Bərdə Rayon Məhkəməsi Qərardad — İş №2(021)-51/2022

Azərbaycan Respublikası adından QƏRARDAD Bərdə rayonu İş № 2(021)-51/2022 11.10.2022 BƏRDƏ RAYON MƏHKƏMƏSİ Hakim Əbilov Qamət Mehman oğlunun sədrliyi, Abbasov Yasin Rafiq oğlunun katibliyi, Cavabdeh Nürəddin oğlunun iştirakı ilə , İddiaçı MKT İstehsalat Kommersiyası MMC-nin Cavabdeh Nürəddin oğluna qarşı « borc » tələbinə dair mülki işə açıq məhkəmə iclasında baxaraq Müəyyənetdi: İddiaçı MKT İstehsalat Kommersiyası MMC iddia ərizəsi ilə məhkəməyə müraciət edərək, Cavabdeh Nürəddin oğlundan 911.29 manat, 222.8 manat cərimə, ödənilmiş 30 manat olmaqla, cəmi 1164.1 manat borcun və 30 manat ödənilmiş dövlət rüsumunun tutulması barədə qətnamə qəbul olunmasını xahiş etmişdir. İddiaçı MKT İstehsalat Kommersiyası MMC məhkəməyə ərizə ilə müraciət edərək, ərizənin baxılmamış saxlanılmasını və sənədlərin geri qaytarılmasını xahiş etmişdir. Cavabdeh Nürəddin oğlu məhkəmə iclasında işin mahiyyəti üzrə həll olunmasını tələb etmədiyini bildirdi. Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə ərizə baxılmamış saxlanılır. MPM-nin 260.3-cü maddəsinə əsasən qərardadda işdə iştirak edən şəxslərin arasında məhkəmə xərclərinin bölünməsi, büdcədən dövlət rüsumunun qaytarılması məsələləri həll edilə bilər. MPM-nin 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa, dövlət rüsumu iddiaçıya qaytarılmalıdır. Ərizəni nəzərə alan məhkəmə hesab edir ki,iddiaçı MKT İstehsalat Kommersiyası MMC-nin Cavabdeh Nürəddin oğluna qarşı « borc » tələbinə dair iddia ərizəsi baxılmamış saxlanılmalı və ərizəyə əlavə olunmuş sənədlər iddiaçıya qaytarılmalıdır. Şərh olunanlara əsasən və Azərbaycan Respublikası MPM-nin 114, 259, 260, 263- 264, 267-ci maddələrini rəhbər tutaraq, məhkəmə Qərara aldı: İddiaçı MKT İstehsalat Kommersiyası MMC-nin Cavabdeh Nürəddin oğluna qarşı « borc » tələbinə dair iddia ərizəsi baxılmamış saxlanılsın və iddia ərizəsinə əlavə olunmuş sənədlər iddiaçıya qaytarılsın. İddiaçı MKT İstehsalat Kommersiyası MMC tərəfindən ödənilmiş 30 (otuz ) manat dövlət rüsumu iddiaçıya geri qaytarılsın. Qərardad tərəflərə rəsmi qaydada verildikdən sonra ondan 10 (on) gün müddətində Bərdə Rayon Məhkəməsinə şikayət verilə bilər. Hakim: Qamət Əbilov