Bakı Şəhəri Səbail Rayon Məhkəməsi Qərardad — İş №2(009)-1285/2021

Azərbaycan Respublikası adından QƏRARDAD Bakı şəhəri İş № 2(009)-1285/2021 22.04.2021 BAKI ŞƏHƏRİ SƏBAİL RAYON MƏHKƏMƏSİ Mən, Səbail Rayon Məhkəməsinin hakimi Bağırova Mədinə Ağacavad qızı, İddiaçı1 və İddiaçı2 oğlunun cavabdehlər Bakı Cavabdeh1 və Cavabdeh2 qarşı pul tələbi və dəymiş ziyanın ödənilməsi barədə iddia ərizəsini nəzərdən keçirərək, MÜƏYYƏN E T D İ M: İddiaçı1 və İddiaçı2 oğlu cavabdehlər Bakı Cavabdeh1 və Cavabdeh2 qarşı iddia ərizəsi ilə məhkəməyə müraciət edərək cavabdehlər Bakı Cavabdeh1 və oranın mamaginekoloji şöbəsinin müdiri Cavabdeh2 müştərək qaydada ödədikləri 8140 manat məbləğində pulu və 10 000 manat məbləğində mənəvi zərərin alınması barədə qətnamə çıxarılmasını məhkəmədən xahiş etmişdir. İddiaçı1 və İddiaçı2 oğlunun iddia ərizəsini və ona əlavə edilmiş sənədləri nəzərdən keçirərək hesab edirəm ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası MPM-nin 149.2.2-ci maddəsinə əsasən, iddia ərizəsində işdə iştirak edən şəxslərin adları, onların poçt ünvanları göstərilməlidir. Həmin Məcəllənin 150.0.5-ci maddəsinə görə isə, iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilməlidir. Ərizədən görünür ki, iddiaçılar İddiaçı1 və İddiaçı2 oğlu tərəfindən qanunun bu tələblərinə əməl edilməmiş, cavabdehlərin poçt ünvanı, ümumiyyətlə onların məhkəmə prosesində iştirakının təmin edilməsi üçün zəruri olan hər hansı bir ünvan göstərilməmiş, habelə iddia ərizəsinə iddiaçının öz tələbini əsaslandırdığı sənədlərin cavabdehlərə verilmək üçün nəzərdə tutulmuş surətləri əlavə edilməmişdir. Azərbaycan Respublikası MPM-nin 151.1-ci maddəsinə əsasən iddia ərizəsinin bu Məcəllənin tələblərinə riayət edilməklə verilməsi yoxlanılmalıdır. Həmin Məcəllənin 152.1.1-ci və 152.1.2-ci maddələrinə görə, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə iddia ərizəsi və ona əlavə olunmuş sənədlər geri qaytarılır. Adı çəkilən Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq, Q Ə R A R A A L D İ M: İddiaçılar İddiaçı1 və İddiaçı2 oğlunun cavabdehlər Bakı Cavabdeh1 və Cavabdeh2 qarşı pul tələbi və dəymiş ziyanın ödənilməsi barədə iddia ərizəsi və ərizəyə əlavə olunmuş sənədlər geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan 10 (on) gün müddətində Səbail rayon məhkəməsinə şikayət verilə bilər. Hakim Mədinə Bağırova