Bakı Şəhəri Suraxanı Rayon Məhkəməsi Qərardad — İş №2(010)-3164/2020

Azərbaycan Respublikası adından QƏRARDAD Bakı şəhəri İş № 2(010)-3164/2020 21.07.2020 BAKI ŞƏHƏRİ SURAXANI RAYON MƏHKƏMƏSİ Mən – Suraxanı rayon Məhkəməsinin hakimi İbrahimov Anar Firdovsi oğlu İddiaçı Dağıstan Gömrüyünün cavabdeh X1 qarşı “gömrük ödənişlərinin və cərimənin məcburi ödənilməsi” tələbinə dair iddia ərizəsini nəzərdən keçirib, müəyyən etdim: İddiaçı Dağıstan Gömrüyü cavabdeh X1 qarşı “gömrük ödənişlərinin və cərimənin məcburi ödənilməsi” tələbinə dair iddia ərizəsi ilə məhkəməyə müraciət etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, aşağıda göstərilənlərə əsasən iddia ərizəsi və ona əlavə edilmiş sənədlər iddiaçıya geri qaytarılmalıdır. Belə ki, icraata daxil olmuş iddia ərizəsinə əlavə olunmuş sənədlərdə dövlət rüsumunun ödənilməsi barədə hər hansı bir sənəd aşkar edilməmişdir. Azərbaycan Respublikası MPM-nin 152.1.5- ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Həmçinin iş materiallarından görünür ki. iddia ərizəsi və ona əlavə edilmiş sənədlər rus dilində tərtib edilmişlər və Azərbaycan dilinə tərcümə edilməmişlər. Azərbaycan Respublikasinin Konstitusiyasının 21-ci maddəsinə əsasən Azərbaycan Respublikasının dövlət dili Azərbaycan dilidir. Azərbaycan Respublikasinin MPM-nin 11-ci maddəsinə əsasən mülki işlər və kommersiya mübahisələri üzrə məhkəmə icraatı Azərbaycan Respublikasının dövlət dilində — Azərbaycan dilində və ya müəyyən ərazi əhalisinin əksəriyyətinin dilində aparılır.Məhkəmə sənədləri işdə iştirak edən şəxslərə məhkəmə icraatının aparıldığı dildə verilir. Azərbaycan Respublikası MPM-nin 151.1-ci maddəsinə əsasən, iddia ərizəsi Mülki- Prosessual Məcəllənin tələblərinə riayət edilməklə verildikdə, onun məhkəmə icraatı mümkündür. İAzərbaycan Respublikası MPM-nin152.4-cü maddəsinə əsasən, iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası Mülki- ProsessualMəcəlləsinin 149-152, 263, 264, 267 və 268-ci maddələrinin tələblərini rəhbər tutaraq, qərara aldım: İddiaçı Dağıstan Gömrüyünün cavabdeh X1 qarşı “vergi və gömrük ödənişlərinin ödənilməsi” tələbinə dair iddia ərizəsi əlavə olunan sənədlərlə birlikdə geri qaytarılsın. İddiaçıya iddia ərizəsinin qaytarılması ilə əlagədar nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmə hüququ izah olunsun. Qərardaddan 10 gün müddətində Bakı şəhər Suraxanı rayon məhkəməsinə şikayət verilə bilər. Sədrlik edən Anar İbrahimov