Bakı Şəhəri Səbail Rayon Məhkəməsi Qərardad — İş №2(009)-2324/2022

Azərbaycan Respublikası adından QƏRARDAD Bakı şəhəri İş № 2(009)-2324/2022 11.10.2022 BAKI ŞƏHƏRİ SƏBAİL RAYON MƏHKƏMƏSİ Bakı şəhəri Səbail Rayon Məhkəməsinin hakimi X2, İddiaçı Cavabdeh qarşı “əmək haqqından tutulan ödənişlərin dayandırılması” tələbinə dair iddia ərizəsini və ona əlavə edilmiş sənədləri nəzərdən keçirərək MÜƏYYƏN ETDİ: İddiaçı Cavabdeh qarşı “əmək haqqından tutulan ödənişlərin dayandırılması” tələbinə dair iddia ərizəsi ilə məhkəməyə müraciət edərək, müvafiq qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib hesab edir ki, iddia ərizəsi geri qaytarılmalıdır. Belə ki, iddiaçı iddia ərizəsində əmək haqqında tutulan ödənişlərin dayandırılmasına və Cavabdeh borcların ödənilməsinə köməklik göstərilməsini xahiş etmişdir. Azərbaycan Respublikası Mülki Prosessual Məcəlləsinin 151.1-ci maddəsinə əsasən ərizənin bu Məcəllənin tələblərinə riayət edilməklə verilməsi yoxlanılmalıdır. Azərbaycan Respublikası MPM-nin 149.2.3-cü maddəsinə müvafiq olaraq, iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Ərizənin məzmunundan görünür ki, əmək haqqından tutulmalar "xxxx" ASC-nin xeyrinə aparılır. İddia ərizəsində cavabdeh olaraq Cavabdeh göstərilsə də, ona yönəlmiş tələb aydın şəkildə qeyd edilməmişdir. Azərbaycan Respublikası Mülki-Prosessual Məcəlləsinin 152.1.1 maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə ərizə və ona əlavə olunmuş sənədlər geri qaytarılır. Qeyd edilənləri nəzərə alaraq hesab edir ki, İddiaçı tərəfindən verilmiş iddia ərizəsi qanunvericilikdə nəzərdə tutulmuş müəyyən olunmuş formaya və məzmuna riayət edilməməklə tərtib edildiyindən iddia ərizəsi və ona əlavə edilmiş sənədlər geri qaytarılmalı və ona Azərbaycan Respublikası Mülki Prosessual Məcəlləsinin 152.4-cü maddəsinin tələbləri izah olunmalıdır. Azərbaycan Respublikası MPM-nin 152.4-cü madəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən, Azərbaycan Respublikası MPM-nın 152, 263-264, 266-268 maddələrini rəhbər tutaraq, QƏRARA ALDİ: İddiaçı Cavabdeh qarşı “əmək haqqından tutulan ödənişlərin dayandırılması və s.” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah olunsun ki, qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ vardır. Qərardaddan rəsmi qaydada verildikdən sonra 10 (on) gün müddətində Bakı şəhəri Səbail Rayon Məhkəməsinə şikayət verilə bilər. Hakim: Rəna Qafarova İş № 2(009)-2324/2022 PROTOKOL 11 oktyabr 2022-ci il Bakı şəhəri Bakı şəhəri Səbail Rayon Məhkəməsinin hakimi X2, Prosessual hərəkət saat 15:30-da başlandı. İddiaçı Cavabdeh qarşı “əmək haqqından tutulan ödənişlərin dayandırılması” tələbinə dair iddia ərizəsini və ərizəyə əlavə olunmuş sənədlərin geri qaytarılması barədə qərardadı qəbul etdim. Prosessual hərəkət saat 15:35-də qurtardı. Protokol xx.xx.2022-ci il tarixdə tərtib edildi. Hakim: Rəna Qafarova AZƏRBAYCAN RESPUBLİKASİ BAKİ ŞƏHƏRİ SƏBAİL RAYON MƏHKƏMƏSİ Ünvan: AZ 1003 Bakı şəhəri, tel: 491-68-24: faks: 491-32-15 M.Useynov küçəsi 5 www.sabailcourt.gov.az İş № 2(009)-2029/2020 16 sentyabr 2020-ci il X1 Bakı şəhəri, Səbail rayonu, 3-cü Badamdar küçəsi, ev 10 A Bakı şəhəri Səbail Rayon Məhkəməsinin 2(009)-2029/2020 saylı, 16 sentyabr 2020ci il tarixli qərardadına əsasən, iddia ərizəniz və əlavə olunmuş sənədlər Sizə qaytarılır. Qoşma: qərardad “02” vərəq, iddia ərizəsi və ona əlavə olunmuş sənədlər ____ vərəq. Hakim: Rəna Qafarova