Bakı Şəhəri Xətai Rayon Məhkəməsi Qərardad — İş №2(011)-6628/2022

Azərbaycan Respublikası adından QƏRARDAD Bakı şəhəri İş № 2(011)-6628/2022 12.10.2022 BAKI ŞƏHƏRİ XƏTAİ RAYON MƏHKƏMƏSİ Bakı şəhəri Xətai Rayon Məhkəməsinin hakimi Əliyev Şəhriyar İbrahim oğlu, İddiaçı iddia ərizəsini və ona əlavə edilmiş sənədləri nəzərdən keçirərək, müəyyən etdi: İddiaçı iddia ərizəsi ilə məhkəməyə müraciət edərək, ona vurulan maddi ziyana görə 400 manat, mənəvi ziyana görə 500 manat, cəmi 900 manat məbləğində pulun, habelə 31 manat dövlət rüsumunun cavabdeh NANNY.az şirkətindən alınıb ona verilməsi barədə qətnamə çıxarılmasını xahiş etmişdir. Məhkəmə, iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, iş materiallarından görünür ki, iddia tələbi tərəflər arasında bağlanmış müqavilə üzrə öhdəliklərin icrası ilə bağlı yaranmış mübahisə ilə əlaqədardır, iddia ərizəsində cavabdeh olaraq “Nanny.az şirkəti X2” göstərilmiş, ünvan olaraq ünvan 1lənin 5.4-cü bəndinə uyğun olaraq tərəflər, aralarında yaranan mübashisələrin bir qayda olaraq danışıqlar yolu ilə həll edilməsi, mübahisələrin həlli danışıq yolu ilə mümkün olmadıqda məhkəmə qaydasında həll edilməsi barədə razılığa gəlmişlər. Lakin iddia ərizəsinə, müqavilənin tərəflər arasında razılaşdırılmış 5.4-cü bəndinin yerinə yetirilməsini təsdiq edən mötəbər sübutlar əlavə olunmamış, cavabdehlə mübahisənin məhkəməyə qədər (pretenziya) qaydasında nizama salınmasına dair (pretenziya məktubunun cavabdehə göndərilməsi, cavabdehə çatdırılması) sənədlər, iddia ərizəsinə əlavə edilməmişdir. Həmçinin məhkəmə qeyd edir ki, qanunvericiliyə əsasən, iddia ərizəsində cavabdehlərə dair məlumatlar - yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, elektron poçt ünvanı, cavabdehin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN) – göstərilməli olduğu halda, iddia ərizəsində cavabdehlər kimi “Nanny.az şirkəti X2”, ünvan olaraq isə yalnız “ünvan 2 ünvanın hansı cavabdehə aid olduğu qeyd edilməmişdir. Bununla yanaşı məhkəmə qeyd edir ki, cavabdeh olaraq Nanny.az şirkəti X2 göstərilsə də, iddia tələbi iddiaçının cavabdehlərin hər birinə qarşı yönələn konkret tələbi hansı cavabdehin hansı tələbi yerinə yetirməli olduğu iddia ərizəsində aydın göstərilməmiş, “pul məbləğinin NANNY.az şirkətindən alınıb ona verilməsi” xahiş edilməklə, iddiaçının X1 olan tələbi qeyd edilməmişdir. Azərbaycan Respublikasının Mülki Prosessual Məcəlləsinin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 149.2.2-ci maddəsinə əsasən, iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsində göstərilməlidir. Həmin Məcəllənin 149.2.3-cü maddəsinə əsasən, iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb ərizədə göstərilməlidir. Həmin Məcəllənin 149.2.4-cü maddəsinə əsasən, müqavilə ilə və ya həmin kateqoriya işlər üçün qanunla bu nəzərdə tutulmuşsa, cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair məlumat iddia ərizəsində göstərilməlidir. Həmin Məcəllənin 152.1.1-ci maddəsinə əsasən, iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə, hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.1.6-cı maddəsinə əsasən, müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya) qaydasında nizama salınmasına riayət edilməsinə dair sənəd təqdim etmədikdə, hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Həmin Məcəllənin 268.1-ci maddəsinə əsasən, şikayət qərardad tərəfə rəsmi qaydada verildikdən sonra 10 gün müddətində verilir. Beləliklə, məhkəmə hesab edir ki, iddia ərizəsinə mübahisənin məhkəməyə qədər nizama salınması qaydasına riayət edilməsini təsdiq edən sənəd iddiaçı tərəfindən tərəfindən iddia ərizəsinə əlavə edilmədiyindən, habelə iddia ərizəsi qanunla müəyyən olunmuş forma və məzmuna riayət edilməməklə verildiyindən onun icraata qəbul olunaraq baxılması da mümkün deyildir və buna görə də ərizə və ona əlavə edilmiş sənədlər geri qaytarılmalıdır. Həmçinin iddiaçı, eyni məzmunlu iddia ərizəsi ilə əvvəllər də məhkəməyə müraciət etmiş, Bakı şəhəri Xətai Rayon Məhkəməsinin 2(011)-5721/2022 saylı xx.xx.2022-ci il tarixli qərardadı ilə iddia ərizəsi və ona əlavə edilmiş sənədlər iddia ərizəsinə mübahisənin məhkəməyə qədər nizama salınması qaydasına riayət edilməsini və qanunla müəyyən edilmiş məbləğdə dövlət rüsumunun ödənilməsini təsdiq edən sənəd iddiaçı tərəfindən tərəfindən iddia ərizəsinə əlavə edilmədiyindən, habelə iddia ərizəsi qanunla müəyyən olunmuş forma və məzmuna riayət edilməməklə verildiyindən geri qaytarılmış, lakin iddiaçı həmin qərardadda göstərilən bütün nöqsanları aradan qaldırmadan (yalnız dövlət rüsumunun ödənilməsi barədə qəbz əlavə etməklə) təkrarən iddia ərizəsi ilə məhkəməyə müraciət etmişdir. Bununla belə məhkəmə qeyd edir ki, Azərbaycan Respublikasının Mülki Prosessual Məcəlləsinin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qeyd olunanlara əsaslanaraq və Azərbaycan Respublikasının Mülki Prosessual Məcəlləsinin 152, 263, 264, 266-268-ci maddələrini rəhbər tutaraq qərara aldı: İddiaçı “ona vurulan maddi ziyana görə 400 manat, mənəvi ziyana görə 500 manat, cəmi 900 manat məbləğində pulun, habelə 31 manat dövlət rüsumunun cavabdeh NANNY.az şirkətindən alınıb ona verilməsi” barədə iddia tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan rəsmi qaydada verildikdən sonra 10 (on) gün müddətində Bakı şəhəri Xətai Rayon Məhkəməsinə şikayət verilə bilər. Hakim: Şəhriyar Əliyev