Bakı Şəhəri Suraxanı Rayon Məhkəməsi Qərardad — İş №2(010)-1865/2022

Azərbaycan Respublikası adından QƏRARDAD Bakı şəhəri İş № 2(010)-1865/2022 31.05.2022 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon məhkəməsinin hakimi Qafarova Rübabə Nurulla qızının sədrliyi, Rəhimov Bəhlul Qılman oğlunun katibliyi ilə, İddiaçı X1 cavabdehlər Cavabdeh1 Syadonoviçə, Cavabdeh2 Syadonoviçə və Cavabdeh3 Syadonoviçə qarşı “tikintiyə istifadə hüququnun müəyyən olunması” tələbinə dair iddia ərizəsi üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Əsadulin Denislyam Əlimoviç cavabdehlər Cavabdeh1 Syadonoviçə, Cavabdeh2 Syadonoviçə və Cavabdeh3 Syadonoviçə qarşı “tikintiyə istifadə hüququnun müəyyən olunması” tələbinə dair iddia ərizəsi ilə məhkəməyə müraciət etmişdir. xx.xx.2022-ci il tarixdə iddiaçı X1 ərizəsi məhkəməyə daxil olmuşdur. İddiaçı həmin ərizəsində iddia ərizəsinin baxılmamış saxlanılmasını xahiş etmişdir. Məhkəmənin xx.xx.2022-ci il tarixində keçirdiyi iclasda iş üzrə tərəflər iştirak etməmişdir. Məhkəmə işə tərəflərin iştirakı olmadan keçirilməsini mümkün hesab etmişdir. Məhkəmə xatırladır ki, Azərbaycan Respublikası Mülki Prosessual Məcəlləsinin 259.0.11-cı maddəsinə əsasən, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Məhkəmə hesab edir ki, iddiaçı hazırki iş üzrə cavabdehlərə qarşı verdiyi iddia ərizəsinin baxılmamış saxlanması barədə məhkəməyə ərizə təqdim etdiyindən və cavabdehlər işin mahiyyəti üzrə həll olunmasını tələb etmədiyindən məhkəmə həmin ərizəni baxılmamış saxlamalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 259-260, 263-264, 267-269-cu maddələrini rəhbər tutaraq, məhkəmə QƏRARA ALDİ: İddiaçı X1 cavabdehlər Cavabdeh1 Syadonoviçə, Cavabdeh2 Syadonoviçə və Cavabdeh3 Syadonoviçə qarşı “tikintiyə istifadə hüququnun müəyyən olunması” tələbinə dair iddia ərizəsi baxılmamış saxlanılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı Şəhəri Suraxanı Rayon Məhkəməsinə şikayət verə bilərlər. Sədrlik edən Rübabə Qafarova