Abşeron Rayon Məhkəməsi Qərardad — İş №2(012)-66/2024

Azərbaycan Respublikası adından QƏRARDAD Xırdalan şəhəri İş № 2(012)-66/2024 11.06.2024 ABŞERON RAYON MƏHKƏMƏSİ Hakim Səfiyeva Cəmilə İbrahim qızının sədrliyi, Qurbanova Səkinə Nadir qızının katibliyi ilə, İddiaçı Cavabdeh qarşı maddi və mənəvi zərərin ödənilməsi tələbinə dair iddia ərizəsi üzrə mülki işə açıq məhkəmə iclasında baxaraq MÜƏYYƏN ETDİ: İddiaçı Cavabdeh qarşı maddi və mənəvi zərərin ödənilməsi tələbinə dair iddia ərizəsi ilə məhkəməyə müraciət edərək, mülkiyyətində olan və Abşeron rayonu, Xırdalan şəhəri, 22-ci məhəllədə yerləşən fərdi yaşayış evimin həyətində olan çardağın damının dəyişdirilməsinin, evindən 1,5 metr aralıda, hündürlüyü təxminən 3-4 metr məsafədə jalüzün çəkilməsinin cavabdehə həvalə edilməsi, binanın giriş qapısına şlaqbaum bərkidilməklə bina ilə evinin arasına həm cavabdehə, həm də kənar şəxslərə avtomobil saxlanmasının qadağan edilməsi, cavabdehdən ona vurmuş olduğu maddi zərərə görə 20.000 (iyirmi min) manatın və mənəvi zərərə görə isə 10.000 (on min) manatın, eləcədə ödənilmiş 180 (yüz səksən) manat dövlət rüsumunun, ümumilikdə 30.180 (otuz min yüz səksən) manatın tutularaq xeyrinə ödənilməsi barədə qətnamə qəbul edilməsini xahiş etmişdir. İddiaçı vəkili nümayəndəsi Vəkil1 ərizə ilə məhkəməyə müraciət edərək, mülki işi baxılmamış saxlanılması barədə qərardad qəbul edilməsini xahiş etmişdir. İddiaçı, Cavabdeh məhkəmə iclasının yeri və vaxtı barədə lazımı qaydada xəbərdar olunmasına baxmayaraq məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Göstərilənlərə əsasən məhkəmə hesab edir ki, İddiaçı vəkili nümayəndəsi Vəkil1 mülki işin baxılmamış saxlanılmasını xahiş etdiyindən, iddia ərizəsi baxılmamış saxlanmalıdır. Belə ki, Azərbaycan Respublikası MPM-nın 259.0.11-cı maddəsinə əsasən, iddia ərizəsinin qaytarılması barəsində ərizə verildikdə və cavabdehlərlər işin mahiyyəti üzrə həll olunmasını tələb etmədikdə, iddia ərizəsi baxılmamış saxlanılır. Şərh olunanlara əsaslanaraq və Azərbaycan Respublikası MPM-nin 259-260, 263- 264 və 266-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı maddi və mənəvi zərərin ödənilməsi tələbinə dair iddia ərizəsi baxılmamış saxlanılsın. İddia ərizəsi və ona əlavə edilən sənədlər geri qaytarılsın. Qərardaddan 10 (on) gün müddətində Abşeron Rayon Məhkəməsinə şikayət verilə bilər. Hakim: Cəmilə Səfiyeva