Qusar Rayon Məhkəməsi Qərardad — İş №2(029)-972/2020

Azərbaycan Respublikası adından QƏRARDAD Qusar şəhəri İş № 2(029)-972/2020 29.10.2020 QUSAR RAYON MƏHKƏMƏSİ Mən, Qusar Rayon Məhkəməsinin hakimi Kazımov Rafiq Vəli oğlu İddiaçı “Qusar rayon Mərkəzi Xəstəxanası” publik hüquqi şəxsin direktoru İddiaçı cavabdeh Dövlət Əmək Müfətəşşliyi Xidmətinin X1 Şöbəsinə qarşı inzibati tənbehin ləğv olunması və götürülməsi haqqında iddia ərizəsi və ərizəyə əlavə edilmiş sənədləri nəzərdən keçirib, MÜƏYYƏN ETDİM : İddiaçı “Qusar rayon Mərkəzi Xəstəxanası” publik hüquqi şəxsin direktoru İddiaçı cavabdeh Dövlət Əmək Müfətəşşliyi Xidmətinin X1 Şöbəsinə qarşı inzibati tənbehin ləğv olunması və götürülməsi haqqında iddia ərizəsi ilə məhkəməyə müraciət etmişdir. İddiaçı “Qusar rayon Mərkəzi Xəstəxanası” publik hüquqi şəxsin direktoru İddiaçı cavabdeh Dövlət Əmək Müfətəşşliyi Xidmətinin X1 Şöbəsinə qarşı inzibati tənbehin ləğv olunması və götürülməsi haqqında iddia ərizəsini və ərizəyə əlavə edilmiş sənədləri nəzərdən keçirib hesab edirəm ki, ərizə Azərbaycan Respublikası Mülki Prosessual Məcəlləsinin tələblərinə riayət edilməməklə təqdim edildiyindən icraata qəbul edilməməli və geri qaytarılmalıdır. Belə ki, iddia ərizəsindən və ərizəyə əlavə olunmuş sənədlərdən görünür ki, cavabdeh Dövlət Əmək Müfətəşşliyi Xidmətinin X1 Şöbəsi Quba şəhərində yerləşir. Odur ki, həmin iddia tələbinə Qusar rayon məhkəməsində baxıla bilməz. İddiaçı hazırki tələb ilə bağlı Quba rayon məhkəməsinə müraciət etməlidir. Bundan da əlavə iddia ərizəsinə əlavə edilmiş sənədlərin surətləri işdə tərəf olan şəxsə verilməsi üçün müvafiq sayda əlavə edilməmişdir. Azərbaycan Respublikası Mülki Prosessual Məcəlləsinin 35.1-ci maddəsinə əsasən Qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Həmin Məcəllənin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilir. Həmin Məcəllənin 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Beləliklə, göstərilən səbəblərə görə hesab edirəm ki, iddia ərizəsi Azərbaycan Respublikasının MPM-nin tələbləri pozulmaqla məhkəməyə verilmişdir. Azərbaycan Respublikasının MPM-nin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Azərbaycan Respublikasının MPM-nin 152.4-cü maddəsinə əsasən iddia ərizəsinin qaytarılmasına əsas olan nöqsanlar aradan qaldırıldıqdan sonra ümumi qaydada təkrarən məhkəməyə müraciət etmək hüququ iddiaçıya izah edilməlidir. Yuxarıda göstərilənlərə əsasən və Azərbaycan Respublikasının MPM-nin 152,263- 264,267-268-ci maddələrini rəhbər tutaraq QƏRARA ALDİM: İddiaçı “Qusar rayon Mərkəzi Xəstəxanası” publik hüquqi şəxsin direktoru İddiaçı cavabdeh Dövlət Əmək Müfətəşşliyi Xidmətinin X1 Şöbəsinə qarşı inzibati tənbehin ləğv olunması və götürülməsi haqqında iddia ərizəsi və ona əlavə edilmiş sənədlər geri qaytarılsın. İddiaçı “Qusar rayon Mərkəzi Xəstəxanası” publik hüquqi şəxsin direktoru İddiaçı qərardadda göstərilən nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etmək hüququ izah edilsin. Qərardaddan şikayət qərardad tərəfə rədmi qaydada verildikdən sonra 10 (on) gün müddətində Qusar rayon məhkəməsinə verilə bilər.