Bakı Şəhəri Xətai Rayon Məhkəməsi Qərardad — İş №2(011)-4040/2025

Azərbaycan Respublikası adından QƏRARDAD Bakı şəhəri İş № 2(011)-4040/2025 16.04.2025 BAKI ŞƏHƏRİ XƏTAİ RAYON MƏHKƏMƏSİ Bakı şəhər Xətai rayon Məhkəməsinin hakimi Zamanlı Pərviz Mirsiyaf oğlu - iddiaçı X1 cavabdehlər Cavabdeh1 və Cavabdeh2 qarşı “maddi və mənəvi zərərin tutulması” tələbi ilə bağlı müvəqqəti təminat tədbiri barədə ərizəsinə baxaraq M Ü Ə Y Y Ə N E T D İ: İddiaçı vurduqları maddə zərərə görə 80000 manat, mənəvi zərərə görə 20000 manat pulun cavabdehlərdən tutulması barədə iddia ərizəsi ilə məhkəməyə müraciət etmişdir. Məhkəmə iddia ərizəsini nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iddiaçı iddia ərizəsində cavabdehlərin adlarını qeyd etsə də, yaşadıqları ünvanı göstərməmişdir. Məhkəmə qeyd edir ki, cavabdehlərin yaşayış yerlərinin göstərilməsi onların məhkəmə iclasında iştiraklarının təmin edilməsi, habelə iddia ərizələrinin qanunla müəyyən edilmiş müddətdə təqdim edilməsi üçün vacibdir. Bundan başqa, iddiaçı cavabdehləri "xxxx" MMC-nin təsisçiləri kimi qeyd edərək iddia ərizəsində Cəmiyyətin ünvanını qeyd etsə də, cavabdehlərin "xxxx" MMC-nin təsisçilərinin olması barədə məhkəməyə sübut təqdim etməmişdir. Azərbaycan Respublikası MPM-nin 149.2.2-ci maddəsi tələb edir ki, iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehlərin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehlərin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir. Mülki Prosessual Məcəllənin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Şərh olunanlara əsaslanaraq və Azərbaycan Respublikası MPM-nin 152-ci maddəsini rəhbər tutaraq QƏRARAALDİ: İddiaçı X1 cavabdehlər Cavabdeh1 və Cavabdeh2 qarşı “maddi və mənəvi zərərin tutulması” tələbi barədə ərizəsi geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Hakim: Pərviz Zamanlı