Ağdaş Rayon Məhkəməsi Qərardad — İş №2(014)-1783/2020

Azərbaycan Respublikası adından QƏRARDAD Ağdaş rayonu İş № 2(014)-1783/2020 09.10.2020 AĞDAŞ RAYON MƏHKƏMƏSİ Ağdaş Rayon Məhkəməsinin hakimi F.Nəsibov, İddiaçı1 və İddiaçı2 iddia ərizəsini və ona əlavə edilmiş sənədləri araşdıraraq, MÜƏYYƏN ETDİM: İddiaçılar İddiaçı1 və İddiaçı2 cavabdehlər Cavabdeh1, Cavabdeh3, Cavabdeh2, Cavabdeh4 Nurulla oğlu və 3-cü şəxs Dövlət X1 rayon şöbəsinin texniki baxış, imtahan və sənələşmə şöbəsinə qarşı nəqliyyat vasitəsinin sənədinin etibarsız hesab edilməsi haqqında iddia ərizəsi ilə məhkəməyə müraciət edərək ** BF *** nömrəli VAZ-2106 markalı maşının texniki pasportunun etibarsız hesab olunması və ondan irəli gələn hüquqi nəticələrin ləğv olunması haqqında qətnamə çıxarılmasını xahiş etmişlər. Azərbaycan Respublikası Mülki Prosessual Məcəlləsinin 149.2.3-cü maddəsinə əsasən iddia bir neçə cavabdehə verildikdə iddia ərizəsində onların hər birinə qarşı yönələn tələb göstərilməlidir. Lakin İddiaçı1 və İddiaçı2 Azərbaycan Respublikası Mülki Prosessual Məcəlləsinin 149-150-ci maddələrinin tələbinə əməl etməmiş, Cavabdeh1, Cavabdeh3, Cavabdeh2, Cavabdeh4 Nurulla oğlunun cavabdeh kimi göstərsələr də, onların heç birinə qarşı tələb irəli sürməmişlər. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə əməl edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmunua əməl edilmədikdə, hakim iddia ərizəsinin və ona əlavə edilmiş sənədlərin geri qaytarılması haqqında qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Buna görə də hesab edirəm ki, iddia ərizəsi və ona əlavə edilmiş sənədlər geri qaytarılmalı və iddiaçılara izah edilməlidir ki, qeyd olunan nöqsanları aradan qaldırdıqdan sonra ümumi qayda iddia ərizəsi ilə müvafiq inzibati məhkəməyə müraciət edə bilərlər, çünki dövlət orqanının verdiyi sənədinin etibarsızlığının tələb edilməsi ümumi məhkəməyə deyil, inzibati məhkəməyə aiddir. Qeyd olunanlara əsaslanaraq və Azərbaycan Respublikası Mülki Prosessual Məcəlləsinin 263-264-cü maddələrini rəhbər tutaraq, QƏRARA ALDİM: İddiaçı1 və İddiaçı2 iddia ərizəsi və ona əlavə edilmiş sənədlər geri qaytarılsın. Qərardad tərəfə qəsmi qaydada verildikdən sonra 10 gün müddətində Ağdaş Rayon Məhkəməsinə şikayət verilə bilər.(Qərardad ondan şikayət vermək hüququna malik olan şəxslərin yanında elan edilmişdirsə, şikayət vermə müddəti qərardadın elan olunduğu vaxtdan hesablanır). Məhkəmənin hakimi: Famil Nəsibov.