Bakı Şəhəri Xətai Rayon Məhkəməsi Qərardad — İş №2(011)-27/2023

Azərbaycan Respublikası adından QƏRARDAD Bakı şəhəri İş № 2(011)-27/2023 09.02.2023 BAKI ŞƏHƏRİ XƏTAİ RAYON MƏHKƏMƏSİ Hakim Abbasova İlahə Namiq Kamal qızının sədrliyi, Osmanova Əfsanə Fəxrəddin qızının katibliyi ilə, İddiaçı Cavabdeh1, Cavabdeh2, Cavabdeh3, Bakı şəhəri 27 saylı Notariat Ofisinə və Bakı şəhəri 40 saylı Notariat Ofisinə qarşı “etibarnamənin, mənzilin alğı-satqı müqavilələrinin və çıxarışların etibarsız hesab edilməsi və sair” tələbinə dair mülki işə Bakı şəhəri Xətai Rayon Məhkəməsinin binasında açıq məhkəmə iclasında baxaraq M ü ə y y ə n e t d i: İddiaçı Cavabdeh1, Cavabdeh2, Cavabdeh3, Bakı şəhəri 27 saylı Notariat Ofisinə və Bakı şəhəri 40 saylı Notariat Ofisinə qarşı “etibarnamənin, mənzilin alğı-satqı müqavilələrinin və çıxarışların etibarsız hesab edilməsi və sair” tələbinə dair iddia ərizəsi ilə məhkəməyə müraciət etmişdir. Məhkəmə iclasının vaxtı və yeri barədə tərəflərə qanunvericiliyin müəyyən etdiyi qaydada məlumat verilməsinə baxmayaraq, tərəflər məhkəmə iclasında iştirak etməmişdir. Cavabdeh1 vəkili X1 məhkəməyə ərizə ilə müraciət edərək, 09 fevral tarixində Lənkəran Ağır Cinayətlər Məhkəməsində məhkəmə baxışında olduğundan hazırkı məhkəmə iclasının təxirə salınmasını xahiş etsə də, qeyd etdiyi halın üzürlü hesab edilməsi üçün zəruri sübutları məhkəmə təqdim etməmişdir. Məhkəmə iş materiallarını tədqiq edərək hesab edir ki, iddia ərizələri baxılmamış saxlanılmalıdır. Belə ki, Azərbaycan Respublikası Mülki Prosessual Məcəlləsinin 259.0.6-cı maddəsinə görə işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. İş materiallarından görünür ki, tərəflər məhkəmənin baxış iclasının yeri və vaxtı haqqında prosessual qanunvericiliklə nəzərdə tutulduğu kimi lazımi qaydada məlumatlandırılmış, lakin məhkəmə iclaslarında iştirak etməmiş, eləcə də, tərəflər məhkəmə iclasında iştirak etməmələrinin üzrlü səbəblərlə bağlı olmasına dair məhkəməni hər hansı qaydada əvvəlcədən məlumatlandırmamışlar. Mülki Prosessual Məcəllənin 260.1 və 260.6-cı maddələrinə görə iddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər. Göstərilənlərə əsasən və Azərbaycan Respublikası Mülki Prosessual Məcəlləsinin 259, 260, 263-264, 267-268-ci maddələrini rəhbər tutaraq məhkəmə Q ə r a r a a l d ı: İddiaçı Cavabdeh1, Cavabdeh2, Cavabdeh3, Bakı şəhəri 27 saylı Notariat Ofisinə və Bakı şəhəri 40 saylı Notariat Ofisinə qarşı “etibarnamənin, mənzilin alğı-satqı müqavilələrinin və çıxarışların etibarsız hesab edilməsi və sair” tələbinə dair iddia ərizələri baxılmamış saxlanılsın. Qərardaddan rəsmi qaydada verildikdən sonra tərəflər 10 (on) gün müddətində işə baxan Bakı şəhəri Xətai Rayon Məhkəməsinə şikayət verə bilərlər. Sədrlik edən:İlahə Abbasova