Biləsuvar Rayon Məhkəməsi Qətnamə — İş №2(022)-760/2023

Azərbaycan Respublikası adından QƏTNAMƏ Biləsuvar rayonu İş № 2(022)-760/2023 18.07.2023 BİLƏSUVAR RAYON MƏHKƏMƏSİ Biləsuvar Rayon Məhkəməsinin hakimi Mirzəyev Nüsrət Fətulla oğlunun sədrliyi, Məsləhətçi (iclası katibi) Abdullazadə Həsən Abdulla oğlunun katibliyi, İddiaçı iştirakı ilə İddiaçı cavabdeh Azəriqaz” İstehsalat Birliyinin “Təbii qazdan istifadə qaydalarının pozulması haqqında” 17 aprel 2023-cü il tarixli ******* nömrəli aktının ləğv edilsi və yazılmış cərimənin ləğv edilməsi tələbinə dair mülki işə məhkəmənin binasında açıq məhkəmə iclasında baxaraq MÜƏYYƏNETDİ: İddiaçı cavabdeh “Azəriqaz” İstehsalat Birliyinə qarşı iddia ərizəsi ilə Biləsuvar rayon məhkəməsinə müraciət edərək, cavabdeh "Azariqaz” İB tərəfindən tərtib edilmiş ******* nömrəli 17 aprel 2023-cü il tarixli təbii qazdan istifadə qaydalarının pozulması haqqda aktın ləğv edilməsi və hesablanmış 1555,20 (min beş yüz əlli beş manat iyirmi qəpik) manat məbləğində cərimənin silinməsi barədə qətnamə qəbul edilməsini xahiş etmişdir. İddiaçı məhkəmə iclasında iddia tələbinin dəqiqləşməsi bardə ərizəsi verərək göstərilmişdir ki, o, "Azəriqaz" İB-in Biləsuvar Qaz istismar Sahəsinin abonentidir. Bir istehlakçı kimi istifadə etdiyi qazın dəyərini hər ay normal ödəmişdir. 12 may 2022-ci il tarixində qaz təsərrüfatı işçiləri ona məxsus evin qaz sərfiyyatının ölçülməsi üçün quraşdırıİmiş G-4 markalı **********6 nömrəli qaz sayğacını yenisi ilə əvəzlənməsi üçün çıxararaq akt tərtib etmişlər. Çıxarılmış sayğacın yerinə SMART tipli yeni sayğac quraşdırılmışdır Sayğacın çıxarılması və yenisi ilə əvəzlənməsi zamanı qaz sayğacına çıxarılması, quraşdırılması və istismara qəbulu haqqında 12 may 2022-ci il tarixli ******* saylı akt tərtib edilmişdir. Daha sonra xx.xx.2022-ci il tarixli 12 may 2022-ci il tarixdə quraşdırılmış SMART tipli ZENNER G4T markalı sayğac nömrəsi **********557 olan sayğacı yenisi ilə əvəzləmişlər. Həmin sayğac da ZENNER G4T SMART tipli sayğac nömrəsi **********033 olmaqla hazırda istifadə olunur. 2023-cü ilin may ayında qaz idarəsinin nəzarətçisi ona 1555,2 manat cərimə borcunun olmasını bildirmişdir. O, cərimənin hansı sənədlər əsasında yazıldığını və həmin sənədlərin ona təqdim edilməsini xahiş etmiş və ona bu haqda sənədlərin surətlərini vermişlər. Həmin verilmiş sənədlərdə olan 28 aprel 2023-cü -ci il tarixli dəymiş ziyanın bərpasına dair tələbnaməsində "ARDNŞ "Azəriqaz" X1 Departementinin, Sayğacların müayinəsi labaratoriyasınm, qaz sayğacının yoxlanılması barədə xx.xx.2023-cü ii tarixli 14-2-2/3-5-3086-1 saylı aktına əsasən G-4 markalı **********6 nömrəli sayğaca baxış keçirildiyi, sayğacın çıxış platmas borusunun deşildiyi, xətaların normadan artıq olduğu,hesablama mexanizminin minimal sərfiyyatda keçən qazın həcmini qeyd etmədiyi göstərilmişdir.Tələbnamədən göründüyü kimi 12 may 2022-ci il tarixdə əvəzləmə ilə əlaqədar çıxarılmış mexaniki tipli G-4 markalı nömrəsi 2111017.7836 olan sayğacın yoxlanması zamanı sayğacın çıxış plastmas borusunda deşik aşkar edilmişdir. Belə kli, həmin sayğac yenisi ilə əvəzlənəndə o, şəxsən abonenet kimi orada iştirak etmiş, sayğac xəttdən açılmış və qaz işçiləri