Bakı Şəhəri Nəsimi Rayon Məhkəməsi Qərardad — İş №2(006)-1933/2024

Azərbaycan Respublikası adından QƏRARDAD Bakı şəhəri İş № 2(006)-1933/2024 27.02.2024 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Tağıyev Ceyhun Əlikram oğlu, İddiaçı cavabdeh X2 qarşı «əşya» tələbinə dair iddia ərizəsinə baxaraq, MÜƏYYƏN ETDİ: İddiaçı cavabdeh X2 qarşı «əşya» tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddia ərizəsindən və ona əlavə edilmiş sənədlərdən görünür ki, iddiaçı aidiyyət qaydalarına riayət etməmişdir. Məhkəmə qeyd edir ki, iddia tələbinin mahiyyətindən görünür ki, iddiaçı pul vəsaitinə ehtiyacının olması səbəbilə qızıl-zinət əşyalarını lombarda girov qoyduğunu, girov qoyulmuş əşyaların müqabilində müəyyən miqdarda pul vəsaiti götürdüyünü qeyd edərək, həmin əşyaların geri qaytarılmasını xahiş edir. İşdə olan vergi ödəyicilərinin məlumatları haqqında elektron portaldan çıxarışdan görünür ki, iddiaçının qaytarılmasını tələb etdiyi əşyalar VÖEN ********** adı altında fəaliyyət göstərən X1 adına yaradılmış lombarda girov qoyulmuşdur. X1 adına yaradılmış lombard isə VÖEN ********** ilə AZ6100, ünvan 1 ünvanı üzrə fəaliyyət göstərir. Azərbaycan Respublikası Mülki Prosessual Məcəlləsinin 35.1-ci maddəsinin tələbinə görə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Məhkəmə hesab edir ki, iddiaçının tələbi məhz X1 adına yaradılmış lombarddan girov qoyulmuş əşyaların qaytarılması ilə bağlı olduğundan, sonuncu isə Ucar rayonu üzrə qeydiyyatdan keçdiyindən, iddiaçı tərəfindən ərazi aidiyyəti üzrə Ucar Rayon Məhkəməsinə müraciət edilməlidir. Azərbaycan Respublikası Mülki Prosessual Məcəlləsinin 40.1-ci maddəsinin tələbinə görə, ərazi aidiyyəti qaydalarının pozulmasına yol verilmir. Azərbaycan Respublikası Mülki Prosessual Məcəlləsinin 152.1.3-cü maddəsinin tələbinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri iddiaçıya geri qaytarır. Belə olan halda məhkəmə hesab edir ki, iddiaçıya aidiyyəti üzrə cavabdehin qeydiyyat ünvanı üzrə Ucar Rayon Məhkəməsinə müraciət etmək hüququ izah olunmaqla, ərizə və ona əlavə olunmuş sənədlər ona geri qaytarılmalıdır. Şərh olunanlara əsasən və Azərbaycan Respublikası Mülki-Prosessual Məcəlləsinin 149, 152.1, 152.1.3, 152.1.5, 152.2, 152.3, 152.4, 268-269-cu maddələrini rəhbər tutaraq, QƏRARA ALDİ: İddiaçı cavabdeh X2 qarşı «əşya» tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilməlidir ki, o, aidiyyəti üzrə cavabdehin qeydiyyat ünvanı üzrə Ucar Rayon Məhkəməsinə müraciət edə bilər. ********** nömrəli qəbz üzrə dövlət rüsumu kimi ödənilmiş 35 manat məbləğində pul Bakı şəhəri üzrə Baş Maliyyə İdarəsi tərəfindən İddiaçı qaytarılsın. Qərardaddan rəsmi qaydada verildikdən sonra 10 (on) gün müddətində “Elektron məhkəmə” informasiya sistemində yaradılmış elektron kabinet vasitəsilə Bakı şəhəri Nəsimi Rayon Məhkəməsinə şikayət verilə bilər. Hakim Ceyhun Tağıyev