Quba Rayon Məhkəməsi Qərardad — İş №2(027)-1088/2023

Azərbaycan Respublikası adından QƏRARDAD Quba şəhəri İş № 2(027)-1088/2023 16.06.2023 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, Xudaverdiyev Elşad Mütəllim oğlunun katibliyi, İddiaçı nümayəndəsi Nümayəndə iştirakı ilə, İddiaçı X2 qarşı “yaşayış hüququnun itirilməsi və qeydiyyatdan çıxarılma” tələbinə dair iddiası üzrə mülki işə Quba Rayon Məhkəməsi binasında, açıq məhkəmə iclasında baxaraq, məhkəmə müəyyənetdi: İddiaçı X2 qarşı “yaşayış evindən istifadə hüququna xitam verilməsi” tələbinə dair iddia ərizəsi ilə məhkəməyə müraciət edərək, cavabdeh X1 onun tam mülkiyyətində olan (Qeydiyyat nömrəsi ********** çıxarış) ünvan 1 ünvanında yerləşən, ümumi sahəsi 52.9kv/m, yaşayış sahəsi 30.1 kv/m. yardımçı sahəsi 22.2kv/m olan 2 otaqlı fərdi yaşayış evində (torpaq sahəsi 0.0522 ha) olan (qeydiyyatdan çıxarılma) qeydiyyatdan istifadə hüququn itirilməsi barədə qətnamə çıxarılmasını xahiş etmişdir. Məhkəmə iclasında İddiaçı nümayəndəsi Nümayəndə iddia tələbini müdafiə edərək, təmin edilməsini xahiş etmişdir. Məhkəmə iş materiallarını nəzərdən keçirərək hesab edir ki, iş üzrə icraata xitam verilməli və iddiaçıya aidiyyəti üzrə inzibati məhkəməyə ərizə vermək hüququ izah olunmalıdır. Belə ki, Azərbaycan Respublikası Mülki Prosessual Məcəlləsinin 261.0.1-ci maddəsinə əsasən iş məhkəmədə baxılmalı deyildirsə hakim iş üzrə icraata xitam verir. İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair Azərbaycan Respublikası Ali Məhkəməsi Plenumunun 10 aprel 2015-ci il tarixli Qərarının 15.4-cü bəndinə əsasən inzibati və ya cinayət məhkəmə icraatı qaydasında, habelə inzibati xətalara dair işlər üzrə icraat qaydasında baxılmalı olan işlərin aidiyyəti üzrə göndərilməsi MPM-də nəzərdə tutulmamışdır. Bu səbəblə nəzərə alınmalıdır ki, inzibati məhkəməyə aid iddia ərizəsi ümumi məhkəməyə verilmişdirsə, MPM-in 153.2, 153.2.1-ci maddələrinə əsasən, ərizəyə mülki məhkəmə icraatı qaydasında ümumi məhkəmədə baxılmalı olmaması əsası ilə iddianın yolverilməzliyinə görə iddia ərizəsinin qəbulundan imtina olunmalı, inzibati məhkəməyə aid iş səhvən ümumi məhkəmənin icraatına qəbul edilmişdirsə, MPM-nin 261.0, 261.0.1-ci maddələrinə əsasən, işə mülki məhkəmə icraatı qaydasında ümumi məhkəmədə baxılmalı olmaması əsası ilə iş üzrə icraata xitam verilməli, iddiaçıya aidiyyəti üzrə səlahiyyətli məhkəməyə müraciət etmək hüququ izah olunmalıdır. Məhkəmə hesab edir ki, iddiaçı həmin tələblə bağlı rayon polis şöbəsinə müraciət etmədən birbaşa məhkəməyə müraciət etmişdir. İddiaçının ərizəsinə aidiyyəti üzrə inzibati məhkəmə icraatı qaydasında baxılmalı olduğundan, Azərbaycan Respublikası Ali Məhkəməsinin irəli sürdüyü mövqeyə əsasən isə belə işlərin aidiyyəti üzrə ümumi məhkəmələrdən inzibati məhkəmələrə