Qusar Rayon Məhkəməsi Qərardad — İş №2(029)-819/2021

Azərbaycan Respublikası adından QƏRARDAD Qusar şəhəri İş № 2(029)-819/2021 24.11.2021 QUSAR RAYON MƏHKƏMƏSİ Hakim Vəliyev Adil Yaqub oğlunun sədrliyi Ağaliyev Hümmət Rahib oğlunun katibliyi ilə Abdullayeva (Əmiraslanova) Dilşad Şahbaba qızının, İddiaçı2 və İddiaçı3 Cavabdeh qarşı ümumi mülkiyyət hüququnda olan əmlakda payların naturada ayrılmasına dair iddiaları üzrə mülki işə Qusar rayon məhkəməsinin binasında açıq məhkəmə baxışı iclasında baxaraq, məhkəmə Müəyyən etdi: Abdullayeva (Əmiraslanova) Dilşad Şahbaba qızı, İddiaçı2 və İddiaçı3 Cavabdeh qarşı ümumi mülkiyyət hüququnda olan əmlakda payların naturada ayrılmasına dair iddia ərizəsi ilə məhkəməyə müraciət etmişlər. İşin məhkəmə baxışı iclasında baxılması 24 noyabr 2021-ci il tarixə saat 16:00-a təyin edilsə də, tərəflər məhkəmə iclasının keçirilməsinin yeri və vaxtı barədə əvvəlcədən lazımi qaydada xəbərdar edilmələrinə baxmayaraq məhkəmə iclasına gəlməmişlər, gəlməmələrinin səbəbləri barədə heç bir məlumat verməmişlər və işə onların iştirakı olmadan baxılmasını xahiş etməmişlər. Azərbaycan Respublikasının MPM-nin 259.0.6-cı maddəsinə əsasən işə onların iştirakı olmadan baxmağı xahiş etməmiş tərəflər məhkəməyə gəlmədikdə, məhkəmə ərizəni baxılmamış saxlayır. Məhkəmə hesab edir ki, tərəflər məhkəmə iclasına gəlmədiyindən mülki iş baxılmamış saxlanmalıdır. Həmçinin, məhkəmə iclasında iştirak etməmələrinin və bu haqda məhkəməyə məlumat verməmələrinin üzürlü səbəblərdən baş verməsi haqqında sübutlar təqdim etməklə, ərizənin baxılmamış saxlanması barədə qərardadın ləğv edilməsinə dair vəsatətlə məhkəməyə müraciət etmək hüquqları tərəflərə izah edilməlidir. Yuxarıda göstərilənlərə əsasən və Azərbaycan Respublikasının MPM–nin 259, 260, 263, 264, 267-268-ci maddələrini rəhbər tutaraq, məhkəmə Qərara aldı: Abdullayeva (Əmiraslanova) Dilşad Şahbaba qızının, İddiaçı2 və İddiaçı3 Cavabdeh qarşı ümumi mülkiyyət hüququnda olan əmlakda payların naturada ayrılmasına dair iddiaları üzrə mülki iş baxılmamış saxlanılsın. Məhkəmə iclasında iştirak etməmələrinin və bu haqda məhkəməyə məlumat verməmələrinin üzürlü səbəblərdən baş verməsi haqqında sübutlar təqdim etməklə, ərizənin baxılmamış saxlanması barədə qərardadın ləğv edilməsinə dair vəsatətlə məhkəməyə müraciət etmək hüquqları tərəflərə izah edilsin. Qərardaddan tərəflərə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Sədrlik edən: Adil Vəliyev