Bakı Şəhəri Sabunçu Rayon Məhkəməsi Qərardad — İş №2(008)-577/2022

Azərbaycan Respublikası adından QƏRARDAD Bakı şəhəri İş № 2(008)-577/2022 17.05.2022 BAKI ŞƏHƏRİ SABUNÇU RAYON MƏHKƏMƏSİ Hakim Əsədova Tahirə Əlif qızının sədrliyi ilə, Məhkəmə iclas katibi X1 iştirakı ilə, İddiaçı Cavabdeh qarşı paylı mülkiyyətdə olan mənzilin naturada bölünməsi tələbinə dair iddiası üzrə mülk işə açıq məhkəmə iclasında baxaraq, MÜƏYYƏN ETDİ: İddiaçı Cavabdeh qarşı iddia ərizəsi ilə məhkəməyə müraciət edərək Bakı şəhəri, Bakıxanov qəsəbəsi, Vazeh küçəsi, 6 saylı evin, 26 saylı, ümumi sahəsi 52,72 kv.m olan mənzilin otaqlarının, eyvanın, mətbəxin, hamam-tualetin, dəhlizin paylarına uyğun şəkildə naturada ortadan iki hissəyə bərabər şəkildə yarı bölünərək ondan 26,36 kv.m sahənin ayrılaraq ona verilməsi, ortadan bölünmüş sahələrin bir-birindən tam təcrid olunmaqla, ayrıca kommunal xidmətlərin (hamam, tualet, mətbəx) olmaqla iki ayrıca təcrid olunmuş mənzillərə çevrilməsi və blokdan mənzilə onun üçün ayrıca giriş-çıxış qapısının açılmasına dair qətnamə çıxarılmasını xahiş etmişdir. İddiaçı elektron ərizə ilə məhkəməyə müraciət edərək, iddia ərizəsinin baxılmamış saxlanılmasını xahiş etmişdir. Məhkəmə ərizəni və iş materiallarını nəzərdən keçirib hesab edir ki, ərizə təmin olunmalıdır. Belə ki, Azərbaycan Respublikasının MPM-nin: 259.0.11-ci maddəsinə müvafiq olaraq, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır; 263.2-ci maddəsinə əsasən məhkəmə iş üzrə icraatı dayandırdıqda, icraata xitam verdikdə, iddianı baxılmamış saxladıqda, habelə bu Məcəllə ilə nəzərdə tutulmuş digər hallarda qərardad çıxarır. 268.1-ci maddəsinə əsasən şikayət qərardad tərəfə rəsmi qaydada verildikdən sonra 10 gün müddətində verilir. Qeyd olunanlara əsaslanaraq və Azərbaycan Respublikası MPM-nin 259, 263-264, 268-ci maddələrini rəhbər tutaraq, məhkəmə QƏRARA ALDİ: Ərizə təmin edilsin. İddiaçı Cavabdeh qarşı paylı mülkiyyətdə olan mənzilin naturada bölünməsi tələbinə dair iddia ərizəsi baxılmamış saxlanılsın, ərizə və ona əlavə edilmiş sənədlər geri qaytarılsın. Qərardaddan 10 (on) gün müddətində Sabunçu rayon məhkəməsinə şikayət verilə bilər. Hakim Tahirə Əsədova