Şirvan Şəhər Məhkəməsi Qərardad — İş №2(032)-575/2024

Azərbaycan Respublikası adından QƏRARDAD Şirvan şəhəri İş № 2(032)-575/2024 27.02.2024 ŞİRVAN ŞƏHƏR MƏHKƏMƏSİ Hakim Məmmədova Səidə Hüseynağa qızının sədrliyi ilə, İddiaçı oğlunun cavabdehlər Cavabdeh1, Cavabdeh2 Ağagül oğluna və Cavabdeh3 qızına qarşı dəymiş zərərin əvəzinin ödənilməsi tələbinə dair iddia ərizəsinin məhkəmə icraatının mümkünlüyü məsələsinə baxaraq, məhkəmə müəyyən etdi: İddiaçı oğlunun cavabdehlər Cavabdeh1, Cavabdeh2 Ağagül oğluna və Cavabdeh3 qızına qarşı dəymiş zərərin əvəzinin ödənilməsi tələbinə dair iddia ərizəsi xx.xx.2023-cü il tarixdə məhkəməyə daxil olmuşdur. Daxil olmuş ərizəni və ona əlavə olunmuş sənədləri araşdırarkən müəyyən olunmuşdur ki, iddia ərizəsinin tərtibi zamanı mülki prosessual qanunvericiliklə nəzərdə tutulmuş məcburi forma və məzmununa riayət edilməmişdir. Azərbaycan Respublikası Mülki Prosessual Məcəlləsinin 149.2.2-ci maddəsinə əsasən, iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə iddia ərizəsi məhkəmə tərəfindən geri qaytarılır. Hazırki iddia ərizəsinə nəzərdən keçirərkən cavabdehlərin şəxsiyyətlərinin müəyyən edilməsi, onların AZEMİS elektron sistemə daxil edilməsi üçün məlumatların göstərilməməsi, o cümlədən də ərizədə cavabdehlərə məxsus kimi qeyd edilmiş mobil telefon nömrələrinin qeyri-işlək vəziyyətdə olması və onlara iddianın icraatı barədə məlumat verilməsinin mümkünsüz olması aşkar edildi. Halbuki, cavabdehlərə məxsus məlumatların mülki prosessual qanunvericiliyə uyğun tam şəkildə, yəni işlək mobil telefon nömrələrinin, şəxslərin eyniləşdirmə məlumatları (şəxsiyyət vəsiqəsinin seriya nömrəsi) göstərilməməsi və qeyd olunan nöqsanların aradan qaldırılmaması, iddianın hazırki vəziyyətdə baxılması gələcəkdə cavabdehin qanunvericiliklə nəzərdə tutulmuş qaydada iddiaya qarşı etiraz və mülahizələrini bildirməsi, sübutlarını təqdim etməsi, işə çəkişmə prinsipinə riayət edilməklə baxılmasını şübhə altına alır. Beləliklə, məhkəmə İddiaçı oğlunun cavabdehlər Cavabdeh1, Cavabdeh2 Ağagül oğluna və Cavabdeh3 qızına qarşı dəymiş zərərin əvəzinin ödənilməsi tələbinə dair iddia ərizəsinin məhkəmə icraatının mümkünlüyü məsələsinə baxaraq, belə bir nəticəyə gəlir ki, ərizə ona əlavə edilmiş sənədlərlə birlikdə geri qaytarılmalı, iddiaçıya qeyd edilən nöqsanları aradan qaldırdıqdan sonra yenidən məhkəməyə müraciət etmək hüququnun olması izah olunmalıdır. Azərbaycan Respublikası MPM-nin 263, 264, 268-ci maddələrini rəhbər tutaraq və göstərilənləri nəzərə alıb, məhkəmə qərara aldı: İddiaçı oğlunun cavabdehlər Cavabdeh1, Cavabdeh2 Ağagül oğluna və Cavabdeh3 qızına qarşı dəymiş zərərin əvəzinin ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. İddia ərizəsinin verilməsi zamanı ödənilmiş 165 (bir yüz altmış beş) manat dövlət rüsumu (qəbzin nömrəsi 94704) iddiaçıya geri qaytarılsın. İddiaçıya izah olunsun ki, nöqsanlar aradan qaldırıldıqdan sonra yenidən məhkəməyə müraciət etmək hüququ vardır. Qərardaddan rəsmi qaydada təqdim edildiyi gündən 10 (on) gün müddətində Şirvan şəhər Məhkəməsinə şikayət verilə bilər. Sədrlik edən Səidə Məmmədova