Bakı Şəhəri Nəsimi Rayon Məhkəməsi Qərardad — İş №2(006)-4265/2021

Azərbaycan Respublikası adından QƏRARDAD Bakı şəhəri İş № 2(006)-4265/2021 02.06.2021 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi İbadzadə Anar Qənimət oğlu, İddiaçı cavabdeh Nəsimi rayon İcra və Probasiya Şöbəsinə, üçüncü şəxslər X4, X1, X2 və Nərimanov rayon 21 saylı Notariat Ofisinin xüsusi notariusuna qarşı «icra məmurunun hərəkətsizliyindən» tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı cavabdeh Nəsimi rayon İcra və Probasiya Şöbəsinə, üçüncü şəxslər X4, X1, X2 və Nərimanov rayon 21 saylı Notariat Ofisinin xüsusi notariusuna qarşı «icra məmurunun hərəkətsizliyindən» tələbinə dair iddia ərizəsi ilə məhkəməyə müraciət etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddianın yolverilməzliyinə görə iddia ərizəsinin qəbulundan imtina olunmalıdır. Belə ki, iddiaçı qeyd olunan iddia tələbi ilə bağlı iddia icraatı qaydasında məhkəməyə müraciət etsə də, qanunvericliyin tələblərinə görə icra məmurunun hərəkətsizliyindən olan tələblə bağlı məhz icra icraatı qaydasında məhkəməyə müraciət olunmalıdır. Azərbaycan Respublikası Mülki-Prosessual Məcəlləsinin: 153.2.1-ci maddəsinin tələbinə əsasən ərizə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. 153.3-cü maddəsinə görə hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. 153.4-cü maddəsinə əsasən ərizəni qəbul etməkdən imtina haqqında qərardad ərizəyə əlavə olunmuş bütün sənədlərlə birlikdə ərizəçiyə rəsmi qaydada verilməlidir. 153.6-cı maddəsinin tələblərinə görə iddia ərizəsini qəbul etməkdən imtina barədə qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi ilk gündən verilmiş hesab edilir. Beləliklə məhkəmə hesab edir ki, İddiaçı cavabdeh Nəsimi rayon İcra və Probasiya Şöbəsinə, üçüncü şəxslər X4, X1, X2 və Nərimanov rayon 21 saylı Notariat Ofisinin xüsusi notariusuna qarşı «icra məmurunun hərəkətsizliyindən» tələbinə dair iddia ərizəsinin qəbul edilməsindən imtina edilməli, iddiaçıya icra icraatı qaydasında yenidən məhkəməyə müraciət etmək hüququ izah edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 153.2.1, 153.3, 153.6, 263-264 və 267-268-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Nəsimi rayon İcra və Probasiya Şöbəsinə, üçüncü şəxslər X4, X1, X2 və Nərimanov rayon 21 saylı Notariat Ofisinin xüsusi notariusuna qarşı «icra məmurunun hərəkətsizliyindən» tələbinə dair mülki iş üzrə iddianın yolverilməzliyinə görə iddia ərizəsini qəbul etməkdən imtina edilsin. Qərardad, ərizə və ərizəyə əlavə olunmuş sənədlər iddiaçıya rəsmi qaydada verilsin. İddiaçıya izah edilsin ki, qeyd olunan məsələ ilə əlaqədar olaraq icra icraatı qaydasında yenidən məhkəməyə müraciət etmək hüququ vardır. Qərardaddan, tərəflərə rəsmi qaydada verildikdən sonra 10 (on) gün müddətində Bakı şəhəri Nəsimi Rayon Məhkəməsinə şikayət verilə bilər. Hakim Anar İbadzadə