Bakı Şəhəri Nərimanov Rayon Məhkəməsi Qərardad — İş №2(005)-4083/2021

Azərbaycan Respublikası adından QƏRARDAD Bakı şəhəri İş № 2(005)-4083/2021 04.08.2021 BAKI ŞƏHƏRİ NƏRİMANOV RAYON MƏHKƏMƏSİ Bakı Şəhəri Nərimanov Rayon Məhkəməsinin hakimi Ədilova Solmaz İmran qızı iddiaçı İddiaçı Cavabdeh qarşı "maddi və mənəvi ziyan və pul" tələbinə dair iddia ərizəsi və ona əlavə edilmiş sənədlərə baxaraq MÜƏYYƏN ETDİM: İddiaşı İddiaçı Cavabdeh qarşı "maddi və mənəvi ziyan və pul" tələbinə dair iddia ərizəsi ilə müraciət edərək, Cavabdeh 50000 USD ( əlli min ABŞ dolları) məbləğində əsas borc, 12500 USD (on iki min beş yüz ABŞ dolları) bank uçot faizləri, 55000 USD (əlli beş min ABŞ dolları) əldən çıxmış gəlir və 10000 USD ( on min ABŞ dolları) mənəvi ziyana görə ümumilikdə 127500 USD (yüz iyirmi yeddi min beş yüz ABŞ dolları) pulun cavabdehdən tutularaq ona ödənilməsi barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri nəzərdən keçirib hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəlləsinin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsindən və ona əlavə edilmiş sənədlərdən görünür ki, iddiaçı tərəfindən iddia ərizəsinin qoşma hissəsində dövlət rüsumunun ödənilməsi barədə qəbz əlavə edilsə də, həmin qəbzin surətindən müəyyən olunur ki, dövlət rüsumu Bakı Şəhəri Nərimanov Rayon Məhkəməsinin hesabına deyil Bakı Şəhəri Xətai Rayon Məhkəməsinin hesabına ödənilmişdir. Beləliklə məhkəmə hesab edir ki, İddiaçı Cavabdeh qarşı "maddi və mənəvi ziyan və pul" tələbinə dair iddia ərizəsi və ona əlavə olunmuş sənədlər geri qaytarılmalıdır. İddiaçıya izah edilməlidir ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıdakılara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq QƏRARA ALDİM: İddiaçı Cavabdeh qarşı "maddi və mənəvi ziyan və pul" tələbinə dair iddia ərizəsi və ona əlavə olunmuş sənədlər geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad tərəfə rəsmi qaydada verildikdən sonra 10 gün müddətində Bakı Şəhəri Nərimanov Rayon Məhkəməsinə şikayət verilə bilər. Sədrlik edən Solmaz Ədilova