Abşeron Rayon Məhkəməsi Qərardad — İş №2(012)-4526/2020

Azərbaycan Respublikası adından QƏRARDAD Xırdalan şəhəri İş № 2(012)-4526/2020 28.10.2020 ABŞERON RAYON MƏHKƏMƏSİ Abşeron Rayon Məhkəməsinin hakimi Məmmədov Elman Tofiq oğlu, İddiaçı Cavabdeh Şöbəsinə, maraqlı şəxslər Xəzər yanı ixtisaslandırılmış Hərrac Mərkəzi MMC-yə və Maraqlı şəxs1 qarşı “icraata başlamaq haqqında qərarın icrasının dayandırılması,ekspertiza təyin edilməsi və hərraca çıxarılan əmlaka qiymət təyin edilməsi” tələbinə dair iddia ərizəsini nəzərdən keçirib, məhkəmə müəyyən etdi: İİddiaçı iddia ərizəsi ilə məhkəməyə müraciət edərək, xx xxxxxx 2020-ci il tarixə Abşeron rayonu, Görədil kəndi, M.Müşfiq küçəsi. Ev 20 və 0.07 ha torpaq sahəsinin hərraca çıxarılmasının qeyri-müəyyən müddətə dayandırılması, əmlakın qiymətləndirilməsinə dair ekspertiza təyin olunması, hərraca çıxarılan əmlaka müvafiq qiymət təyin edilməsinə dair qətnamə çıxarılmasını xahiş etmişdir. Məhkəmə, daxil olmuş mülki işin materiallarını araşdırıb hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, hazırki iddia ərizəsi və ona əlavə edilmiş materiallarından görünür ki, iddiaçı cavabdeh qismində göstərilən Cavabdeh Şöbəsinə, maraqlı şəxslər Xəzər yanı ixtisaslandırılmış Hərrac Mərkəzi MMC-yə və Maraqlı şəxs1 qarşı iddia qaldırmaqla bir-biri ilə əlaqədar olmayan bir neçə tələb birləşdirilmişdir. Azərbaycan Respublikası Mülki Prosessual Məcəllənin 152.1.7-ci maddəsinə əsasən bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Bundan başqa məhkəmə hesab edir ki, iddia ərizəsinin məzmunu Azərbaycan Respublikası MPM-in 149.2.3-cü maddəsi ilə müəyyən edilmiş hallarla bağlı uyğunluq təşkil etmir.Belə ki, iddiaçı iddia ərizəsində öz tələbini təsdiq etmək üçün irəli sürdüyü halları və cavabdehə və maraqlı şəxslərə qarşı olan tələbinin hüquqi əsaslandırılması göstərilməmişdir. Azərbaycan Respublikası Konstitusiya Məhkəməsi Plenumunun “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin bəzi müddəalarının şərh edilməsinə dair xx xxxxxxxx 2020-ci il tarixli il tarixli qərarında Konstitusiya Məhkəməsi Plenumu göstərmişdir ki, mülki prosesdə iddianın predmeti dedikdə, iddiaçının cavabdehə qarşı irəli sürdüyü və mübahisəli hüquq münasibətindən irəli gələn maddi hüquqi tələbi başa düşülür. İddianın predmetinə qanunla qorunan maraqları, o cümlədən bütövlükdə hüquq münasibətlərini aid etmək olar. İddianın əsası dedikdə isə iddiaçının öz tələbini təsdiq etmək üçün irəli sürdüyü hallar, yəni tərəflər arasındakı maddi-hüquq münasibətlərinin yaranması, dəyişməsi və xitamının bağlı olduğu hallar başa düşülür. İddianın faktiki əsasına iddiaçının cavabdehə qarşı olan tələbini əsaslandırdığı hüquqi faktlar, iddianın hüquqi əsasına isə iddiaçının cavabdehə qarşı olan tələbinin hüquqi cəhətdən əsaslandırılması aiddir. Azərbaycan Respublikası Konstitusiya Məhkəməsi Plenumunun Azərbaycan Respublikası Konstitusiyasının 60-cı maddəsi baxımından Azərbaycan Respublikası Mülki Məcəlləsinin 1243cü maddəsinin və Azərbaycan Respublikası Mülki Prosessual Məcəlləsinin 307.2.9-cu maddəsinin əlaqəli şəkildə şərh edilməsinə dair xx xxxxxxx 2020-ci il tarixli il tarixli qərarında Konstitusiya Məhkəməsi Plenumu göstərmişdir ki, Mülki Prosessual Məcəllənin 149.2.3-cü maddəsinə uyğun olaraq, iddia ərizəsində iddiaçının tələbi, habelə tələbini əsaslandırdığı hallar göstərilməlidir. İddiaçının tələbi dedikdə, onun cavabdehi müəyyən hərəkətləri etməyə və ya müəyyən hərəkətləri etməkdən çəkinməyə məcbur etmək məqsədi ilə ona qarşı yönəltdiyi və təmin olunmasını məhkəmədən xahiş etdiyi maddi-hüquqi tələb başa düşülür. İddia tələbinin əsaslandırıldığı hallar isə iddiaçının cavabdehə qarşı yönəltdiyi tələbi əsaslandırmaq üçün istinad etdiyi hüquqi faktlar və hüquq normalarıdır. Ona görə də, məhkəmə hesab edir ki, Azərbaycan Respublikası MPM-in 152.1-ci və 152.1.7-ci maddəsinə əsasən İddiaçı Cavabdeh Şöbəsinə, maraqlı şəxslər Xəzər yanı ixtisaslandırılmış Hərrac Mərkəzi MMC-yə və Maraqlı şəxs1 qarşı “icraata başlamaq haqqında qərarın icrasının dayandırılması,ekspertiza təyin edilməsi və hərraca çıxarılan əmlaka qiymət təyin edilməsi” tələbinə dair iddia ərizəsi və ona əlavə olunmuş sənədləri geri qaytarılmalıdır. Azərbaycan Respublikası MPM-in 152.2-ci maddəsinə görə iddia ərizəsinin qaytarılması haqqında hakim qərardad çıxarır. Azərbaycan Respublikası MPM-in 152.4-cü maddəsinəəsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-in 152, 263, 264-cü maddələrini rəhbər tutaraq məhkəmə qərara aldı: İddiaçı Cavabdeh Şöbəsinə, maraqlı şəxslər Xəzər yanı ixtisaslandırılmış Hərrac Mərkəzi MMC-yə və Maraqlı şəxs1 qarşı “icraata başlamaq haqqında qərarın icrasının dayandırılması, ekspertiza təyin edilməsi və hərraca çıxarılan əmlaka qiymət təyin edilməsi” tələbinə dair iddia ərizəsi və ona əlavə olunmuş sənədləri geri qaytarılsın. İddiaçıya, iddia ərizəsinin qaytarılmasına səbəb olmuş hallar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilsin. Qərardaddan, rəsmi qaydada verildiyi (və ya alındığı) gündən 10 (on) gün müddətində Abşeron Rayon Məhkəməsinə şikayət verilə bilər. Hakim: Elman Məmmədov