Bakı Şəhəri Nəsimi Rayon Məhkəməsi Qərardad — İş №2(006)-5256/2023

Azərbaycan Respublikası adından QƏRARDAD Bakı şəhəri İş № 2(006)-5256/2023 24.11.2023 BAKI ŞƏHƏRİ NƏSİMİ RAYON MƏHKƏMƏSİ Nəsimi Rayon Məhkəməsinin hakimi Xəlilov Ramin Adilxan oğlu, İddiaçı cavabdehlər Cavabdeh1, Cavabdeh2 və X1 qarşı «qeydiyyatdan çıxarılma» tələbinə dair ərizəsinə baxaraq, MÜƏYYƏN ETDİ: İddiaçı cavabdehlər Cavabdeh1, Cavabdeh2 və X1 qarşı «qeydiyyatdan çıxarılma» tələbinə dair ərizə ilə məhkəməyə müraciət etmişdir. Məhkəmə iddia tələbinə məhkəmədə baxılmalı olmadığından iddia ərizəsi və ona əlavə olunmuş sənədlər iddiaçıya geri qaytarılmalıdır. Belə ki, iddiaçının tələbi cavabdehlərin ona məxsus olan mənzildən qeydiyyatdan çıxarılmaları ilə bağlıdır ki, qanunvericilikdə məhkəmənin bu cür səlahiyyəti nəzərdə tutulmamışdır. “Yaşayış yeri haqqında” Azərbaycan Respublikası Qanununda göstərilir ki, müvafiq icra hakimiyyəti orqanları tərəfindən şəxs yaşayış yeri üzrə qeydiyyatdan yaşayış sahəsindən istifadə hüququna xitam verildikdə məhkəmənin qanuni qüvvəyə minmiş qətnaməsi əsasında çıxarılır. Buradan aydın olur ki, ümumi məhkəmə şəxsin qeydiyyatdan çıxarılması məsələsinə deyil, həmin şəxsin mənzilə istifadə hüququnun olub-olmaması və yaxud bu hüququn itirilib-itirilməməsi məsələlərinə baxır. Azərbaycan Respublikası Mülki Prosessual Məcəlləsinin 153.2.1-ci maddəsinə əsasən ərizəyə məhkəmə qaydasında baxılmalı deyildirsə hakim iddianın yolverilməzliyinə görə iddia ərizəsini qəbul etməkdən imtina edir: Azərbaycan Respublikası Mülki Prosessual Məcəlləsinin 153.5-ci maddəsinə əsasən ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Eyni Məcəllənin 153.6-cı maddəsində qeyd edilir ki, iddia ərizəsini qəbul etməkdən imtina barədə qərardaddan şikayət verilə bilər. Qeyd olunanlara əsasən və Azərbaycan Respublikası Mülki Prosessual Məcəlləsinin 35.1, 36.5, 152.1.3 və 263-264-cü maddələrini rəhbər tutaraq, QƏRARA ALDİ: İddiaçı cavabdehlər Cavabdeh1, Cavabdeh2 və X1 qarşı «qeydiyyatdan çıxarılma» tələbinə dair dair iddia ərizəsinin qəbulundan imtina edilsin və iddia ərizəsi ona əlavə edilmiş sənədlərlə birlikdə iddiaçıya geri qaytarılsın. İddiaçı bununla bağlı müvafiq polis orqanına, bundan narazı qaldığı təqdirdə isə müvafiq inzibati məhkəməyə müraciət etmək hüququ izah edilsin. Qərardaddan 10 gün müddətində Nəsimi Rayon Məhkəməsinə şikayət verilə bilər. Hakim: Ramin Xəlilov