göndərilməsinə yol verilmədiyindən iş üzrə icraata xitam verilməli və iddiaçıya ilk öncə Quba rayon polis şöbəsinə müraciət hüququ izah edilməlidir. Əgər Qeyd edilən orqandan imtina alarsa hazırki ərizə ilə aidiyyəti üzrə inzibati məhkəməyə müraciət etmək hüquqları izah olunmalıdır. Azərbaycan Respublikası MPM-in 262.4-cü maddəsinə əsasən işin icraatına xitam verildikdə, eyni tərəflər arasında, eyni predmet haqqında və eyni əsaslar üzrə mübahisə barəsində məhkəməyə müraciət edilməsinə yol verilmir. Məhkəmə qanunvericiliyin qeyd edilən normasını əsas tutaraq hesab edir ki, İddiaçı X2 qarşı “yaşayış evindən istifadə hüququna xitam verilməsi” tələbinə dair ərizəsi üzrə mülki iş məhkəmədə baxılmalı olmadığından iş üzrə icraata xitam verilməlidir. Həmçinin, iş materiallarında olan xx.xx.2023-cü il tarixli, ********** nömrəli mədaxil qəbzindən görünür ki, İddiaçı nümayəndəsi Nümayəndə tərəfindən məhkəməyə ərizə verilməsi üçün xx.xx.2023-cü il tarixdə "xxxx" ASC vasitəsilə büdcə səviyyə kodu 142213 olan hesaba 100 manat dövlət rüsumu ödənilmişdir. Azərbaycan Respublikası Mülki-Prosessual Məcəlləsinin 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Qeyd olunanlara əsasən məhkəmə hesab edir, mülki iş üzrə iddia ərizəsi üzrə icraata Azərbaycan Respublikası Mülki-Prosessual Məcəlləsi ilə nəzərdə tutulmuş əsaslarla xitam verildiyindən İddiaçı nümayəndəsi Nümayəndə tərəfindən 2(027)- 1088/2023 saylı mülki iş üzrə məhkəməyə ərizə verilməsi üçün xx.xx.2023-cü il tarixdə "xxxx" ASC vasitəsilə büdcə səviyyə kodu 142213 olan hesaba ödənilmiş 100 manat dövlət rüsumu İddiaçı nümayəndəsi Nümayəndə qaytarılmalıdır. Göstərilənlərə əsasən və Azərbaycan Respublikası MPM-nin 170.1, 261, 262-264, 266-268-ci maddələrini rəhbər tutaraq, məhkəmə, qəraraaldı: İddiaçı X2 qarşı “yaşayış evindən istifadə hüququna xitam verilməsi” tələbinə dair ərizəsi üzrə mülki işin icraatına xitam verilsin. İddiaçıya izah olunsun ki, Azərbaycan Respublikası MPM-in 262.4-cü maddəsinə əsasən işin icraatına xitam verildikdə, eyni tərəflər arasında eyni predmet haqqında və eyni əsaslar üzrə mübahisə barəsində məhkəməyə təkrar müraciət edilməsinə yol verilmir. İddiaçıya ilk öncə Quba rayon polis şöbəsinə müraciət hüququ izah edilsin. Əgər Qeyd edilən orqandan imtina alarsa hazırki ərizə ilə aidiyyəti üzrə inzibati məhkəməyə müraciət etmək hüquqları izah olunsun. İddiaçı nümayəndəsi Nümayəndə tərəfindən 2(027)-1088/2023 saylı mülki iş üzrə məhkəməyə ərizə verilməsi üçün xx.xx.2023-cü il tarixdə "xxxx" ASC vasitəsilə büdcə səviyyə kodu 142213 olan hesaba ödənilmiş 100 manat dövlət rüsumu İddiaçı nümayəndəsi Nümayəndə qaytarılsın. Qərardaddan rəsmi qaydada verildiyi gündən sonra 10 (on) gün müddətində Quba Rayon Məhkəməsinə şikayət verilə bilər. Sədrlik edən: Rahim Həsənov