Bakı Şəhəri Xətai Rayon Məhkəməsi Qərardad — İş №2(011)-2448/2024

Azərbaycan Respublikası adından QƏRARDAD Bakı şəhəri İş № 2(011)-2448/2024 08.04.2024 BAKI ŞƏHƏRİ XƏTAİ RAYON MƏHKƏMƏSİ Hakim Həsənova Aygün Namiq qızının sədrliyi, Quliyeva Nərmin İsmayıl qızının katibliyi, Cavabdehin etibarnamə üzrə nümayəndəsi X1 iştirakı ilə, İddiaçı cavabdehlər Xətai rayon Mənzil Kommunal Təsərrüfat Birliyinə və Xətai rayon 90 saylı Mənzil Kommunal İstismar Sahəsinə qarşı “cavabdehin hərəkətlərinin qanunsuz hesab edilməsi və son qoyulması” tələbinə dair iddia ərizəsi üzrə mülki işə açıq məhkəmə iclasında baxaraq, müəyyən etdi: İddiaçı cavabdehlər Xətai rayon Mənzil Kommunal Təsərrüfat Birliyinə və Xətai rayon 90 saylı Mənzil Kommunal İstismar Sahəsinə qarşı “cavabdehin hərəkətlərinin qanunsuz hesab edilməsi və son qoyulması” barədə iddia ərizəsi ilə məhkəməyə müraciət etmişdir. 08 aprel 2024-cü il tarixə təyin edilmiş məhkəmə iclasının vaxtı və yeri haqqında iddiaçıya lazımi qaydada məlumat verilməsinə baxmayaraq, iddiaçı məhkəmə iclasına gəlməmişdir və gəlməməsinin səbəbi barədə məhkəməyə məlumat daxil olmamış, işə isə onun iştirakı olmadan baxılmasını xahiş etməmişdir. Məhkəmə iclasında cavabdeh Xətai rayon Mənzil Kommunal Təsərrüfat Birliyinin etibarnamə üzrə nümayəndəsi X2 mülki işə mahiyyəti üzrə baxılmasını tələb etmədiyini bildirmiş və mülki işin baxılmamış saxlanılmasını xahiş etmişdir. Azərbaycan Respublikası MPM-in 259.0.7-ci maddəsinə əsasən işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədikdə, cavabdeh isə işin mahiyyəti üzrə baxılmasını tələb etmədikdə ərizə baxılmamış saxlanır. Göstərilən qanunvericilik aktı normasına əsasən məhkəmə hesab edir ki, işə onun iştirakı olmadan baxmağı xahiş etməmiş iddiaçı məhkəmənin birinci çağırışında gəlmədiyindən, cavabdehin nümayəndəsi isə işin mahiyyəti üzrə həll olunmasını tələb etmədiyindən, iddia ərizəsi baxılmamış saxlanmalıdır. Məhkəmə həmçinin qeyd edir ki, Azərbaycan Respublikası MPM-in 260.0.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət etməyə haqlıdır. Qeyd olunanlara əsasən və Azərbaycan Respublikası MPM-nin 162, 259.11, 263- 264 və 268-ci maddələrini rəhbər tutaraq, məhkəmə qərara aldı: İddiaçı cavabdeh Xətai rayon Mənzil Kommunal Təsərrüfat Birliyinə və Xətai rayon 90 saylı Mənzil Kommunal İstismar Sahəsinə qarşı “cavabdehin hərəkətlərinin qanunsuz hesab edilməsi və son qoyulması” barədə iddia ərizəsi baxılmamış saxlanılsın. Qərardaddan onun tərəflərə rəsmi qaydada verildiyi gündən 10 (on) gün müddətində (“Elektron məhkəmə” informasiya sistemində yaradılan elektron kabinet vasitəsilə) Bakı şəhəri Xətai Rayon Məhkəməsinə şikayət verilə bilər. Sədrlik edən: Aygün Həsənova