Qəbələ Rayon Məhkəməsi Qərardad — İş №2(025)-1348/2025

Azərbaycan Respublikası adından QƏRARDAD Qəbələ şəhəri İş № 2(025)-1348/2025 28.08.2025 QƏBƏLƏ RAYON MƏHKƏMƏSİ Qəbələ Rayon Məhkəməsinin hakimi X1 İddiaçı cavabdehlər, Məmməd İsmayılov və Cavabdeh2 oğuna qarşı “maddi və mənəvi zərərin ödənilməsi” tələbi barədə ərizəsinə və ona əlavə edilmiş sənədlərə baxaraq, MÜƏYYƏNETDİ: İddiaçı cavabdehlər, Məmməd İsmayılov və Cavabdeh2 oğuna qarşı “maddi və mənəvi zərərin ödənilməsi” tələbi barədə iddia qaldırıb 2012-ci ildə Qəbələ şəhəri, M.P.Vaqif küçəsində yerləşən 0,02 ha torpaq sahəsində tikərək iki nəfər əlil uşaqla birlikdə yaşadığı 60.000,0 manat dəyərində fərdi yaşayış evinin AR İN ƏM DX DƏDRK PHŞ-nin rəisi Məmməd İsmayılov və Qəbələ rayonu Mıxlıqovaq kənd sakini Cavabdeh2 tərəfindən söküldüyünü göstərib dəymiş maddi və mənəvi ziyanın ödənilməsi haqqında qətnamə qəbul edilməsini xahiş etmişdir. Aşağıda göstərilən əsaslara görə iddia ərizəsi məhkəmənin icraatına qəbul edilə bilməz.. AR MPM-nin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 149.2.3-cü maddəsinə əsasən iddia ərizəsində iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 150.1.2-ci maddəsinə əsasən iddia ərizəsinə dövlət rüsumunun ödənilməsi haqqında sənəd əlavə edilir. Həmin Məcəllənin 152.1.1-ci maddəsinə əsasən iddia ərizəsi bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə geri qaytarılır. Həmin Məcəllənin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi geri qaytarılır. Məhkəmə hesab edir ki, iddia ərizəsində cavabdeh Məmməd İsmayılovun ata adı, o cümlədən cavabdeh şəxslərin yaşayış yeri üzrə poçt ünvanı, iddianın predmeti və qiyməti, iddia tələbinin əsası kimi istinad edilən fakt və halları təsdiq edən sübutların siyahısı, o cümlədən cavabdehlərin hər birinə qarşı yönələn tələb göstərilməyərək iddia ərizəsin qanunvericilikdə nəzərdə tutulan forma və məzmuna riayət edilmədiyindən və dövlət rüsumunun ödənilməsi haqqında qəbz əlavə edilmədiyindən iddia ərizəsi geri qaytarılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəllənin 263, 264, 267 və 268-ci maddələrini rəhbər tutaraq, QƏRARAALDİ: İddiaçı cavabdehlər, Məmməd İsmayılov və Cavabdeh2 oğuna qarşı “maddi və mənəvi zərərin ödənilməsi” tələbi barədə ərizəsi və ona əlavə olunmuş sənədlər geri qaytarılsın. Qərardaddan 10 (on) gün müddətində Qəbələ Rayon Məhkəməsinə şikayət verilə bilər. Hakim: Ülvi Qənbərov.