Bakı Şəhəri Səbail Rayon Məhkəməsi Qərardad — İş №2(009)-105/2022

Azərbaycan Respublikası adından QƏRARDAD Bakı şəhəri İş № 2(009)-105/2022 24.02.2022 BAKI ŞƏHƏRİ SƏBAİL RAYON MƏHKƏMƏSİ Hakim Süleymanova Şəhla Ənvər qızının sədrliyi, Əliyeva Leyla Mirfazil qızının katibliyi ilə, İddiaçı Cavabdeh MMC-yə qarşı cavabdehin maddi vəsaiti hesabına mənzilin bərpa olunması və mənəvi ziyanın ödənilməsi tələbinə dair mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı Cavabdeh MMC-yə qarşı cavabdehin maddi vəsaiti hesabına mənzilin bərpa olunması və mənəvi ziyanın ödənilməsi tələbinə dair məhkəmədə iddia qaldıraraq, cavabdeh tərəfindən qanunsuz olaraq yararsız vəziyyətə salınmış mülkiyyət hüququ İddiaçı məxsus ünvan 1 ünvanda yerləşən 19 saylı mənzilin cavabdehin maddi vəsaiti hesabına təmir və bərpa olunması, o cümlədən cavabdehdən onun xeyrinə mənəvi ziyan olaraq 40.000 manat və dövlət rüsumu kimi ödənilmiş 20 manat pulun tutulması barədə qətnamə qəbul edilməsini xahiş etmişdir. İddiaçı etibarnamə üzrə nümayəndəsi X2 məhkəməyə ərizə ilə müraciət edərək, Cavabdeh MMC-yə qarşı maddi və mənəvi ziyanın ödənilməsinə dair iddia tələbindən imtina etdiyini bildirmiş və iş üzrə icraata xitam verilməsini xahiş etmişdir. Məhkəmə ərizəyə baxıb, mülki iş materiallarını tədqiq edib, hesab edir ki, iddiadan imtina təmin edilməli və iş üzrə icraata xitam verilməlidir. Belə ki, Azərbaycan Respublikası Mülki Prosessual Məcəlləsinin 52-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Həmin Məcəllənin 261.0.4 maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa, hakim iş üzrə icraata xitam verir. Məhkəmə hesab edir ki, iddiaçının iddiadan imtina etməsi qanuna zidd olmadığına, başqa şəxslərin hüquqlarını və qanunla qorunan mənafelərini pozmadığına görə qəbul edilməli və iş üzrə icraata xitam verilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 263, 264, 266-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh MMC-yə qarşı cavabdehin maddi vəsaiti hesabına mənzilin bərpa olunması və mənəvi ziyanın ödənilməsi tələbinə dair mülki iş üzrə iddiaçının etibarnamə üzrə nümayəndəsi X1 iddia ərizəsindən imtinasına dair ərizəsi qəbul edilsin və iş üzrə icraata xitam verilsin. İddiaçıya izah olunsun ki, işin icraatına xitam verildikdə, eyni tərəflər arasında eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. Qərardaddan 10 gün müddətinə Səbail Rayon Məhkəməsinə şikayət verilə bilər. Hakim Şəhla Süleymanova