Beyləqan Rayon Məhkəməsi Qərardad — İş №2(020)-1072/2023

Azərbaycan Respublikası adından QƏRARDAD Beyləqan rayon İş № 2(020)-1072/2023 05.05.2023 BEYLƏQAN RAYON MƏHKƏMƏSİ Beyləqan rayon məhkəməsinin hakimi Seyfullayev Seyfəli İzzət oğlunun sədrliyi, İclas katibi Abbasov Zaur Alı oğlunun katibliyi ilə, İddiaçı1 və qeyrilərinin Cavabdeh1 və qeyrisinə qarşı naturada torpaq sahəsinin ayrılması tələbinə dair ərizəsini nəzərdən keçirib, MÜƏYYƏNETDİM: İddiaçı1 və qeyriləri məhkəməyə ərizə ilə müraciət edərək və qeyrilərinin Cavabdeh1 və qeyrisinə qarşı naturada torpaq sahəsinin ayrılması tələbinə barədə qətnamə çıxarılmasını xahiş etmişdir. İddiaçı iddia ərizəsinə Azərbaycan Respublikası MPM-nin 150.0.5-ci maddəsinin tələbinə əsasən öz tələblərini əsaslandırdığı hallara dair sənədləri iddia ərizəsinə əlavə etməlidir. Lakin hazırki iddia ərizəsinə iddiaçı öz tələblərini əsaslandırdığı hallara dair sənədləri, yəni çıxarışın surətinin notarial qaydada təsdiq edilmiş surətini iddia ərizəsinə əlavə etməmişdir. İddiaçının iddia ərizəsinə əlavə etdiyi çıxarış notarial qaydada təsdiq edilməmişdir. Azərbaycan Respublikası MPM-nin 150.0.5-ci maddəsinin tələbinə görə iddiaçı öz tələblərini əsaslandırdığı hallara dair sənədləri iddia ərizəsinə əlavə etməlidir. Azərbaycan Respublikası MPM-nin 152.1.5-ci maddəsinin tələbinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Belə olan halda Azərbaycan Respublikası MPM-nin 152-ci maddəsinin tələblərinə əsasən iddia ərizəsi ona əlavə edilmiş sənədlərlə birlikdə iddiaçıya qaytarılmalıdır. Azərbaycan Respublikası MPM-nin 152.4-cü maddəsinin tələbinə görə iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən və Azərbaycan Respublikası MPM-nin 152-ci maddəsini rəhbər tutaraq, Q Ə R A R A A L D İ M: İddiaçı1 və qeyrilərinin Cavabdeh1 və qeyrisinə qarşı naturada torpaq sahəsinin ayrılması tələbinə dair ərizəsi ona əlavə olunmuş sənədlərlə birlikdə iddiaçıya qaytarılsın. İddiaçıya izah edilsin ki, qərardadda qeyd olunan nöqsanlar aradan qaldırıldıqdan sonra ümumi qaydada təkrar məhkəməyə müraciət edə bilər. Qərardaddan 10 gün müddətində Beyləqan rayon məhkəməsinə şikayət verilə bilər. Hakim : Seyfəli Seyfullayev.