həmin sayğaca baxaraq onda hər hansı bir çatışmamazlıq aşkar edilməmişdir Ona görə də "Azəriqaz" İB tərəfindən ona hesablanmış 1555,2 manat məbləğində cəriməni əsassız və qanunsuz hesab edir. Cavabdeh “Azəriqaz” İstehsalat Birliyi məhkəmə iclasının vaxtı və yeri haqqında lazımi qaydada xəbərdar edilməsinə baxmayaraq, məhkəməyə gəlməməyin səbəblərini və ya mümkünsüzlüyünu bildirmədən və bu səbəblərin üzrlü olması barədə sübutlar təqdim etmədən nümayəndəsi məhkəmə iclasına gəlməmişlər. Azərbaycan Respublikası Mülki-Prosessual Məcəlləsinin (MPM) 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəməyə gəlməməyin səbəblərini üzrsüz hesab etdikdə işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək, cavabdehə apellyasiya qaydasında şikayət etmək hüququ verilir. Məhkəmə iddia ərizəsini və işin faktiki hallarını araşdıraraq, iddiaçını dinləyərək, işdə olan sənədləri tədqiq edərək və sübutları qiymətləndirərək hesab edir ki, iddia təmin edilməlidir. İş materiallarında olan AZE seriyalı № ******** saylı şəxsiyyət vəsiqəsinin surətindən görünür ki, Qurbanov X4 rayonu Ağayrı kəndində qeydiyyatdadır. İş materiallarında olan Biləsuvar RİHB-nin Ağayrı kənd inzibati ərazi dairəsi üzrə nümayəndəliyinin xx.xx.2023-cü il tarixli 5-39-11/2-218/2023 saylı arayışında göstərilir ki, Qurbanov X4 rayonu Ağayrı kəndində yaşayır. İş materiallarında olan “Azəriqaz” X3 X5 İdarəsinin “Təbii qazdan istifadə qaydalarının pozulması haqqında” 17 aprel 2023-cü il tarixli, ******* nömrəli aktına əsasən İddiaçı məxsus sayğaca baxış zamanı sayğacın çıxış platmas borusunun deşilməsi, xətaların normadan artıq olması, hesablama mexanizminin minimal sərfiyyatda keçən qazın həcmini qeyd etməməsinin müəyyən edildiyi göstərilmişdir. İş materiallarında olan “Azəriqaz” X3 X5 İdarəsi tərəfindən tərtib edilmiş dəymiş ziyanın bərpasına dair 28 aprel 2023-cü il tarixli akta əsasən qaz sayğacına nominal qaz sərfinin 6 m3/saat, orta günlük iş rejiminin 24 saat, hesabat müddətinin 90 gün qəbul edilməklə hesabat aparıldığı və hesablanmış məbləğin (6 x 24 x 90=12960 m3) 12960 m3 ödənilməli olduğu göstərilmişdir. İş materiallarında olan qaz sayğacının çıxarılması, quraşdırılması və istismara qəbulu haqqında xx.xx.2023-cü il tarixli ******* saylı aktın surətindən görünür ki, İddiaçı məxsus Zinner tipli G-4 markalı **********6 nömrəli qaz sayğacı saz vəziyyətdə qəbul edilmiş və Zinner tipli G-4 markalı **********557 nömrəli sayğacın abonentə təhvil verilməsi barədə aktda sayğacı yararlı vəziyyətdə qəbul etməsinə dair qeyd aparmışdır. Mülki işin məhkəmə iclasında tədqiq olunmaqla müəyyən edilmiş hallarından görünür ki, xx.xx.2023-cü il tarixdə qaz təsərrüfatı işçiləri iddiaçıya məxsus evin qaz sərfiyyatının ölçülməsi üçün quraşdırılmış Zinner tipli G4 markalı qaz sayğacının dövrü dövlət yoxlamasına göndərilməsi üçün çıxararaq müvafiq akt tərtib etmiş və çıxarılmış sayğacın yerinə başqa sayğac quraşdırılmışdır. İddiaçı “Zinner” tipli G-4 markalı **********6 nömrəli qaz sayğacı saz vəziyyətdə qəbul edilmiş və bu barədə aktda sayğacı yararlı vəziyyətdə qəbul edilməsinə dair qeyd aparmışdır. İş materiallarında olan “Azəriqaz” X3 X5 İdarəsi tərəfindən tərtib edilmiş 28 aprel 2023-cü