Bakı Şəhəri Sabunçu Rayon Məhkəməsi Qərardad — İş №2(008)-7112/2025

Azərbaycan Respublikası adından QƏRARDAD Bakı şəhəri İş № 2(008)-7112/2025 20.10.2025 BAKI ŞƏHƏRİ SABUNÇU RAYON MƏHKƏMƏSİ Bakı şəhəri Sabunçu Rayon Məhkəməsinin hakimi Mahmudova Həqiqət Sahib qızı, İddiaçı Cavabdeh qarşı “avtomobil üzərinə qoyulmuş həbsin ləğv edilməsi” tələbi barədə iddia ərizəsini və ona əlavə edilmiş sənədləri məhkəmə iclasından ayrıca prosessual hərəkət kimi nəzərdən keçirərək, MÜƏYYƏN ETDİ: İddiaçı Cavabdeh qarşı “avtomobil üzərinə qoyulmuş həbsin ləğv edilməsi” tələbi barədə iddia ərizəsi ilə məhkəməyə müraciət edərək, **-UA-*** dövlət nömrə nişanlı KİA- OPTİMA markalı, buraxılış ili 2015-ci il, ağ mirvari rəngli avtomobil üzərinə qoyulmuş həbsin ləğv edilməsi barədə qətnamə çıxarılmasını məhkəmədən xahiş etmişdir. Məhkəmə aşağıda göstərilənlərə əsasən hesab edir ki, iddianın yolverilməzliyinə görə iddia ərizəsininin qəbulundan imtina edilməlidir. Belə ki, Azərbaycan Respublikası Mülki-Prosessual Məcəlləsinin 153.2, 153.2.1-ci maddəsinə əsasən, ərizəyə məhkəmə qaydasında və ya mülki məhkəmə icraatı qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. Məhkəmə qeyd edir ki, “iş məhkəmədə baxılmalı deyildirsə” müddəası özündə, mülki işin məhkəmədə deyil, qanunun tələbinə görə başqa orqanda baxılmalı olmasını, eləcə də iş məhkəməyə aid olsa da, mülki mühakimə icraatı qaydasında deyil, başqa məhkəmə icraatı qaydasında (cinayət, inzibati, inzibati xətalara dair işlər üzrə icraat və ya icra icraatı) baxılmalı olmasını ehtiva edir. Eyni mövqe Azərbaycan Respublikası Ali Məhkəməsi Plenumunun “İnzibati və mülki hüquq münasibətlərindən irəli gələn mübahisələrin məhkəmə aidiyyəti” barədə 10 aprel 2015-ci il tarixli qərarında da ifadə olunmuşdur. Belə ki, həmin Qərarın 15.4-cü bəndində göstərilmişdir ki, inzibati məhkəməyə aid iddia ərizəsi ümumi məhkəməyə verilmişdirsə, MPM-in 153.2, 153.2.1-ci maddələrinə əsasən, ərizəyə mülki məhkəmə icraatı qaydasında ümumi məhkəmədə baxılmalı olmaması əsası ilə iddianın yolverilməzliyinə görə iddia ərizəsinin qəbulundan imtina olunmalı, inzibati məhkəməyə aid iş səhvən ümumi məhkəmənin icraatına qəbul edilmişdirsə, MPM-nin 261.0, 261.0.1-ci maddələrinə əsasən, işə mülki məhkəmə icraatı qaydasında ümumi məhkəmədə baxılmalı olmaması əsası ilə iş üzrə icraata xitam verilməli, iddiaçıya aidiyyəti üzrə səlahiyyətli məhkəməyə müraciət etmək hüququ izah olunmalıdır. İddia ərizəsinə əlavə edilmiş Bakı şəhəri Sabunçu Rayon Məhkəməsininxx.xx.2025ci il tarixli icra sənədindən görünür ki, cəmi 10569,94 manat məbləğində pul Cavabdeh alınaraq, iddiaçı "xxxx" ASC-yə ödənilməlidir. Ona görə də, hesab etmək olar ki, **-UA-*** dövlət nömrə nişanlı KİA-OPTİMA markalı avtomobil üzərinə həbs həmin icra sənədinin icrasının təmin edilməsi məqsədilə qoyulmuşdur. Belə ki, Azərbaycan Respublikasının “İcra haqqında” Qanunun 43.1.1-ci maddəsinə əsasən, borclunun əmlakı üzərinə həbs qoymaq və onu satmaq yolu ilə tələbin əmlaka yönəldilməsi məcburi icra tədbirlərindən biridir. Borclunun əmlakı üzərinə həbs qoyulması icra məmurunun əsaslandırılmış təqdimatı ilə məhkəmənin qərarı əsasında həyata keçirilir. Bu səbəbdən də, əmlakı üzərinə qoyulmuş həbsin götürülməsi barədə müraciətlər məhkəməyə iddia icraatı qaydasında deyil, icra icraatı qaydasında verilməlidir. İddiaçıya izah edilməlidir ki, əmlak üzərinə qoyulmuş həbsin götürülməsi barədə ərizələrə icra icraatı qaydasında baxılır. Qeyd olunanlara əsasən və Azərbaycan Respublikası Mülki-Prosessual Məcəlləsinin 152, 263-264 və 268-269-cu maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “avtomobil üzərinə qoyulmuş həbsin ləğv edilməsi” tələbinə dair iddia ərizəsinin qəbulundan iddianın yolverilməzliyinə görə imtina edilsin. İddia ərizəsi və ona əlavə edilmiş sənədlər iddiaçıya qaytarılsın. İddiaçıya izah edilsin ki, əmlak üzərinə qoyulmuş həbsin götürülməsi barədə ərizələrə icra icraatı qaydasında baxılır. Qərardaddan, rəsmi qaydada alındığı gündən “Elektron məhkəmə” informasiya sistemində yaradılan elektron kabinet vasitəsilə 10 (on) gün müddətində Bakı şəhəri Sabunçu Rayon Məhkəməsinə şikayət verilə bilər. Hakim: Həqiqət Mahmudova