrlik edən:Fərid Əyyubov