Azərbaycan Respublikası adından QƏRARDAD Ağdaş rayonu İş № 2(014)-992/2020 18.06.2020 AĞDAŞ RAYON MƏHKƏMƏSİ Ağdaş rаyоn Məhkəməsinin hаkimi Əliyev Nizam Mubariz oğlu, iddiаçılar İddiaçı1, İddiaçı2, İddiaçı3, İddiaçı4 və İddiaçı5 cavabdehlər Cavabdeh1 və X1 qarşı “Paylı mülkiyyətdə olan həyətyanı torpaq sahəsinin və fərdi yaşayış evinin paylara uyğun naturada ayrılması tələbinə dair” iddiа ərizəsini və оnа əlаvə еdilmiş sənədləri nəzərdən kеçirərək, МÜƏYYƏN ETDİM: İddiаçılar İddiaçı1, İddiaçı2, İddiaçı3, İddiaçı4 və İddiaçı5 cavabdehlər Cavabdeh1 və X1 qarşı “Paylı mülkiyyətdə olan həyətyanı torpaq sahəsinin və fərdi yaşayış evinin paylara uyğun naturada ayrılması tələbinə dair”iddia ərizəsi ilə məhkəməyə müraciət etmişdir. Ərizədən və ona əlavə edilmiş sənədlərdən görünür ki, ərizə Azərbaycan Respublikası MPM-nin 149-150-ci maddələrinin tələblərində uyğun, forma və məzmuna riayət edilmədən tərtib edilmişdir. Belə ki, iddiаçılar İddiaçı1, İddiaçı2, İddiaçı3, İddiaçı4 və İddiaçı5 cavabdehlər Cavabdeh1 və X1 qarşı “Paylı mülkiyyətdə olan həyətyanı torpaq sahəsinin və fərdi yaşayış evinin paylara uyğun naturada ayrılması tələbinə dair” iddia ərizəsi ilə məhkəməyə müraciət etsələr də, yaşayış yeri barədə sənədləri ərizəyə əlavə etməmişlər. Azərbaycan Respublikası MPM-nin 149.2.2-ci maddəsində göstərilir ki, iddia ərizəsi verilərkən işdə iştirak edən şəxslərin adları və onların poçt ünvanları göstərilməlidir. İddia ərizəsindən də görünür ki, iddiaçılar cavavbdehin və özlərinin ünvanı qeyd etsə də, həmin ünvanda qeydiyyatda olub olmaması barədə arayışı iddia ərizəsinə əlavə etməmişdir. Belə olan halda məhkəmə tərəfindən məhkəmə bildirişinin lazımi ünvana göndərilməsi və çəkişmə prinsipinin təmin edilməsi mümkün olmur. Azərbaycan Respublikası MPM-nin 152.1, 152.1.1-ci maddələrinin tələblərinə görə, iddia ərizəsi Azərbaycan Respublikası MPM-nin 149-ci maddələrinin tələblərinə uyğun tərtib edilmədikdə, hakim ərizəni və ona əlavə edilmiş sənədləri geri qaytarır. İddiаçıya izah edilməlidir ki, göstərilən nöqsanları aradan qaldırıldıqdan sonra təkrarən məhkəməyə müraciət edə bilər. Şərh olunanlara əsasən və Azərbaycan Respublikası MPM-nin 152.1, 152.1.1,
152. 152.3, 152.4, 268-269-cu maddələrinin rəhbər tutaraq , məhkəmə QƏRARA ALDİM: İddiаçılar İddiaçı1, İddiaçı2, İddiaçı3, İddiaçı4 və İddiaçı5 cavabdehlər Cavabdeh1 və X1 qarşı “Paylı mülkiyyətdə olan həyətyanı torpaq sahəsinin və fərdi yaşayış evinin paylara uyğun naturada ayrılması tələbinə dair” iddia ərizəsi və ona əlavə edilmiş sənədlər geri qaytarılsın. İddiаçılara izah edilsin ki, göstərilən nöqsanları aradan qaldırıldıqdan sonra təkrarən məhkəməyə müraciət edə bilər. Qərardaddan 10 gün müddətində Ağdaş rayon məhkəməsinə şikayət verilə bilər.
HАKİM: NİZAM ƏLİYEV