Bakı Şəhəri Nizami Rayon Məhkəməsi Qətnamə — İş №2(007)-2244/2022

Azərbaycan Respublikası adından QƏTNAMƏ Bakı şəhəri İş № 2(007)-2244/2022 14.10.2022 BAKI ŞƏHƏRİ NİZAMİ RAYON MƏHKƏMƏSİ Hakim Mirzəyev Fikrət Xasay oğlunun sədrliyi, Qurbanov Ramil Firdun oğlunun katibliyi , İddiaçı iştirakı ilə İddiaçı Cavabdeh qarşı istifadə hüquqlarının itirilmiş hesab edilməsi tələbinə dair iddiası üzrə mülki işə açıq məhkəmə iclasında baxaraq, M Ü Ə Y Y Ə N E T D İ: İddiaçı Cavabdeh qarşı istifadə hüquqlarının itirilmiş hesab edilməsi tələbinə dair iddia ərizəsi ilə məhkəməyə müraciət etmişdir. Məhkəmə iclasında İddiaçı iddia tələbi onunla əsaslandırdı ki, ünvan 1 hal - hazırda onun şəxsi mülkiyyətimdədir. Daşınmaz əmlakın alqı-satqı müqaviləsinin 13 -cü bəndinə uyğun olaraq mənzildə qeydiyyatda olan Cavabdeh mənzildən qeydiyyatdan çıxmağı öhdəsinə götürüb.Lakin o dəfələrlə cavabdehə müraciət edərək ünvan 1 ünvanından qeydiyyatdan çıxmağını tələb etsə də, müxtəlif bəhanələr gətirərək mənzildən qeydiyyatdan çıxmır. Ona görə də o, Bakı şəhəri, Nizami rayon Polis İdarəsinin Şəxsiyyət və Qeydiyyat şöbəsinə gedərək Cavabdeh pasport qeydiyyatından çıxması üçün müraciət etmiş, həmin şöbədə heç bir tədbir görülməmişdir. Bakı şəhəri, Nizami rayon Polis İdarəsinin Şəxsiyyət və Qeydiyyat şöbəsinin əməkdaşları bu hərəkətləri ilə onun hüquqlarını pozub. Belə ki, həmin şəxs ona məxsus olan mənzildə qeydiyyatda olmaqla, mülkiyyəti üzərində sərəncam vermək hüququmu məhdudlaşdırır. Baxmayaraq ki, cavabdeh Daşınmaz əmlakın alqı-satqı müqaviləsinin 13-cü bəndinə uyğun olaraq mənzildən qeydiyyatdan çıxmasını öhdəsinə götürüb.Müqavilənin şərtinə görə o, öz üzərinə götürdüyü öhtəliyi yerinə yetirməyə borclu olduğu halda, müxtəlif bəhanələr gətirərək, qeydiyyatdan çıxmaqdan yayınır.Əgər müvqavilənin şərtinə görə cavabdeh qeyd olunan mənzildən qeydiyyatdan çıxmağı öz öhtəsinə götürmüşdürsə və bundan yayınırsa, evin yerləşdiyi ərazinin Polis İdarəsinin Şəxsiyyət və Qeydiyyat şöbəsinə müraciət etdikdə, həmin şöbənin əməkdaşları ərizə əsasında cavabdehi çıxarmalıdır. Qeyd edilənlərə əsasən Cavabdeh ünvan 1 saylı mənzilindən istifadə hüquqlarının itiririlmiş hesab olunmasına dair qətnamə qəbul olunmasını xahiş edir. Cavabdeh məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasına gəlməmiş, gəlməməlsinin səbəbləri barədə məhkəməyə məlumat verməmişlər. Məhkəmə, Azərbaycan Respublikası Mülki Prosessual Məcəlləsinin 185.5-ci maddəsini rəhbər tutaraq işə cavabdehlərin iştirakı olmadan baxılmasını mümkün saymışdır. Məhkəmə iddiaçının izahatını dinləyib, mülki iş materiallarını araşdıraraq hesab edir ki, iddia təmin olunmalıdır. İş materiallarında olan: Azərbaycan Respublikası