Astara Rayon Məhkəməsi Qətnamə — İş №2(018)-1426/2023

Azərbaycan Respublikası adından QƏTNAMƏ Astara rayonu İş № 2(018)-1426/2023 20.11.2023 ASTARA RAYON MƏHKƏMƏSİ Hakim Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi, İddiaçı iştirakı ilə, İddiaçı Cavabdeh qarşı “verilmiş borc pulun geri tələbinə dair” iddiası üzrə mülki işə Astara Rayon Məhkəməsinin inzibati binasında açıq məhkəmə iclasında baxaraq M Ü Ə Y Y Ə N E T D İ: İddiaçı Cavabdeh qarşı “verilmiş borc pulun geri tələbinə dair” məhkəməyə iddia ərizəsi ilə müraciət edərək Cavabdeh verilmiş borca görə 6500 (altı min beş yüz) manat və ödənilmiş dövlət rüsumuna görə isə 86 (səksən altı) manat pulun alınaraq onun xeyrinə verilməsi barədə qətnamə qəbul edilməsini Məhkəmədən xahiş etmişdir. Məhkəmə baxış iclasında iştirak edən İddiaçı iddianı müdafiə edib izahat verərək bildirdi ki, Cavabdeh ilə, özünün müalicə aldığı Bakı şəhəri “Atlas” kilinkjasında tanış olmuş, səmimi münasibətləri yaranmışdır. Buna görə də Cavabdeh bir neçə dəfə ondan borc pul alıb, qaytarmışdır. Cavabdeh ailə vəziyyətinə görə 30 may 2023-cü il tarixdə ondan borc pul istəmişdir. O, da Cavabdeh 6500 (altı min beş yüz) manat borc pul vermiş və bu barədə onlar 3 saylı Bakı şəhəri ASAN xitməti mərkəzindəki Notariat ofisində kredit müqaviləsi də bağlamışlar. Həmin müqaviləyə əsasən Cavabdeh 6500 (altı min beş yüz) manat borcunu 05 iyun 2023-cü il tarixə kimi qaytarmalı idi. Ancaq Cavabdeh 6500 (altı min beş yüz) manat borcunu hal-hazıradək ona qaytarmamışdır. Ona görə də, o, iddianın təmin edilməsi barədə qətnamə çıxarılmasını Məhkəmədən xahiş etdi. Məhkəmə baxış iclasının vaxtı və yeri vaxtı barədə Cavabdeh qabaqcadan məlumat verilməsinə baxmayaraq o, məhkəmə iclasına gəlməmiş və gəlməməsinin səbəbləri barədə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən mülki işə Cavabdehnun iştirakı olmadan baxmağı mümkün hesab edir. Məhkəmə İddiaçı izahatını dinləyib iddia ərizəsini və iş materiallarını nəzərdən keçirərək hesab edir ki, iddia təmin edilməlidir. Mülki işə əlavə edilmiş şəxsiyyət vəsiqəsinin surətindən və arayışdan görünür ki, İddiaçı xx xxxx 1990-cı il tarixdə anadan olmuş və Bakı şəhəri Qaracuxur qəsəbəsi C.Qurbanov küçəsi 2 saylı binanın, 2 saylı mənzilində yaşayır. yaşayır. Mülki işə əlavə edilmiş 3 saylı Bakı şəhəri ASAN xitməti mərkəzindəki Notariat ofisində bağlanmış 30 may 2023-cü il tarixli kredit müqaviləsindən məlum olur ki, İddiaçı Cavabdeh 05 iyun 2023-cü il tarixə kimi qaytarmaq şərti ilə 6500 (altı min beş yüz) manat borc pul vermişdir. Mülki işə əlavə edilmiş ödəniş qəbzlərindən görünür ki, iddiaçı Məhkəməyə müraciət etmək üçün 86 (səksən altı) manat məbləğində olan dövlət rüsumunu dövlət büdcəsinə ödəmişdir. Beləliklə, məhkəmə iclasında müəyyən olundu ki, Cavabdeh İddiaçından 30 may 2023-cü il tarixdə 05 iyun 2023-cü il tarixə kimi qaytarmaq şərti ilə 6500 (altı min beş yüz) manat məbləğində borc pul götürmüş, lakin üzərinə düşən öhdəliyi yerinə yetirməmişdir. Ona görə də, cavabdehin iddiaçı qarşısında yerinə yetirilməmiş öhdəliyi vardır. Bunu iş materiallarında olan qəbzlər də təsdiq edir. Ona görə də məhkəmə hesab edir ki, iddia əsaslıdır və təmin edilməlidir. Azərbaycan Respublikası Mülki Məcəlləsinin (MM-in) 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə müvafiq olaraq öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.2-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi və ya icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirməsi sayılır. Həmin Məcəllənin 739.1-ci maddəsində qeyd olunub ki, borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə görə isə borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Həmin Məcəllənin 740-cı maddəsinə görə isə borc müqaviləsi şifahi bağlanır, tərəflərin razılaşması ilə yazılı formadan da istifadə edilə bilər. Sadalanan qanunvericilik aktı normalarını və işin faktiki hallarını nəzərə alan məhkəmə hesab edir ki, iddia tələbi əsaslıdır və ona görə də, təmin olunmalıdır. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə görə isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 110 (bir yüz on) manat, 40 (qırx) qəpik məbləğində olan dövlət rüsumu cavabdehdən alınıb, iddiaçıya verilməlidir. Yuxarıda göstərilənlərə əsasən və Azərbaycan Respublikası MPM-in 216-220 və 222-ci maddələrinin göstərişini rəhbər tutaraq Məhkəmə Q Ə T E T D İ: İddiaçı Cavabdeh qarşı “verilmiş borc pulun geri tələbinə dair” iddiası təmin olunsun. Cavabdeh verilmiş borca görə 6500 (altı min beş yüz) manat və ödənilmiş dövlət rüsumuna görə 86 (səksən altı) manat məbləğində pul alınıb İddiaçına verilsin. Qətnamə tərəflərə rəsmi qaydada verildikdən sonra 01 (bir) ay müddətində Astara Rayon Məhkəməsi vasitəsilə Azərbaycan Respublikası Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən verilməmişdirsə, rəsmi qaydada verildiyi gündən 01 (bir) ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov.