Bakı Şəhəri Suraxanı Rayon Məhkəməsi Qərardad — İş №2(010)-1950/2023

Azərbaycan Respublikası adından QƏRARDAD Bakı şəhəri İş № 2(010)-1950/2023 31.10.2023 BAKI ŞƏHƏRİ SURAXANI RAYON MƏHKƏMƏSİ Bakı şəhəri Suraxanı rayon məhkəməsinin hakimi Qafarova Rübabə Nurulla qızının sədrliyi, Rəhimov Bəhlul Qılman oğlunun katibliyi ilə, iddiaçı X1 cavabdehlər Cavabdeh1 və Cavabdeh2 qarşı "fərdi yaşayış evinin naturada bölünməsi" tələbinə dair iddia ərizəsi üzrə mülki işə açıq məhkəmə hazırlıq iclasında baxaraq, MÜƏYYƏN ETDİ: İddiaçı X3 cavabdehlər Cavabdeh1 və Cavabdeh2 qarşı "fərdi yaşayış evinin naturada bölünməsi" tələbinə dair iddia ərizəsi ilə məhkəməyə müraciət etmişdir. Məhkəməyə xx.xx.2023-cü il tarixdə poçt vasitəsi ilə iddiaçı X1 ərizəsi daxil olmuş və həmin ərizədə iddiaçı, mülki iş üzrə iddianın predmeti olan Suraxanı rayonu, Əmircan qəsəbəsi, Şəmsi Əsədullayev küçəsində yerləşən 148,9 m2 ümumi sahədən ibarət olan 11 saylı fərdi yaşayış evi paylı mülkiyyət hüququ ilə, yəni 3/8 hissədə iddiaçıya, 2/8 hissədə Cavabdeh1, 2/8 hissədə Cavabdeh2 və 1/8 hissədə X4 məxsusdur. Mülkiyyətin 1/8 hissədə məxsus olduğu X5 öldüyünə və onun vərəsəsini müəyyən edə bilmədiyinə görə hal-hazırda həmin iddianın baxılmasının davam etdirilməsi iddiaçı üçün mümkün olmamışdır. Ona görə də məhkəmədən, iddia ərizəsi və ona əlavə edilmiş sənədlərin geri qaytarılmaqla iddia ərizəsinin baxılmamış saxlanılması barədə qərardad çıxarılmasını xahiş etmişdir. İş üzrə tərəflərə məhkəmə iclasının vaxtı və yeri barədə qanunla nəzərdə tutulmuş qaydada xəbərdar edilməsinə baxmayaraq, üzrlü səbəb göstərmədən məhkəmə iclasına gəlməmişlər. Azərbaycan Respublikası Mülki Prosessual Məcəlləsinin 170-ci maddəsinə əsasən işin məhkəmə baxışına hazırlanması zamanı iddiaçının vəsatəti ilə ərizə qaytarıla bilər. Məhkəmə iş materiallarını və iddiaçının ərizəsini nəzərdən keçirib hesab edir ki, iddiaçının ərizəsi təmin edilməli, iddia ərizəsi və ona əlavə edilmiş sənədlər iddiaçıya geri qaytarılmalıdır. Azərbaycan Respublikası MPM-nin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. Odur ki, iddiaçı tərəfindən hazırki iddia ərizəsi üzrə ödənilmiş 100 (bir yüz) manat məbləğində dövlət rüsumu iddiaçıya qaytarılmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 170, 263-264, 267-269-cu maddələrini rəhbər tutaraq, məhkəmə QƏRARA ALDİ: Ərizə təmin edilsin. İddiaçı X1 cavabdehlər Cavabdeh1 və Cavabdeh2 qarşı "fərdi yaşayış evinin naturada bölünməsi" tələbinə dair iddia ərizəsi və ona əlavə edilmiş sənədlər geri qaytarılsın. İddiaçı tərəfindən ödənilmiş 100 (bir yüz) manat məbləğində dövlət rüsumu iddiaçı X2 qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Suraxanı Rayon Məhkəməsinə şikayət verilə bilər. Sədrlik edən Rübabə Qafarova