Daşınmaz Əmlakın Dövlət Reyestri Xidməti Hüquqlarının Dövlət Qeydiyyatı haqqında Daşınmaz Əmlakın Dövlət Reyestri tərəfindən verilmiş çıxarışın surətindən görünür ki, ünvan 1 mənzilinə 18.05 2022-ci il tarixdən İddiaçı xüsusi mülkiyyət hüququ qeydiyyatdan keçmişdir. Azərbaycan Respublikası Bakı şəhər icra Hakimiyyəti Mənzil-Kommunal Təsərrüfat Departmenti Nizami Rayon MKTB-nin 76 saylı Mənzil Kommunal İstismar Sahəsinin 413 nömrəli yaşayış yeri üzrə qeydiyyat haqqında arayışdan görünür ki, Cavabdeh Bakı şəhəri Nizami rayonu Cəmşid ünvan 2 ünvanda yaşamır. Azərbaycan Respublikası Konstitusiyasının 13-cü maddəsinin İ hissəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikası Mülki Məcəlləsinin 646.1-ci maddəsinə əsasən daşınmaz əşyanın alqı-satqı müqaviləsinə görə satıcı torpaq sahəsini, evi, binanı, qurğunu, mənzili və digər daşınmaz əşyanı alıcının mülkiyyətinə verməyi öhdəsinə götürür. Həmin Məcəllənin 647.2-ci maddəsinə əsasən daşınmaz əşyaya mülkiyyət hüququ alıcıya daşınmaz əmlakın dövlət reyestrində qeydiyyat anından keçir. Həmin Məcəllənin 152.5-ci maddəsinə əsasən, mülkiyyətçi qanunvericiliklə və ya başqa şəkildə, o cümlədən müqavilə məhdudiyyətləri ilə müəyyənləşdirilmiş hədlərdə əmlaka (əşyaya) sərbəst surətdə sahib ola bilər, ondan istifadə edə bilər və ona dair sərəncam verə bilər, həmin əmlaka başqa şəxslərin sahibliyinə yol verməyə bilər, ona mənsub əmlak barəsində öz mülahizəsi ilə istənilən hərəkətləri edə bilər, bir şərtlə ki, həmin hərəkətlər qonşuların və ya üçüncü şəxslərin hüquqlarını pozmasın, yaxud hüquqdan sui-istifadə olmasın. Beləliklə, məhkəmə araşdırması zamanı tədqiq edilmiş sübutlarla müəyyən olundu ki, ünvan 1 saylı mənzil İddiaçı mülkiyyətindədir.Belə ki onun mübahisəli mənzilə xüsusi mülkiyyət hüququ 18.05 2022-ci il tarixdən qeydiyyatdan keçmişdir. Cavabdeh həmin mənzildə qeydiyyatda olsa da orada yaşamır. Məhkəmə hesab edir ki, İddiaçı mülkiyyət hüququ məhdudlaşdırılmamalıdır, onun xüsusi mülkiyyətində olan əmlakdan sərbəst və maneasiz istifadə etmək və əmlaka dair sərəncam vermək hüquqlarına təminat verilməlidir. Ona görə də iddiaçının mülkiyyət hüquqlarını məhdudlaşdıran hallar aradan qaldırılmalı və Cavabdeh Bakı şəhəri Nizami rayonu Cəmşid Naxçıvanski küçəsindəki 18 saylı evin 70 saylı mənzilindən istifadə hüquqları itirilmiş hesab edilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216-220 və 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. Cavabdeh Bakı şəhəri Nizami rayonu Cəmşid Naxçıvanski küçəsindəki 18 saylı evin 70 saylı mənzilindən istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Bakı Şəhəri Nizami Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Fikrət Mirzəyev