Bakı Şəhəri Nizami Rayon Məhkəməsi Qərardad — İş №2(007)-2880/2025

Azərbaycan Respublikası adından QƏRARDAD Bakı şəhəri İş № 2(007)-2880/2025 23.07.2025 BAKI ŞƏHƏRİ NİZAMİ RAYON MƏHKƏMƏSİ Bakı şəhəri Nizami Rayon Məhkəməsinin hakimi Əhmədova Həqiqət Mülazim qızı, İddiaçı Cavabdeh qarşı maraqlarına toxunulan şəxs Maraqlı şəxs cəlb edilməklə “etibarnamənin etibarsız hesab edilməsi və restitutisiya” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı Cavabdeh qarşı maraqlarına toxunulan şəxs Maraqlı şəxs cəlb edilməklə “etibarnamənin etibarsız hesab edilməsi və restitutisiya” tələbinə dair iddia ərizəsi ilə Bakı şəhəri Nizami Rayon Məhkəməsinə müraciət etmişdir. İddia ərizəsindən və ona əlavə edilmiş sənədlərdən görünür ki, iddiaçı müvafiq prosessual pozuntulara yol verməklə məhkəməyə müraciət etmişdir. Belə ki, Azərbaycan Respublikası Mülki Prosessual Məcəlləsinin: 50.1-ci və 50.3-cü maddələrinə əsasən prosesdə tərəflər iddiaçı və cavabdeh hesab edilirlər. Fiziki və hüquqi şəxslər, dövlət orqanları və başqa orqanlar iddiaçı və ya cavabdeh qismində çıxış edə bilərlər. İddia tələbinin yönəldiyi fiziki və hüquqi şəxslər cavabdeh hesab olunurlar. 149.2.2-ci maddəsinə əsasən, iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda- iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir. 149.2.3-cü maddəsinə əsasən, iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb iddia ərizəsində göstərilməlidir. 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. 152.1.5-ci maddəsinə əsasən, müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə ilk öncə bildirir ki, “Dövlət Rüsumu haqqında” AR Qanununun 9.1.20-ci bəndinə əsasən məhkəmədə verilən iddialar üzrə - şəhid ailələri, müharibə veteranları, müharibə ilə əlaqədar əlilliyi müəyyən edilmiş şəxslər, qaçqınlar və məcburi köçkünlər, habele Çernobıl AES-də qəza nəticəsində şüa xəstəliyinə və şüa yükü ilə əlaqədar xəstəliyə tutulmuş və ya bu xəstəlikləri keçirmiş şəxslər rüsumun ödənilməsindən azad olunur. İddiaçının iddia ərizəsinə əlavə etdiyi Bakı şəhəri Xətai rayon Hərbi Komissarlığının 09.0.1999-cu il tarixli arayışı ilə qardaşı X1 Qarabağ Müharibəsi zamanı xx.xx.1992-ci il tarixdə itkin düşdüyü müəyyən olunsa da, həmin arayış ilə iddiaçının şəhid ailəsi olması öz təsdiqini tapmamışdır. Buna görə də hazırki iddia tələbi qiymətləndirilməyən iddia olduğundan Həmin Qanunun 8.1.6-cı bəndinə əsasən iddiaçı tərəfindən iddia ərizəsi ilə məhkəməyə müraciət edilərkən 100 manat dövlət rüsumu ödənilməlidir. Məhkəmə qeyd edir ki, iddiaçı iddia tələbində həyat yoldaşının qardaşına etibarnamə verdiyini, həmin etibarnamə əsasında etibarnamə verdiyi şəxsin onun mülkiyyətində olan mənzili həyat yoldaşına bağışladığını bildirərək həmin etibarnamənin etibarsız hesab edilməsini, bu etibarnamə əsasında reallaşdırılmış bütün hərəkətlərin etibarsız hesab edilməsini, onun hüquqlarının bərpa olunmasını və bağışlanılmış mənzilin ona qaytarılmasını xahiş etmişdir. Buna baxmayaraq iddiaçı restitutisiya tələbi irəli sürsə də, ona məxsus mənzilin bağışlanılmasını qeyd etsə də, iddia ərizəsində bağışlama müqaviləsinin tarixini, nömrəsini, müqavilə tərəfi olan həyat yoldaşının ad, soyad və ata adını göstərməmiş, iddia tələbində etibarnamə və bağışlama müqaviləsi mübahisələndirilməsinə və iddia iddiaçının həyat yoldaşına qarşı yönəlməsinə baxmayaraq, iddiaçı etibarnamənin verildiyi və bağışlama müqaviləsinin bağlandığı notariat orqanını və həyat yoldaşını cavabdeh qismində cəlb etməmiş və qeyd olunan müqaviləni iddia ərizəsinə əlavə etməmişdir. Bundan əlavə məhkəmə bildirir ki, iddiaçı Maraqlı şəxs maraqlarına toxunulan şəxs qismində qoysa da, iddia icraatı zamanı iddia tələbi şəxsin marağına toxunulan zaman həmin şəxs mübahisə predmeti barəsində müstəqil tələb irəli sürməyən üçüncü şəxs qismində cəlb edilir. Belə ki, Mülki Prosessual Məcəllənin 57.1-ci maddəsinə əsasən mübahisə predmeti barəsində müstəqil tələblər irəli sürməyən üçüncü şəxslər qətnamə çıxarılana qədər, bu qətnamə tərəflərdən birinə münasibətdə onların hüquq və vəzifələrinə təsir edə biləcəyi təqdirdə, prosesdə iddiaçının və ya cavabdehin tərəfində iştirak edə bilərlər. Onlar işdə iştirak edən şəxslərin vəsatəti üzrə və ya məhkəmənin təşəbbüsü ilə işdə iştirak etməyə cəlb oluna bilərlər. Belə olan halda, məhkəmə hesab edir ki, iddia ərizəsi və ona əlavə edilmiş sənədlər iddiaçıya qaytarılmalı, qeyd edilən nöqsanlar aradan qaldırıldıqdan sonra təkrarən, ümumi qaydada məhkəməyə müraciət etmək hüququnun olması iddiaçıya izah edilməlidir. Göstərilənlərə əsasən və Azərbaycan Respublikası MPM-nin 149-150, 152, 263-264, 267-268-ci maddələrini rəhbər tutaraq, QƏRARA ALDİ: İddiaçı Cavabdeh qarşı maraqlarına toxunulan şəxs Maraqlı şəxs cəlb edilməklə “etibarnamənin etibarsız hesab edilməsi və restitutisiya” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bakı şəhəri Nizami Rayon Məhkəməsinə şikayət verilə bilər. Hakim: Həqiqət Əhmədova