Bakı Şəhəri Səbail Rayon Məhkəməsi Qərardad — İş №2(009)-1050/2022

Azərbaycan Respublikası adından QƏRARDAD Bakı şəhəri İş № 2(009)-1050/2022 22.04.2022 BAKI ŞƏHƏRİ SƏBAİL RAYON MƏHKƏMƏSİ Hakim Abdullayev Şahin Zülfüqar oğlunun sədrliyi ilə İddiaçı cavabdehlər X1 və Cavabdeh1 qarşı yalan məlumatların yayılması ilə əlaqədar vurulmuş maddi və mənəvi ziyana görə kompensasiya ödənilməsi tələbi barədə iddia ərizəsinin mümkünlüyü məsələsinə baxaraq… MÜƏYYƏN ETDİ: İddiaçı cavabdehlər X1 və Cavabdeh1 qarşı qarşı yalan məlumatların yayılması ilə əlaqədar məlumatların təkzib edilməsi, vurulmuş maddi və mənəvi ziyana görə 50000 manat məbləğində kompensasiya ödənilməsi tələbi barədə iddia ərizəsi ilə məhkəməyə müraciət etmişdir. Hakim həmçinin qeyd edir ki, iddiaçı tərəfindən müəyyən edilmiş məbləğdə dövlət rüsumunun ödənilməsini təsdiq edən sübut iddia ərizəsinə əlavə olunmamışdır. AR MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə, iddia ərizəsi geri qaytarılır. «Dövlət rüsumu haqqında» AR Qanunun 8.1.3-ci maddəsinə əsasən iddianın qiyməti 10.000 manatdan 100.000 manatadək olduqda 120 manat + 10.000 manatdan yuxarı olan iddia qiymətinin 0,3 faizi nəzərdə tutulmuşdur. Belə ki, hazırki tələb üzrə (50000 manat) 240 manat dövlət rüsumu ödənməlidir. Hakim hesab edir ki, iddia ərizəsinə müəyyən edilmiş məbləğdə dövlət rüsumunun ödənilməsi barədə sübut əlavə edilmədiyindən (yalnız 100 manat məbləğində dövlət rüsumunun ödənilməsi barədə qəbz iddia ərizəsinə əlavə edilmişdir.) iddia ərizəsi geri qaytarılmalıdır. AR MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Şərh olunanlara əsasən və AR MPM-nin 152.1.5 –ci maddəsini rəhbər tutaraq hakim… QƏRARA ALDİ: İddiaçı cavabdehlər X1 və Cavabdeh1 qarşı qarşı yalan məlumatların yayılması ilə əlaqədar məlumatların təkzib edilməsi, vurulmuş maddi və mənəvi ziyana görə 50000 manat məbləğində kompensasiya ödənilməsi tələblərinə dair iddia ərizəsi ona əlavə edilmiş sənədlərlə birlikdə geri qaytarılsın. İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə aidiyyət qaydalarına riayət edilməklə məhkəməyə müraciət etməyə mane olmur. Qərardaddan 10 gün müddətində Səbail rayon Məhkəməsinə şikayət verilə bilər. Qeyd: Şikayət elektron sistem vasitəsi ilə verilmədikdə AR MPM-nin 363.1.5-ci maddəsinə əsasən geri qaytarılacaqdır. Hakim Şahin Abdullayev