il tarixli dəymiş ziyanın bərpasına dair tələbnamənin surətindən görünür ki, Zinner G4 markalı **********6 saylı qaz sayğacı dövlət yoxlamasına aparılmış, “Azəriqaz” X2 müayinəsi laboratoriyasında baxış keçirilərək yoxlanılmış və bu zaman sayğaca baxış zamanı sayğacın çıxış platmas borusunun deşilməsi, xətaların normadan artıq olması, hesablama mexanizminin minimal sərfiyyatda keçən qazın həcmini qeyd etməməsinin müəyyən edilmişdir. Həmçinin tələbnaməyə əsasən qaz işlədicilərinin qaz sayğacına normal qaz sərfi 6 m3/saat orta günlük iş rejimi 24 saat və hesabat müddəti 90 gün qəbul edilməklə itirilmiş qazın bərpası üçün hesabat apaılmış və hesablanmış məbləğin (6 x 24 x 90=12960 m3) ödənilməsinin təmin edilməsi göstərilmişdir. Lakin hazırda qaz sayğacının zədələnməsi baxımından istehlakçının təqsiri müəyyən olunmur. Buna görə də “Azəriqaz” İstehsalat Birliyi tərəfindən tərtib edilmiş “Təbii qazdan istifadə qaydalarının pozulması haqqında” 17 aprel 2023-cü il tarixli № ******* nömrəli akt qanunsuz olmuşdur ki, həmin akt əsasında hesablanmış cərimə məbləği iddiaçının xeyrinə cavabdehdən tutula bilməz. Azərbaycan Respublikası Nazirlər Kabinetinin 12 may 2011-ci il tarixli 80 nömrəli qərarı ilə təsdiq edilmiş “Qazdan istifadə qaydalarının təsdiq edilməsi haqqında” qərara əsasən fiziki şəxs olan istehlakçıların qaz sayğaclarının işlək vəziyyətdə saxlanılmasına görə cavabdehliyi qaz paylayıcısı daşıyır. İstehlakçının təqsiri olmadan zədələnmiş qaz sayğacının təmir olunması, texniki baxışdan keçirilməsi, dəyişdirilməsi (yenisi ilə əvəz edilməsi) və quraşdırılması həmin Qaydaların 4.2-ci bəndinə uyğun olaraq (yəni qaz paylayıcısının vəsaiti hesabına təchiz edilir, quraşdırılır və dəyişdirilir) qaz paylayıcısı tərəfindən həyata keçirilir. Qaz paylayıcısı tərəfindən qaz sayğacının dəyişdirilməsi, təmir olunması və ya texniki baxışdan keçirilməsi istehlakçıdan tələb edildikdə, bu halda qaz paylayıcısı tərəfindən həmin tələbin hüquqi əsası göstərilməlidir. İşin hallarına və qeyd edilən qanunvericilik normalarına əsasən məhkəmə hesab edir ki, iddia təmin edilməli, “Azəriqaz” İstehsalat Birliyinin “Təbii qazdan istifadə qaydalarının pozulması haqqında” 17 aprel 2023-cü il tarixli ******* saylı aktı ləğv edilməli və 1555 (min beş yüz əlli beş) manat 20 (iyirmi) qəpik İddiaçı abonent hesabınmdan silinməlidir. “Dövlət rüsumu haqqında” Azərbaycan Respublikası Qanununun 9.1.5-ci maddəsinə əsasən istehlakçıların hüquqlarının pozulması ilə əlaqədar verdikləri iddialar üzrə iddiaçılar dövlət rüsumunun ödənilməsindən azaddırlar. Yuxarıda göstərilənlərə əsasən və MPM-in 216-220, 227, 358-360 və 362-ci maddələrini rəhbər tutaraq məhkəmə Q Ə T E T D İ: İddia təmin edilsin. İddiaçı barəsində tərtib edilmiş “Azəriqaz” İstehsalat Birliyinin “Təbii qazdan istifadə qaydalarının pozulması haqqında” 17 aprel 2023-cü il tarixli ******* nömrəli aktı ləğv edilsin və 1555 (min beş yüz əlli beş) manat 20 (iyirmi) qəpik İddiaçı abonent hesabınmdan silinsin. Məhkəmə qətnaməsi rəsmi qaydada verildiyi gündən 1 ay müddətində Biləsuvar Rayon Məhkəməsi vasitəsilə Şirvan Apellyasiya Məhkəməsinin Mülki kollegiyasına apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. X6