Abşeron Rayon Məhkəməsi Qərardad — İş №2(012)-3715/2023

Azərbaycan Respublikası adından QƏRARDAD Xırdalan şəhəri İş № 2(012)-3715/2023 17.11.2023 ABŞERON RAYON MƏHKƏMƏSİ Hakim Məmmədov Elman Tofiq oğlunun sədrliyi, Məmmədov Mirabbas Seyidxan oğlunun katibliyi ilə, İddiaçılar İddiaçı1 və İddiaçı2 Cavabdeh MMC-yə qarşı «iddiaçıların mənzildən istifadə hüququnun qarşısındakı maneələrinin aradan qaldırılması, mənzilin iddiaçıya təhvil verilməsi, mənzilə istifadə, mülkiyyət və sahiblik hüquqlarının həyata keçirilməsində maneələrin yaradılmasının cavabdehə və digər şəxslərə qadağan edilməsi» tələbinə dair iddiası üzrə mülki işə məhkəmənin inzibati binasında açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçılar İddiaçı1 və İddiaçı2 Cavabdeh MMC-yə qarşı «iddiaçıların mənzildən istifadə hüququnun qarşısındakı maneələrinin aradan qaldırılması, mənzilin iddiaçıya təhvil verilməsi,mənziləistifadə, mülkiyyət və sahiblik hüquqlarının həyata keçirilməsində maneələrin yaradılmasının cavabdehə və digər şəxslərə qadağan edilməsi» tələbinə dair iddia ərizəsi ilə məhkəməyə müraciət etmişdir. İddiaçılar İddiaçı1, İddiaçı2 və Cavabdeh MMC-nin nümayəndəsi dəfələrlə məhkəmə iclasının yeri və vaxtı barədə lazımi qaydada məlumatlandırılmalarına baxmayaraq,məhkəmə iclasına gəlməmişlər, gəlməmələrinin səbəbləri barədə heç bir məlumat verməmişlər,eləcə də,işə onların iştirakı olmadan baxılmasını xahiş etməmişlər. Azərbaycan Respublikası MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Həmin Məcəllənin 260.1-ci maddəsinə əsasən iddianın baxılmamış saxlanması haqqında məhkəmə qərardad çıxarır. İş materiallarından göründüyü kimi mülki iş dəfələrlə məhkəmə baxışına təyin olunmuş,lakin iddiaçılar İddiaçı1, İddiaçı2 və Cavabdeh MMC-nin nümayəndəsi məhkəmə iclasına gəlməmişlər,gəlməmələrinin səbəbləri barədə məlumat verməmişlər və işə onların iştirakı olmadan baxılmasını xahiş etməmişlər.Ona görə də,iddia ərizəsi baxılmamış saxlanılmalıdır. Yuxarıda göstərilənlərə əsasən və Azərbaycan Respublikası MPM-nin 260,263,264,267 və 268-ci maddələrinin rəhbər tutaraq,məhkəmə QƏRARA ALDİ: İddiaçılar İddiaçı1 və İddiaçı2 Cavabdeh MMC-yə qarşı «iddiaçıların mənzildən istifadə hüququnun qarşısındakı maneələrinin aradan qaldırılması, mənzilin iddiaçılara təhvil verilməsi, mənzilə istifadə, mülkiyyət və sahiblik hüquqlarının həyata keçirilməsində maneələrin yaradılmasının cavabdehə və digər şəxslərə qadağan edilməsi» tələbinə dair iddia ərizəsi baxılmamış saxlanılsın. İddianın baxılmamış saxlanması üçün səbəb olan şərait aradan qaldırıldıqdan sonra maraqlı şəxs ümumi qaydada ərizə ilə məhkəməyə yenidən müraciət edə bilər. Qərardaddan alındığı vaxtdan 10(on) gün müddətində Abşeron Rayon Məhkəməsinə şikayət verilə bilər. Hakim: Elman Məmmədov